Eburulo 11:13 - Sénoufo Nyarafolo

¹³ Siɛnnɛ bálì pe mìɛni 'kò tɛ́ngɛlɛ nī lè fúɔ nɛ̀ pɛ́nì kùu. Piyè ki taaʔ dàa nyuɔ pe yé fɛ̀ni pe mɛ́ dèʔ; pe 'ti nyaa nɛ̀ ti cò liilige. Pe yé ki cɛ́n peli yē nabɔnminɔ nɛ́ ní siɛnnyaarilɛ dàala nɛ̄ lè.

Eburulo 11:13 Iomraidhean Croise

Sélimɛ 21:34

A Birayima wi 'tɛ́ni nɛ̀ mɔgɔ baa Filisitiyé kùlo nī lè.

Sélimɛ 23:4

«Mi yē nabɔnwɔ wī, nɛ́ pɛ́nì tɛ́ni yeli sunʔɔmɔ ní bè. Ye‑ tɔ́ndiʔɛ kɛn m'mɛ́ mi‑ mi cuɔ tɔ́n wè.»

Sélimɛ 25:8

A Birayima 'kùu. Wi yé tɔ̀ni nɛ̀ sɔ́migɔ nɛ̀ liɛ nɛ̀ kùu fundaanra nɛ̄, a pe 'wi tɔ́n a wi 'kɛ́ wi tuuliɛyɛ kúrugu yè.

Sélimɛ 47:9

A Yakuba wi sí jo: «Ki yiʔɛlɛ tekɔlini nɛ́ kpɔrigɔ (130) wī ŋàa wè, bà mi yē nɛ nyaari nɛ mári nabɔnrɔ nɛ̄ dè kùlogolo nī gèle, mi yiʔɛlɛ kiyè niʔɛʔ, á ke fùrɔgɔ ki sí kpúʔɔ mi nɛ̄, mi fìɛ mi tobilo pe yiʔɛlɛ felige taa gèʔ, nɛ̀ sí ki yaʔa peli míɛni 'puu nɛ nyaari kùlogolo nī gèle bɛ̀ mi tíɛlɛ.»

Sélimɛ 48:21

A Isirayɛli sí ki juu Yusufu mɛ́ wè nɛ́ jo: «Ki 'kò cɛ̀ri m'bé kùu wī. Kulocɛliɛ wi bé puu nɛ́ muɔ ní. Wi bé yeli koli bè yeli tórigo baa yeli tobilo kùlo mɛ́ lè.

Sélimɛ 49:10

Fànʔa kàgbiile niǐ ga tíi yiri Zuda narigɛ nī gèʔ, nɛ̀ pínɛ fànʔa sápile niǐ ga tíi yiri wi kiyɛ nī yèʔ, fúɔ bè taa ni kàfɔli wi ba pɛn, wire ŋáà mɛ́ siɛnfeliye yi béri lúru wè.

Sélimɛ 49:18

ʔé Yewe, suɔlɔ náà muɔ nɛ kanʔa lè, lire nɛ̄ mi 'mi sɔ̀ngirɔ taʔa dè.

Sélimɛ 49:28

Bàli pe mìɛni kiɛ nɛ́ siin yē saaya tùluyo, Isirayɛli nī wè. Siɛnrɛ dáà tire tuufɔli wi 'juu pe mɛ́ nyasiɛnsɛnrɛ dè. Wi 'diba kpíʔile we pe mìɛni nigbe nigbe mɛ́ nɛ̀ yɛli nɛ́ pe kɛnmɛ ní bè.

Sélimɛ 49:33

Bà Yakuba 'tunduro dáà juu dè nɛ̀ kúɔ dè nɛ́ wi jaala ní bèle, a wi 'wi tɔliyɔ yɛ̀gɛ yè nɛ̀ taʔa wi yasinɛgɛ nɛ̄ gè, nɛ́ sínɛ nɛ̀ kùu nɛ̀ kɛ́ wi tuuliɛyɛ kúrugu yè.

Sélimɛ 50:24

Cɛngɛ káà a Yusufu kɛ́nì ki juu wi lɔbilɔ mɛ́ bèle nɛ́ pe yɛ: «Ki 'kò cɛ̀ri m'bé kùu wī. Mi 'ki cɛ́n Kulocɛliɛ wi bé sí yeli sáʔa kányiʔɛ nɛ̄. Wi bé yeli yige Ezipiti kùlo nī lè, bè kɛ́ nɛ́ yeli ní kùlo náà nyuɔ wi 'kún nɛ̀ kɛn yeli tuuliɛyɛ mɛ́ yè, Birayima wè, nɛ́ Siaga wè, nɛ́ Yakuba.»

Ŋúnuyɔ 119:19

Mi yē nabɔnwɔ wī dàala nɛ̄ lè; ma fǎga muɔ kajuudiʔɛlɛ làrigɛ gèle mi nɛ̄ʔ !

Ŋúnuyɔ 39:12

Muɔ nɛ siɛn kpúɔn wè wi kolimɔ kɛnmɛ nɛ̄ bè; bɛ̀ màrigbuu tíɛlɛ wè muɔ nɛ ki mugu yɛgɛ gáà ki 'siɛn dɛ́ni wè kpuʔɔ gè. ʔaan, siɛn ó siɛn yē bɛ̀ ŋɔ́nɔ tíɛlɛ. Ye‑ ŋɔ́ cɛ̀.

Yirile 2:22

A wi 'nàgabile sii, a Misa 'wi míʔɛ le gè nɛ wi ye Gerisɔmi (ki kɔri wire wī: nabɔnwɔ), gìi wi yé je juu gè, «Mi 'puu nabɔnwɔ kùlo láà nī wī.»

Leviiyé 25:23

«Dàala niì yɛli bè pári bè láʔaʔ. Nɛ́ ki cɛ́n kùlo niī mi Yewe woli; yeli yē nabɔnminɔ tɛ́ninɛ mi kùlo nī lè, nɛ́ nabɔnnyaarilɛ.

Tɔ́rilɔ 10:30

A Wobabi 'ki juu nɛ́ jo: «ʔéʔe, miǐ kɛ́ baaʔ. Mi kùlo lire mɛ́ mi nɛ caa bè kɛ́, mi wuulo sunʔɔmɔ nī bè.»

Tɔ́rilɔ 24:17

Mi nɛ ki nyaʔa, píra ŋáà nī bɛ̀ʔ. Mi 'ki fílige nɛ̀ nyaa, ki sí wè túɔnʔ. Ŋɔnɔ̀ láà bé yiri Yakuba narigɛ nī gè, kùlofɔli kàgbiile láà bé yiri Isirayɛliyé nī bèle. Kùlofɔli ŋáà wi béri Mowabiyé nyùyɔ muʔɔrɔ yè, bé sí de Sɛti siimɛ kpúɔn bè de cáanri.

Matiye 13:17

Kányiʔɛ nɛ̄, m'bé ki juu yeli mɛ́, ki láa 'puu Kulocɛliɛ siɛnjuulo nɛ́ siɛnsinminɛ nìʔɛnɛ nɛ̄, bè gàa nyaa gè, gàa yeli nɛ nyaʔa gè; nɛ̀ sí ki taa piyè gbɛ̀nɛ ki 'nyaaʔ. Nɛ̀ pínɛ pe 'puu nɛ caa bè gàa lúʔu gè, gàa yeli nɛ lúru gè; piyè sí ki taa nɛ̀ lúʔuʔ.»

Zezi Kirisi Kataanna Siɛnrɛ dè Zan juumɔ nɛ̄ bè 12:41

Ezayi wi cé siɛnrɛ dáà juu dè bɛ̀ ki 'nyaa wi cé Kulocɛliɛ Siɛnnyiɛnɛgɔnwɔ wi kpuɔmɔ nyaa bè. A wi sí nɛ nyu wi wori nɛ̄ dè.

Zezi Kirisi Kataanna Siɛnrɛ dè Zan juumɔ nɛ̄ bè 8:56

Birayima wè, yeli tuu wè, wi cé puu nɛ fundaanra kpínʔini bàga mi cɛngɛ nyaa gè. Wi sí nyɛ́nì ki 'nyaa, a wi 'fundaanra taa.»

Wurɔmiyé 4:21

Wi cé tɛ́ngɛ ki nɛ̄ nɛ̀ láʔa dí a Kulocɛliɛ wi 'nyuɔ fɛ̀ni kaala níì nɛ̄ lè, wi bé jáa bè ni kpíʔile.

Wurɔmiyé 8:24

Ki 'nyaa Kulocɛliɛ wi 'weli suɔ, nɛ̀ sí ki taa weli suɔlɔ ni wori tiī sɔ̀ngirɔ taʔadiʔɛ wī, wiyē nɛ siri nɛ tíin wī. A sɔ̀ngirɔ taʔadiʔɛ ki 'puu yanyaʔa gè, kiǐ cî ní puu we- sɔ̀ngirɔ taʔa ki nɛ̄ʔ. A kire 'laa wè, yɛgɛ gíì ki nyɛ́ni wéli nɛ nyaʔa gè, kire yē lé cígi sɔ̀ngirɔ taʔadiʔɛ ?

Korɛntiyé 2 4:18

Kele gálì ke nyɛ́ni wéli nɛ nyaʔa nyapile nɛ̄ lè, keli bɛ̀ʔ weli nɛ wéliʔ; gìli ke wè nyaʔa nyapile nɛ̄ lè, keli weli nɛ wéli. Nɛ̀ taʔa gíi nɛ̄, kele gílì ke wéli nɛ nyaʔa nyapile nɛ̄ lè, keli bága kúɔ wī. Nɛ̀ sí ki taa gìli ke wè nyaʔa nyapile nɛ̄ lèʔ, keli yē bànguɔ nī wī.

Korɛntiyé 2 5:6

Kire nɛ̄ kiī nɛ ŋɔri nyɔ́gi weli nī súuri; weli sí nyɛ́nì ki cɛ́n, bè weli yaʔa nɛ́ weli céri dáà ní dè, weli yē liilile Kàfɔli nɛ̄ wè wī.

Efɛziyé 2:19

Kire kɛnmɛ nɛ̄, yeli ní wè tíin nabɔnminɔʔ, bé nɛ́ ga jo yeli yē kayɔbigɔ káà kìiyɛ wuulo wīʔ. Ki 'nyaa, yeli nɛ́ Kulocɛliɛ wuulo ní bèle ye 'kò bɛ̀ kùnunɔ wuulo tíɛlɛ wī, níɛ ní Kulocɛliɛ narigɛ wuulo nɛ̀ pínɛ.

Eburulo 11:14

Bàli pe nyu mmɛ gè, piyē nɛ ki fíligi nɛ tìí dí piyē nɛ kùlo caa nàa nī peli tíimɛ woli lè.

Eburulo 11:17

Tɛ́ngɛlɛ kɛnmɛ nɛ̄ bè, a Birayima 'kɛ́ bè sa Siaga kɛn wè kakuɔrɔ yakɔngɔ, bà Kulocɛliɛ yé wi 'siʔɛ nɛ̀ wéli wè. Birayima, wire ŋáà mɛ́ nyafɛnigɛ ki yé kpíʔile gè, wi jaa wire nigbe wī wi yé kɛn.

Eburulo 11:27

Tɛ́ngɛlɛ kɛnmɛ nɛ̄ bè, a Misa 'yiri Ezipiti kùlo nī lè; wiì cɛ́nì fíɛ kùlofɔli funyɛrigɛ nɛ̄ gèʔ. A wi 'lèbaanna le majo wire cî gbɛ̀ wi nyaa wī ŋàa siɛn sǐ gbɛ̀ nyaa wèʔ.

Eburulo 11:39

Kire siɛnnɛ bálì bèle, a Kulocɛliɛ 'pe míɛtanʔa yeri gè pe tɛ́ngɛlɛ lire kɛnmɛ nɛ̄ bè. Nɛ̀ ki yaʔa piyè ki taaʔ gàa nyuɔ Kulocɛliɛ yé fɛ̀ni pe mɛ́ gèʔ.

Piɛri 1 1:1

Mi Piɛri wè, Zezi Kirisi tundunwɔ wè, mi nyɛ́nì sɛbɛ ŋáà tórigo wè yeli mɛ́ yeli bálì Kulocɛliɛ 'nyíɛnɛ nɛ̀ kɔ̀n bèle, yeli bálì bīɛlɛ tɛ́ninɛ tiɛyɛ yáà nī nɛ́ ní nabɔnminɔ bèle, baa Pɔnti tɛ́nimɛ nī bè, nɛ́ Galasi tɛ́nimɛ ní bè, nɛ́ Kapadɔsi tɛ́nimɛ, nɛ́ Azii tɛ́nimɛ, nɛ́ Biitinii tɛ́nimɛ nī bè.

Piɛri 1 1:17

Yeli nɛ Kulocɛliɛ náari wè níɛ wi yeri yeli Tuu, wire ŋáà wiī nɛ siɛn ó siɛn kàyuʔu nyu gè; wi wè wàa yigi wàa nīʔ. Kire nɛ̄, lɛ̀lɛ náà ni 'kò yeli mɛ́ dàala nɛ̄ lè, yeri yeli sìi tári wè yeri ki tìí yeli nɛ fìʔɛ́ Kulocɛliɛ nɛ̄ wè.

Piɛri 1 2:11

Nɛ siinyɛninɛ, yeli yē nabɔnminɔ tɛ́ninɛ dàala nɛ̄ lè nɛ́ ní nabɔnnyaarilɛ. Kire nɛ̄ mi nɛ yeli fiɛn wī, ye- yìye cò céri kanɛdanʔana nɛ̄ gèle gàli ke túngu nɛ́ yeli pìle ní lè.

Zan 1 3:19

Kire ki bé ki yaʔa dí weli- ki cɛ́n bè jo weli yē kányiʔɛ wuulo nɛ́ míɛni weli funyɔ yi bé nyígi Kulocɛliɛ yiʔɛ mɛ́ gè.