Eburulo 11:12 - Sénoufo Nyarafolo

¹² Birayima yé liɛ nɛ̀ tóri kɛnmɛ bíì nɛ̄ bè a wi 'kò majo wi 'kùu wī. Kire nɛ́ ki mìɛni, kire nàguɔ ŋáà nigbe wè, wi siimɛ pi yé puu nìʔɛbɛ bɛ̀ nyìʔɛnɛ ŋɔgɔlɔ tíɛlɛ gèle, nɛ́ bɛ̀ kuʔɔjii gògoyo dàrimiʔɛ tíɛlɛ gè gàa siɛn sì cî gbɛ̀ tɔ́ri gèʔ.

Eburulo 11:12 Iomraidhean Croise

Sélimɛ 15:5

A Yewe wi 'Birama kɔ́ri wè nɛ̀ yiri kpànʔanɛ, nɛ́ wi yɛ: «‑Muɔ yiʔɛ yɛ̀gɛ gè, ma ŋɔgɔlɔ wéli gèle, a ki yē muɔ bé gbɛ̀ jáa bè ke tɔ́ri.» Nɛ́ fali nɛ̀ wi yɛ: «Muɔ siimɛ pi bé ba niʔɛ bɛ̀ ŋɔgɔlɔ tíɛlɛ gèle.»

Sélimɛ 22:17

kányiʔɛ nɛ̄ m'bé mi kajɛ̀ngɛ taʔa gè muɔ nɛ̄ bè muɔ siimɛ niʔɛ bè. M'bé pi kpíʔile nìʔɛmɛ bɛ̀ ŋɔgɔlɔ tíɛlɛ gèle, nɛ́ bɛ̀ kuʔɔjii gògoyo dàrimiʔɛ tíɛlɛ gè. Muɔ siimɛ pi bé pe leguulo jáa bèle bè fànʔa taa pe kàaya nɛ̄ yè.

Sélimɛ 26:4

M'bé muɔ siimɛ niʔɛ bè, bɛ̀ nyìʔɛnɛ ŋɔgɔlɔ tíɛlɛ gèle. Muɔ siimɛ pire mɛ́ m'bé kùlogolo gálì kɛn gèle, pire bī duniya siɛnnɛ pe bé bari wéli béri diba tari wè pìye nɛ̄.

Sélimɛ 32:12

«‑Mi suɔ mi luɔ Ezawu mɛ́ wè, nɛ́ ki cɛ́n mi nɛ fìʔɛ́ wi fǎga ba mi kpúuʔ, nɛ́ mi pìile ní bèle nɛ́ pe yàala ní bèle, wi fǎga wàa nigbe yaʔaʔ.

Yirile 32:13

Sɔ̀ngi ma taa nɛ́ Birayima ní wè, nɛ́ Siaga ní wè, nɛ́ Isirayɛli ní, peli bálì bīɛlɛ muɔ baakuɔlɔ bèle; peli mɛ́ muɔ yé kàli nɛ̀ jo muɔ bé pe siimɛ niʔɛ bè bɛ̀ ŋɔgɔlɔ tíɛlɛ gàli gīɛlɛ nyìʔɛnɛ nī lè. Muɔ yé ki juu pe mɛ́ nɛ́ jo muɔ bé kùlo náà ni mìɛni kɛn lè pe pìile mɛ́ bèle, nàa wuʔu muɔ yé juu gè; pe bé ni taa kɔrigɔ lɛ̀lɛ ó lɛ̀lɛ.»

Wurɔmiyé 9:27

Nɛ̀ pínɛ Ezayi wi cé yékpoli yɛ̀gɛ lè nɛ́ Isirayɛli wori juu dè nɛ́ jo: A Isirayɛli pìile pe cɛ́nì niʔɛ bɛ̀ kuʔɔjii dàrimiʔɛ tíɛlɛ gè, bìli pe bága kò bèle peli pe bé suɔ .

Fànʔa Kajuʔulo 1:10

Yewe yeli Kulocɛliɛ wè, wi nyɛ́nì yeli kpíʔile a yeli 'niʔɛ, a yeli 'kò pàngɛ gè siɛnniʔɛbogo bɛ̀ nyìʔɛnɛ ŋɔgɔlɔ tíɛlɛ gèle.

Fànʔa Kajuʔulo 28:62

Muɔ ŋáà ma 'puu siɛnniʔɛbogo gè bɛ̀ nyìʔɛnɛ ŋɔgɔlɔ tíɛlɛ gèle, muɔ bé kò siɛnnɛ cɛ̀ri yákuɔ wī, nɛ́ ki cɛ́n muɔ sì fɔ̀li nɛ̀ lúʔu Yewe muɔ Kulocɛliɛ mɛ́ wèʔ.

Tìɛlɛ 20:8

Wi bé kɛ́ bè sari kùlogolo siɛnnɛ feliye fáanni yè de pùunní dàala láʔagɛlɛ tiɛyɛ sicɛri nī yè, peli bīɛlɛ Gɔgi nɛ́ Magɔgiyé bèle, bè pe kɔ́ri bè gbuʔulo kapiɛnnɛ lire míʔɛ nɛ̄. Pe bé puu nìʔɛbɛlɛ bɛ̀ kuʔɔjii dàrimiʔɛ tíɛlɛ gè.