Eburulo 11:10 - Sénoufo Nyarafolo

¹⁰ Nɛ́ ki cɛ́n Birayima 'puu nɛ kàkpuʔɔ siri gè gàa kàkpuɔnnɔ pe 'le nɛ̀ lìri bèle, gàa Kulocɛliɛ wire tíimɛ yé gbòbori nɛ́ ki sɔ́migɔ nɛ̀ faan gè.

Eburulo 11:10 Iomraidhean Croise

Zezi Kirisi Kataanna Siɛnrɛ dè Zan juumɔ nɛ̄ bè 14:2

Kòridiɛyɛ nìʔɛyɛ yē baa mi Tuu wi saʔa nī gè. A kiì puu bɛ̀ gèʔ, mi cî ti juu lé yeli mɛ́ bé yeli yɛ dí mi nɛ waa bè sa tiʔɛ káà kpíʔile yeli mɛ́ lé ?

Korɛntiyé 2 5:1

Ki 'nyaa weli 'ki cɛ́n weli céri dáà dī weli nɛ̄ bɛ̀ bùguro saʔa tíɛlɛ náʔa duniya nī wè, a ki kɛ́nì tuu gè, Kulocɛliɛ saafanʔa káà yē baa weli mɛ́ nyìʔɛnɛ nī lè, kire saʔa gè siɛn kɔli wofanʔa bɛ̀ʔ, kiì je ga tuu bè nyaaʔ.

Filipiyé 3:20

Weli sí bèle, nyìʔɛnɛkaʔa wuulo bīɛlɛ weli bèle, weli nɛ Suɔfɔli siri wè, kire tiʔɛ nī wi bága kɔ́n, wire wī Kàfɔli Zezi Kirisi wè.

Eburulo 11:16

Gìi sí gī baa gè, gàa pe 'puu nɛ caa gè, pe 'puu nɛ kùlo láà caa nàa ni 'sɔ́migɔ nɛ̀ nyuɔ baa nyìʔɛnɛ nī lè. Kire nɛ̄ ki wè fìɛrɛʔ Kulocɛliɛ mɛ́ peri wire yeri pe Kulocɛliɛ wèʔ, nɛ́ ki cɛ́n wi nyɛ́nì kàkpuʔɔ káà gbòbori pe mɛ́.

Eburulo 12:22

Gìi sí gī baa gè, yeli bèle, yeli nyɛ́nì sìʔɛrɛ nɛ̀ kpɔni Siyɔn nyagurugo nɛ̄ gè, Kulocɛliɛ wewiiwe wi kàkpuʔɔ nɛ̄ gè gàa gī Zerizalɛmi wè baa nyìʔɛnɛ nī lè. Kire tiʔɛ nī gè, nyìʔɛnɛ tundunminɔ siramuʔɔyɔ siramuʔɔyɔ yē baa gbuʔulilo fundaanra nɛ̄ dè.

Eburulo 12:28

Bɛ̀ weli nɛ Kùlofɔligɔ taʔa gè gàa kiǐ gbɛ̀ cúungo gèʔ, weri Kulocɛliɛ síɛri wè, weri wi gbùʔɔrɔ́ kɛnmɛ bíì nɛ̄ ki 'wi dɛ́ni wè, nɛ́ kpuʔɔrɔ nɛ́ fíɛrɛ ní.

Eburulo 13:14

Nɛ́ ki cɛ́n náʔa dàala nɛ̄ lè, kòridiʔɛ wè weli mɛ́ gàa ki mɔgi gèʔ, nɛ̀ ki yaʔa weli sɔ̀ngirɔ tiī kàkpuʔɔ nɛ̄ gè gàa ki bága pɛn gè.

Eburulo 3:4

Nɛ́ ki cɛ́n saʔa ó saʔa muɔ nɛ nyaʔa gè, siɛn wi 'ki faan, nɛ̀ ki yaʔa ŋàa wi 'yɛrɛ ti mìɛni faan dè, Kulocɛliɛ wī.

Tìɛlɛ 21:2

Nɛ̀ pínɛ Kulocɛliɛ kàʔa wàlidɛngɛgɛ gè, Zerizalɛmi kàfɔngɔ gè, a mi 'ki nyaa a ki 'kɔ́n baa nyìʔɛnɛ nī lè Kulocɛliɛ tiʔɛ nī gè nɛ tíri, nɛ̀ kìi gbòbori majo bɛ̀ cefɔnwɔ cî wìi fèri nɛ̀ yaʔa wi pɔli mɛ́ wè.