Eburulo 11:1 - Sénoufo Nyarafolo

¹ Tɛ́ngɛlɛ ni kɔri wire yē: bè tɛ́ngɛ ki nɛ̄ gìi nɛ̄ muɔ nyɛ́nì muɔ sɔ̀ngirɔ taʔa dè, muɔ bé ki taa, bè ki cɛ́n gàa muɔ wè nɛ nyaʔa gèʔ, kiī kányiʔɛ.

Eburulo 11:1 Iomraidhean Croise

Ŋúnuyɔ 27:13

Mɛni mi cî ga puu a mi sì yé mi sɔ̀ngirɔ taʔa dè Yewe kacɛ̀ngɛ nɛ̄ gèʔ, duniya ŋáà nī siɛnnɛ pe yē sìi nɛ̄ wè ?

Ŋúnuyɔ 42:11

Mi piɛnnɛ pe tiʔɛligɛlɛ gèle, kiyē nɛ mi nàzɔn cɛnminɛ wè mi nɛ̄, bà pe cî nɛ ki nyu m'mɛ́ súuri níɛ̀ jo: ‹Sé muɔ Kulocɛliɛ wi yē  ?› »

Kakpiʔiligele 20:21

Mi 'puu nɛ ki nyu nɛ yigi Zuufulo mɛ́ bèle nɛ́ Girɛkilɛ ní bèle, nɛ́ pe yɛ pe- pe funyɔ yiʔɛ yè pe taʔa Kulocɛliɛ nɛ̄ wè, pé tɛ́ngɛ Kàfɔli Zezi nɛ̄ wè.

Korɛntiyé 1 13:13

Píra ŋáà nī wè, yatiɛyɛ taanri nyáà yire yi 'kò, yi n'yɛ: tɛ́ngɛlɛ, sɔ̀ngirɔ taʔadiʔɛ, nɛ́ dɛ́nigɛ. Gìi sí ki 'kpúʔɔ ti mìɛni nɛ̄ dè, dɛ́nigɛ kire gī.

Korɛntiyé 2 11:17

Dàa mi nɛ nyu dè, mi wè ti nyuʔ nɛ̀ yɛli nɛ́ Kàfɔli wire kɛnmɛ ní wīʔ, mi nɛ ti nyu kàalafɔlilɔ siɛnrɛ tíɛlɛ wī, nɛ nìɛ nyíɛnɛ nɛ́ ti ní.

Korɛntiyé 2 4:18

Kele gálì ke nyɛ́ni wéli nɛ nyaʔa nyapile nɛ̄ lè, keli bɛ̀ʔ weli nɛ wéliʔ; gìli ke wè nyaʔa nyapile nɛ̄ lè, keli weli nɛ wéli. Nɛ̀ taʔa gíi nɛ̄, kele gílì ke wéli nɛ nyaʔa nyapile nɛ̄ lè, keli bága kúɔ wī. Nɛ̀ sí ki taa gìli ke wè nyaʔa nyapile nɛ̄ lèʔ, keli yē bànguɔ nī wī.

Korɛntiyé 2 5:17

Kire nɛ̄, a siɛn yē pínɛnyɛnigɛ nɛ̄ nɛ́ Kirisi ní wè, wi 'kò siɛnfɔnwɔ wī; kaliɛmɛ pi 'tóri, píra ŋáà nī wè kanvɔnmɔ pi 'pɛn.

Korɛntiyé 2 5:7

Ki 'nyaa tɛ́ngɛlɛ sɔ̀ngirɔ ní weli nɛ tári; gàa nyapile nɛ nyaʔa, kire nɛ̄ bɛ̀ʔ weli nɛ táriʔ.

Korɛntiyé 2 9:4

Á kire 'laa, a Maseduwani wuulo pe 'kɛ́ nɛ́ mi ní bèle, a ki sɛ́nì nyaa yeli sì gbòbori nɛ̀ yaʔa wèʔ, ki bé kpíʔile majo tɛ́ngɛrɛ dáà weli 'taʔa yeli nɛ̄ dè, ki bé kò yeli fìɛrɛ wī, bè cɛ tóri weli nɛ̄.

Galasiyé 5:6

Ki 'nyaa a siɛn yē Zezi Kirisi nī wè, ma kɛnɛkɛnɛ yo, miɛ̀ nɛ́ kɛnɛkɛnɛ yoʔ, kire kàa wuʔu sì kpúʔɔʔ. Gìi wuʔu ki 'kpúʔɔ gè, ma puu nɛ́ tɛ́ngɛlɛ ní, tɛ́ngɛlɛ náà ni nyɛ́ni ki tìí siɛnnɛ pe 'muɔ dɛ́ni wè, muɔ kakpiʔiligele nī gèle.

Tiiti 1:1

Sɛbɛ ŋáà wi 'kɔ́n mi Pɔli mɛ́, mi ŋáà wī Kulocɛliɛ sùkulowo wè nɛ́ ní Zezi Kirisi tundunwɔ wè. Kulocɛliɛ wi 'mi tun mi de wi siɛnnyiɛnɛgɔnminɔ sári bèle peri waa yiʔɛmɛ tɛ́ngɛlɛ nī lè pe- kányiʔɛ cɛ́n gè. Kire kányiʔɛ kire ki 'ki yaʔa pe pe sìi tári wè bè puu puɔlɔ Kulocɛliɛ nɛ̄ wè.

Eburulo 10:22

we- sìʔɛrɛ we kpɔni Kulocɛliɛ nɛ̄ wè nɛ́ funviige ní, nɛ́ tɛ́ngɛjɛ̀nnɛ ní nàa nī káaliyɛ fùn woli lè, nɛ́ funyɔ ní nyàa yī cìiliye yè nɛ́ nyàa yī sɔ̀ngibiire fùn yè, nɛ́ weli céri ní dè dàa 'ti jíge nɛ̀ kúɔ dè nɛ́ laciilige ní gè.

Eburulo 10:39

Ki sí n'gɛ, weli wè bɛ̀ʔ bìli tíɛlɛ pe 'kàduʔu wáa wè nɛ́ cúʔɔ wèʔ. Weli sí yē bàli bīɛlɛ tɛ́ngɛlɛ ní lè, bɛ̀ sí ki yē weli yē suɔlɔ koligo nī gè.

Eburulo 11:13

Siɛnnɛ bálì pe mìɛni 'kò tɛ́ngɛlɛ nī lè fúɔ nɛ̀ pɛ́nì kùu. Piyè ki taaʔ dàa nyuɔ pe yé fɛ̀ni pe mɛ́ dèʔ; pe 'ti nyaa nɛ̀ ti cò liilige. Pe yé ki cɛ́n peli yē nabɔnminɔ nɛ́ ní siɛnnyaarilɛ dàala nɛ̄ lè.

Eburulo 11:27

Tɛ́ngɛlɛ kɛnmɛ nɛ̄ bè, a Misa 'yiri Ezipiti kùlo nī lè; wiì cɛ́nì fíɛ kùlofɔli funyɛrigɛ nɛ̄ gèʔ. A wi 'lèbaanna le majo wire cî gbɛ̀ wi nyaa wī ŋàa siɛn sǐ gbɛ̀ nyaa wèʔ.

Eburulo 11:7

Tɛ́ngɛlɛ kɛnmɛ nɛ̄ bè, a Nɔwe 'kɔ́rikpuʔɔ kpíʔile gè nɛ̀ wi narigɛ suɔ gè. Wi yé Kulocɛliɛ kajuuyaʔala sɔ́migɔ lè nɛ̀ lúʔu, kele wuʔu nɛ̄ gè gàli ke cî kpíʔile gèle, gàli siɛn sì cé fìɛ nyaa wèʔ. Wi tɛ́ngɛlɛ kɛnmɛ nɛ̄ bè, a Nɔwe 'kàyuʔu juu duniya siɛnnɛ nɛ̄ bèle, a Kulocɛliɛ sí wi tɔ́ri siɛnsinwɛ.

Eburulo 2:3

mɛni sí weli bága suɔ bè síɛ ki kapiile tɔ̀ni ŋáà mɛ́ wè, a weli nɛ sàliyɛ nyɔ́gi suɔgbuɔlɔ siɛnrɛ dáà nī dè ? Kàfɔli wire wi cé kíni nɛ̀ ki siɛnrɛ dáà juu dè; bàli pe 'ti lúʔu dè, a pe 'tire ti mìɛni 'juu nɛ̀ láʔa weli mɛ́ kányiʔɛ nɛ̄.

Eburulo 3:14

Nɛ́ ki cɛ́n weli nyɛ́nì kò Kirisi wi kodanʔanyɛninɛ wī, a weli 'fɔ̀li nɛ̀ weli tɛ́ngɛlɛ cò lè kpuʔɔ wè nàa ni kíni nɛ̀ puu weli mɛ́ sélimɛ nɛ̄ bè, nɛ̀ pɛ́nì nɔ̀ ki kúɔmɔ nɛ̄ bè.

Eburulo 3:6

Nɛ̀ sí ki yaʔa Kirisi wè, Kulocɛliɛ Siɛnnyiɛnɛgɔnwɔ wè, wi 'puu Jaafɔli, nɛ́ ní tɛ́ngɛmɛ siɛn, ŋàa wī tɛ́niwɛ Kulocɛliɛ saʔa nyùgo nɛ̄ gè. Weli yē wi saʔa wuulo, a weli 'weli tɛ́ngɛlɛ sɔ́migɔ lè nɛ̀ cò kpuʔɔ lè, níɛ wìye nyíɛnɛ nɛ́ weli sɔ̀ngirɔ taʔadiʔɛ wuʔu ní gè.

Eburulo 6:12

Kire nɛ̄ ye fǎga puu sàliyɛfɔlilɔʔ. Ye- puu bɛ̀ bàli tíɛlɛ pe 'Kulocɛliɛ nyafɛniyɛ taa yè, pe tɛ́ngɛlɛ nɛ́ pe lèbaanna kɛnmɛ nɛ̄ bè.

Piɛri 2 1:1

Mi ŋáà wī Siimɔ Piɛri wè, Zezi Kirisi wi sùkulowo nɛ́ ní wi tundunwɔ wè, mi nɛ sɛbɛ ŋáà tórigi wè bàli mɛ́ pe 'tɛ́ngɛlɛ taa lè nàa ni 'kpúʔɔ nɛ̀ nyuɔ lè nɛ́ nī nunɔ nɛ́ weli woli ní lè. Kire tɛ́ngɛlɛ náà ni 'taa Zezi Kirisi nī wè, weli Kulocɛliɛ nɛ́ weli Suɔfɔli, wi sínmɛ pire kɛnmɛ nɛ̄.