Eburulo 10:5 - Sénoufo Nyarafolo

⁵ Kire kɛnmɛ nɛ̄, lɛ̀lɛ líì nī Kirisi wi yé je jíin duniya nī wè, a wi 'ki juu Kulocɛliɛ mɛ́ wè nɛ́ jo: Kakuɔrɔ yajuuro dè nɛ́ yaliire yakɛnrɛ ní dè, tire bɛ̀ʔ muɔ nɛ caaʔ: muɔ 'cetinnɛ kpíʔile mi mɛ́.

Eburulo 10:5 Iomraidhean Croise

Sélimɛ 3:15

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

Matiye 11:3

A pe sɛ́nì wi yúgo: «Muɔ wī lé ŋàa wi cé yɛli bága pɛn wè, á kire 'laa weri wàa wiiyɛ siri de tíin lé  ?»

Luku 1:35

A nyìʔɛnɛ tundunwɔ wi 'wi yɛ: «Kulocɛliɛ Pìle ni bé pɛn muɔ mɛ́, dí Kulocɛliɛ ŋáà wī Duniya wi Mìɛni Nyùgo nɛ̄ gè, wi fànʔa ki nyúmɔ pi sí tɔ́n muɔ nɛ̄. Kire nɛ̄ pùɔ ŋáà wi bé sii wè, wi bé puu siɛnciiliwe tiɛlɛ fùn, pe béri wi yeri Kulocɛliɛ Jaa.

Luku 7:19

nɛ̀ pe tun baa Kàfɔli mɛ́ wè nɛ́ jo pe sa wi yúgo: «Muɔ wī lé ŋàa wi cé yɛli bága pɛn wè, á kire 'laa weri wàa wiiyɛ siri de tíin lé ?»

Zezi Kirisi Kataanna Siɛnrɛ dè Zan juumɔ nɛ̄ bè 1:14

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Galasiyé 4:4

Bà lɛ̀lɛ ni sí kɛ́nì pɛ́nì nyì nɛ̀ fori lè, a Kulocɛliɛ wi 'wi Jaa tórigo wè a cɛliwɛ pɛ́nì wi sii, wi ní Fànʔa Siɛnrɛ láara dè,

Timote 1 3:16

ʔaan, káaliyɛ wè ti nīʔ, weli tɛ́ngɛlɛ ni kalarilɛ ni 'kpúʔɔ, nàa nī tɛ́ngɛlɛ ni nyùgo gè: Wi nyɛ́nì wìi tìɛ siɛn céri nī, a Kulocɛliɛ Pìle ni 'ki juu nɛ̀ láʔa nɛ́ jo wi 'sín, a nyìʔɛnɛ tundunminɔ pe 'wi nyaa. A siɛnnɛ pe 'wi wuʔu jáari gè kùlogolo siɛnnɛ mɛ́ bèle, a siɛnniʔɛnɛ 'tɛ́ngɛ wi nɛ̄ duniya nī wè, a Kulocɛliɛ wi 'wi yɛ̀gɛ wi kpuɔmɔ nī bè.

Eburulo 1:6

Nɛ̀ ki yaʔa bà Kulocɛliɛ wi kɛ́nì wi Pìpeliwe tun wè duniya nī wè, a Kulocɛliɛ wi 'jo: Nyìʔɛnɛ tundunminɔ pe mìɛni peri wi gbùʔɔrɔ́  !

Eburulo 10:10

Kulocɛliɛ nyɛ́ni kaala ni 'puu bè weli wàli bè tɛ́ngɛ wire mɛ́, kire nɛ̄ Zezi Kirisi wi 'wi céri kɛn dè kakuɔrɔ, tɔligɔ nigbe péʔ.

Eburulo 10:7

Kire nɛ̄ a mi 'ki juu nɛ́ jo: «Ki n'gɛ, mi nyɛ́nì pɛn !» Ki nyɛ́nì sɛbɛ mi wuʔu nɛ̄ gè sɛbɛkuruwo nī wè nɛ́ jo: «Mi nyɛ́nì pɛn bèri muɔ nyɛ́ni kele kpínʔini gèle, Kulocɛliɛ .»

Eburulo 10:8

Wi séli nɛ ki nyu wī nɛ́ jo: Kakuɔrɔ yajuuro nɛ́ yakɔnrɔ, kakuɔrɔ kaasuʔuro nɛ́ kapiʔile kàsulugo kakuɔrɔ, tire sì muɔ dɛ́niʔ. Nɛ̀ ki yaʔa, kire kakuɔrɔ ti 'puu nɛ kɔ̀ngí nɛ̀ yɛli nɛ́ Fànʔa Siɛnrɛ ní dè.

Eburulo 2:14

Ki sí n'gɛ, bɛ̀ pìile piyē lewiile bèle bàli pe sí yē céri nɛ́ sìsiɛn gè, Zezi wire míɛni pɛ́nì kò céri nɛ́ sìsiɛn. Bɛ̀ ki 'kpíʔile a wi 'jáa nɛ̀ kùu bè gbòdolilo kàfɔli fànʔa cúʔɔ gè, wire ŋáà kiyɛ nī kùu fànʔa ki yē gè.

Eburulo 5:7

Bè Zezi yaʔa wè céri nī dè náʔa dàala nɛ̄ lè, a wi 'Kulocɛliɛ náari wè nɛ́ wi fiɛn nɛ́ yékpogbuɔlɔ ní nɛ́ yéturo ní, nɛ́ ki cɛ́n Kulocɛliɛ wire wi cî gbɛ̀ wi suɔ kùu mɛ́ wè. A Kulocɛliɛ wi 'lúʔu wi mɛ́, bɛ̀ wi yé wìi cɛ́rigɛ wire mɛ́ wè.

Eburulo 8:3

Kacuɔnrilɔ kàfɔlilɔ piyē tɛ́ngɛlɛ bèri kpuʔɔrɔ nɛ́ kakuɔrɔ kɔ̀ngí dè Kulocɛliɛ mɛ́ wè. Weli kacuɔnrilɔ kàfɔli míɛni wi 'yɛli de yakaa taʔa de kanʔa wi mɛ́.

Piɛri 1 2:24

Wi 'weli kapiʔile tugo gèle wi céri nī dè tiiparigɛ nɛ̄ gè, kire ga buu weli- kùu kapiile kɔli mɛ́ gè bé sí puu sìi nɛ̄ sínmɛ kɔli mɛ́ gè. Wi kpúɔnluɔlɔ lire kɛnmɛ nɛ̄ yeli nyɛ́nì puʔɔ.

Zan 2 1:7

Mi 'tire juu wī nɛ́ ki cɛ́n káfinɛvinɛnɛ sáamɛ nyɛ́nì cɛrigɛ nɛ̀ màʔa duniya nī wè, bàli bīɛlɛ pe 'cíi, piyè yéri ki nɛ̄ nɛ̀ jo Zezi Kirisi wi nyɛ́nì pɛn siɛn céri nī dèʔ. A siɛn ó siɛn 'nyaa pe tíɛlɛ wè, kire siɛn wi yē káfinɛvinɛwɛ wī nɛ́ ní Kirisi leguuwo.