Eburulo 10:4 - Sénoufo Nyarafolo

⁴ Nɛ́ ki cɛ́n nɛ̀piʔɛlɛ nɛ́ síkapɛngɛlɛ sìsiɛn gè, kire káà fáala sǐ cî gbɛ̀ jáa bè kapiʔile láʔa gèleʔ.

Eburulo 10:4 Iomraidhean Croise

Ŋúnuyɔ 51:16

Kulocɛliɛ yo, mi suɔfɔli Kulocɛliɛ, bɛ̀ mi 'sìsiɛn wo gè, ma mi kàsulugo suɔ gè ! Bà mi nyinɛ ni béri muɔ kasingele ŋú gèle.

Mariki 12:33

Siɛn 'yɛli bè Kulocɛliɛ kaala yaʔa lè ni- wi dɛ́ni nɛ́ wi fungo ki mìɛni ní, nɛ́ wi sìnjilige ki mìɛni ní, nɛ́ wi ŋɔri ti mìɛni ní; bé míɛni wi siɛnnyɛni woli yaʔa ni- wi dɛ́ni bɛ̀ wìi tíɛlɛ. A siɛn nɛ kire kpínʔini gè, ki 'pɔ́ri kakuɔrɔ kaasuʔuro ti mìɛni nɛ̄, nɛ́ kakuɔrɔ feliye yi mìɛni ní yè.»

Zezi Kirisi Kataanna Siɛnrɛ dè Zan juumɔ nɛ̄ bè 1:29

Ki kpìɛnduu gè, a Zan wi 'Zezi wéli wè nɛ̀ nyaa wi báan baa wi kúrugu. A wi 'jo: «Kulocɛliɛ Sìnbapile n'nɛ, lire ni bé duniya kapiile láʔa lè !

Wurɔmiyé 11:27

Tire dī mi nyakungɛngɛ ki siɛnrɛ dè , a mi kɛ́nì pe kapiʔile láʔala gèle .

Eburulo 10:1

Misa Fànʔa Siɛnrɛ dè, tiī fìɛ yákuɔ wī bè weli nyuɔmɔ tìɛ bè bàa pi 'puu nɛ báan bè. Ti tíimɛ sì puu kányiʔɛ woriʔ. Kire nɛ̄, tiì jáa nɛ̀ siɛn nyuɔ nɛ̀ forigoʔ bè ki yaʔa siɛn- gbɛ̀ sìʔɛrɛ kpɔni bè Kulocɛliɛ gbùʔɔrɔ wèʔ, kakuɔrɔ wenuro dáà tire kɛnmɛ nɛ̄ bèʔ, dàa ti 'puu nɛ kpínʔini yiɛlɛ ó yiɛlɛ láʔala fùn wè.

Eburulo 10:11

Cɛngɛ ó cɛngɛ, kacuɔnriwɔ ó kacuɔnriwɔ wi nɛ̂ yéri nɛ̀ wi baara kúɔ dè, nyakungɛngɛ liʔɛ wori dè. Wi nìɛ kakuɔrɔ wenuro kúu dè nɛ taʔala, tire dáà tiǐ cî gbɛ̀ jáa bè kapiʔile láʔa gèle púloʔ.

Eburulo 10:8

Wi séli nɛ ki nyu wī nɛ́ jo: Kakuɔrɔ yajuuro nɛ́ yakɔnrɔ, kakuɔrɔ kaasuʔuro nɛ́ kapiʔile kàsulugo kakuɔrɔ, tire sì muɔ dɛ́niʔ. Nɛ̀ ki yaʔa, kire kakuɔrɔ ti 'puu nɛ kɔ̀ngí nɛ̀ yɛli nɛ́ Fànʔa Siɛnrɛ ní dè.

Eburulo 9:9

Kire yé buu fìɛ bè weli lɛ̀lɛ náà tìɛ lè. Gìi sí gī baa gè, kpuʔɔrɔ nɛ́ kakuɔrɔ yajuuro dáà kacuɔnrilɔ pe kanʔa dè, kire kàa fáala sì cî gbɛ̀ jáa bè siɛnnɛ funyɔ jíge yè yi mùnuʔ, bàli pe 'pɛn nɛ́ kakuɔrɔ yajuuro ní dè bè Kulocɛliɛ gbùʔɔrɔ wèʔ.

Zan 1 3:5

Yeli nyɛ́nì ki cɛ́n, Zezi Kirisi wi 'pɛn bè kapiʔile láʔa gèle; kapiile wè wi nī púloʔ.