Eburulo 10:25 - Sénoufo Nyarafolo

²⁵ We fǎga weli gbúʔurugolo yaʔa gèle ke- tuuʔ majo bɛ̀ pàli dàli nɛ ki kpínʔini gèʔ. Gìi ki 'pɔ́ri gè weri ŋɔri nyɔ́gi wìye nī, nɛ́ ki cɛ́n bɛ̀ ki yē ŋɔ̀ wè, Kàfɔli wi pɛnjɛngɛ kiī nɛ nɔ̀gí.

Eburulo 10:25 Iomraidhean Croise

Matiye 10:15

M'bé ki juu yeli mɛ́ kányiʔɛ nɛ̄, kàyuʔujuujɛngɛ gè, Sodɔmi nɛ́ Gomɔri kàaya wuulo kàyuʔu ki bé ní cɛ màʔa bè puu yɔ́rigɔ bè tóri ki kàʔa gáà ki kàyuʔu nɛ̄ gè, baa piyè lúʔu yeli mɛ́ bèleʔ.»

Matiye 18:20

Nɛ́ ki cɛ́n a siɛnnɛ siin, taanri, 'pínɛ mi míʔɛ nɛ̄ gè, mi yē baa pe sunʔɔmɔ nī.»

Zezi Kirisi Kataanna Siɛnrɛ dè Zan juumɔ nɛ̄ bè 12:48

«A siɛn ŋíì 'mi wáa nɛ́ kò wiì mi siɛnrɛ lúʔu dèʔ, kire siɛn wè, kàyuʔujuuwo 'taa wi nɛ̄. Ki 'nyaa siɛnrɛ dáà mi 'juu dè, tire ti bága kàyuʔu cáan ki siɛn nɛ̄ wè duniya kúɔjɛngɛ gè.

Kakpiʔiligele 16:16

Làa nɛ̄ weli 'puu nɛ waa Kulocɛliɛ náaridiʔɛ nī gè, a sùkulocuɔ wáà sɛ́nì yiri weli kúrugu; fùu wi cé wi kánʔa. Wi 'puu nɛ kele kálì nyaʔa nɛ nyu wi kàfɔlilɔ mɛ́ bèle, a kire 'ki kɛn pe wali tari nìʔɛgɛ.

Kakpiʔiligele 2:1

A ki 'nyaa Pantɛkɔti cɛngɛ gè, pìtɛnmɛnɛ pe mìɛni pe cé pìye pínɛ tiɛnugo nī.

Kakpiʔiligele 2:42

Nɛ̀ ki líɛ kire cɛngɛ nɛ̄ gè, tɛ́ngɛfɔlilɔ pe cé tɔ̀ni nɛ̀ yiʔɛ le nɛ Zezi tundunminɔ pe tɛnmɛnɛ lúru lè. Pínɛnyɛnigɛ 'puu pe sunʔɔmɔ nī; pe wúu nɛ líi níɛ Kulocɛliɛ náari wè.

Kakpiʔiligele 20:7

Cégboli ni cɛnbelige nɛ̄ gè, bà we 'cé wìye pínɛ bè Kàfɔli lìile lìi lè, a Pɔli wi 'siɛnrɛ cáan dè nɛ́ siɛnnɛ ní bèle. Ki 'nyaa wi yé je yɛ̀ kɛ́ ki kpìɛnduu gè, a wi 'juu nɛ̀ mɔgɔ nɛ̀ pɛ́nì nɔ̀ nyìjaliɛlɛ nɛ̄.

Wurɔmiyé 12:8

A ŋìi yē bèri nyu de ŋɔri nyɔ́gi siɛnnɛ nī bèle, wiri kire kpínʔini; a ŋìi liɛlɛ yē bèri tàán wè, wiri siɛnnɛ kanʔa bèle nɛ́ funviige ní; a ŋìi yē nɛ siɛnnɛ yiʔɛ kíni, wiri ki baara kúu dè wi- puu cáʔacaʔa; a ŋìi yē nɛ nyinimɛ tari wè, wiri ki kpínʔini ki- puu nɛ́ funjɛ̀ngɛ ní.

Korɛntiyé 1 11:20

A yeli sí gbɛ́nɛ̀ yìye pínɛ bèle, ki nɛ̌ nyaa yeli yìye pínɛ bè Kàfɔli lìile lìi wīʔ.

Korɛntiyé 1 14:23

A ki 'nyaa tɛ́ngɛfɔlilɔ gboli ni mìɛni ni 'nìi pínɛ lè, á pe mìɛni nɛ nyu siɛnrɛ táà felide nī dè, a siɛnwarilɛ pálì sɛ́nì yiri baa bèle, á kire 'laa a sìndɛngɛlɛ pálì sɛ́nì yiri baa bèle, piyě ki nyaaʔ lé bè jo kàalafɔlilɔ bīɛlɛ lé ?

Korɛntiyé 1 14:3

Siɛn ŋáà wi nyɛ́ni Kulocɛliɛ kele nyaʔa gèle nɛ nyu wè, siɛnnɛ mɛ́ wi sî nɛ ke nyu. Wi nàa ti nyu gìi ki bé tí pe- liɛ pe nìre wáa, nɛ lèbaanna nyɔ́gi pe nī, nɛ pe funyɔ nyígi yè.

Korɛntiyé 1 3:13

siɛn ó siɛn baara ti bága yiri kpànʔanɛ, ti bága cɛ́n. Nɛ̀ taʔa gíi nɛ̄, kàyuʔujuujɛngɛ gè, ti bé yiri kpànʔanɛ wálilɛ. Ki 'nyaa kàsun ki bé ti kányiʔɛ tìɛ gè. Nɛ́ ki cɛ́n a baara díì yē felige ó felige nɛ̄, kàsun ki bé ti felige tìɛ gè.

Korɛntiyé 1 5:4

A ye kɛ́nì yìye pínɛ bèle weli Kàfɔli Zezi wire míʔɛ nɛ̄ gè, mi sɔ̀ngirɔ tiī baa yeli nɛ̄, nɛ́ weli Kàfɔli Zezi Kirisi wire fànʔa nɛ̄ gè.

Filipiyé 4:5

Ye- tí siɛnnɛ pe mìɛni pe- yeli cɛ́n nɛ́ funnyige ní. Kàfɔli wi 'kò túɔn.

Tesalonikiyé 1 4:18

Kire nɛ̄, yeri nyu yeri nàzɔnnɔ lìrí bèle ye mìɛni nigbe nigbe bèle nɛ́ nyasiɛnrɛ dáà ní dè.

Tesalonikiyé 1 5:11

Kire kɛnmɛ nɛ̄, yeri yìye gbiʔɛlɛ ye mìɛni nigbe nigbe bèle, yeri ŋɔri nyɔ́gi yìye nī, majo bɛ̀ yeli nɛ ki kpínʔini nɛ kúu gè.

Eburulo 10:24

Ye tí weri sɔ̀ngí we kɛnmɛ taa bèri lèbaanna nyɔ́gi wìye nī, gìi ki bé tí wìyedɛnigɛ- puu weli nī weri kacɛ̀ngɛlɛ kpínʔini gèle.

Eburulo 10:37

Nɛ́ ki cɛ́n: Ki 'kò cɛ̀ri, cɛ̀ri yákuɔ wī , dí ŋàa wi bé pɛn wè, wi sí pɛn; wiì je mɔgɔ baaʔ.

Eburulo 13:22

Mi siinyɛninɛ, mi nɛ yeli fiɛn wī, ye- fɔ̀li lèbaanna siɛnrɛ dáà nɛ̄ dè, nɛ́ ki cɛ́n mi nyɛ́nì nyasiɛnkɛniyɛ nyáà cɛ̀ri sɛbɛ yè.

Eburulo 3:13

Gìi gī baa gè, yeli 'yɛli bèri lèbaanna kanʔa yìye mɛ́ cɛngɛ ó cɛngɛ, bɛ̀ ki yē ŋɔ̀ wè, pàngɛ gè, kire ga buu wàa fǎga tí kapiile ni- wi fáanniʔ wi- wi fungo gbɛ̀n gèʔ.

Zaki 5:8

Yeli míɛni bèle, ye funyɔ nyígi yè, yé yeli nàzɔnnɔ lìri bèle. Nɛ̀ taʔa gíi nɛ̄, Kàfɔli wi pɛnjɛngɛ ki 'kò túɔn.

Piɛri 1 4:7

Yɛrɛ ti mìɛni kúɔlɛlɛ niī nɛ sìʔɛrɛ́ nɛ nɔ̀gí. Kire kɛnmɛ nɛ̄, yeri yìye ciʔige, ye- puu nyɛminɛ kire ga buu yeli gbɛ̀ri náari.

Piɛri 2 3:11

Bɛ̀ sí ki nyaa ti mìɛni bé nyɛgɛ bè tóri dè kɛnmɛ báà nɛ̄ bè, yeli sí yɛli bè puu siɛnnɛ bíli felile ? Yeli tánʔagɛnmɛ pi 'yɛli pi- puu tiɛlɛ fùn Kulocɛliɛ yiʔɛ mɛ́ gè bè ki tìɛ yeli nyɛ́nì yìye puɔ wi nɛ̄.

Piɛri 2 3:14

Kire nɛ̄, nɛ siinyɛninɛ, bè yeli yaʔa yeli de tire siri dè, ye- ŋàʔana ye kɛnmɛ pi mìɛni kpíʔile kire ga buu Kulocɛliɛ wi pa yeli nyaa cìilile nɛ́ ní kpɔlidiɛlɛ fùn, nɛ́ ní yanyige nɛ̄ nɛ́ wi ní.

Piɛri 2 3:9

Kàfɔli wiǐ je mɔgɔ bé wi nyafɛnigɛ fori gèʔ majo bɛ̀ pàli nɛ ki sɔ̀ngí gèʔ. ʔéʔe, wi nyɛ́nì wi fungo nyígi gè wī yeli kɔli mɛ́ gè. Wi wè nɛ caa wàa nigbe- pùunni yeli nīʔ, nɛ̀ ki yaʔa wiī nɛ ki caa siɛnnɛ pe mìɛni lɛ̀lɛ taa bè kàduʔu wáa pe kapiʔile mɛ́ gèle.

Zudi 1:19

Peli piyē nɛ wàlimɛ nyɔ́gi bè yeli sunʔɔmɔ nī bè. Pe duniya kasɔngilɔ ke 'fànʔa taa pe céri nɛ̄ dè. Kulocɛliɛ Pìle ni wè pe nīʔ.