Eburulo 10:23 - Sénoufo Nyarafolo

²³ We- weli sɔ̀ngirɔ taʔadiʔɛ cò gè kpuʔɔ gàa wuʔu weli 'juu nɛ̀ yige gè, nɛ́ ki cɛ́n Kulocɛliɛ ŋáà wi 'nyafɛnigɛ kpíʔile gè, wi 'yɛli nɛ́ tɛ́ngɛlɛ ní.

Eburulo 10:23 Iomraidhean Croise

Ŋúnuyɔ 26:1

Dawuda wuʔu gī. Yewe yo, ‑mi kàyuʔu juu gè, nɛ́ ki cɛ́n mi nyɛ́nì tánʔa nɛ́ funviige ní nɛ̀ mi funzɔngirɔ taʔa dè Yewe muɔ nɛ̄. Mi tɔliyɔ yiì fíige nɛ̀ màʔaʔ.

Korɛntiyé 1 1:9

Kulocɛliɛ wiī baa wi nyayerigele nī gèle, wire ŋáà wi 'weli yeri we- puu pínɛnyɛnigɛ nɛ̄ nɛ́ wi Jaa Zezi Kirisi ní wè, weli Kàfɔli wè.

Korɛntiyé 1 10:13

Puuwelige káà sì je yeli taaʔ, nɛ̀ yiri gàa ki nɔ̀gí siɛnnɛ nɛ̄ bèleʔ. Kulocɛliɛ wi sí yē baa wi nyayerigele nī gèle. Wiǐ gá tí puuwelige káà yeli taaʔ gìi nɛ̄ yeli sǐ gbɛ̀ jáa gèʔ. Gìi ki 'cɛ́n gè, a puuwelige ki 'pɛn gè, Kulocɛliɛ wi bé yeli yiridiʔɛ kɛn gè, gìi ki bé tí ye gbɛ̀ ki kpàri bè cò.

Korɛntiyé 2 9:13

Kire kpuʔɔrɔ dáà tire kɛnmɛ nɛ̄ bè, pe béri Kulocɛliɛ míɛtanʔa yeri gè, bɛ̀ yeli 'fɔ̀li nɛ̀ yéri ki nɛ̄ nɛ̀ Kirisi wi Kataanna Siɛnrɛ juu dè, nɛ̀ pínɛ yeli 'yeli kɔliyɛrɛ kɛn dè peli mɛ́ nɛ̀ kɔli láʔa peli nɛ́ bìli pe mìɛni ní bèle.

Tesalonikiyé 1 5:24

Ŋàa wi 'yeli yeri wè, wiī tɛ́ngɛmɛ siɛn, wi bé sí ki kpíʔile wī.

Tesalonikiyé 2 3:3

Gìi ki 'cɛ́n gè, Kàfɔli wire yē tɛ́ngɛmɛ siɛn. Wire wi bé ŋɔri nyɔ́gɔ yeli nī, bé sí de yeli suu Sìpiiwe mɛ́ wè.

Tiiti 1:2

Kire bé ki yaʔa pe sɔ̀ngirɔ taʔadiʔɛ taa, bànguɔ sìi wuʔu nɛ̄ gè. Kulocɛliɛ wi wè nɛ finɛnɛʔ; wi yé nyuɔ fɛ̀ni weli mɛ́ kire sìi wi wori nɛ̄ dè nɛ̀ ki yaʔa duniya wiì cé fìɛ faanʔ.

Eburulo 11:11

Tɛ́ngɛlɛ kɛnmɛ nɛ̄ bè, bè Sara yaʔa sìndigicuɔ wè, a wi 'jáa nɛ̀ ŋɔri taa nɛ̀ sii, nɛ̀ ki yaʔa Birayima yé liɛ nɛ̀ tóri. Nɛ́ ki cɛ́n wi yé ki nyaa siɛn bé gbɛ̀ tɛ́ngɛ wi nɛ̄ ŋàa wi 'nyafɛnigɛ kpíʔile gè.

Eburulo 3:1

Kire nɛ̄, weli siinyɛninɛ, Kulocɛliɛ wuulo bèle, yeli bálì Kulocɛliɛ wi 'yeri ye pa kɛ́ nyìʔɛnɛ nī lè, yeri sɔ̀ngí Zezi wuʔu nɛ̄ gè, wire ŋáà wī Kulocɛliɛ wi tundunwɔ wè nɛ́ ní kacuɔnrilɔ kàfɔli wè, weli tɛ́ngɛlɛ koligo nī gè.

Eburulo 3:14

Nɛ́ ki cɛ́n weli nyɛ́nì kò Kirisi wi kodanʔanyɛninɛ wī, a weli 'fɔ̀li nɛ̀ weli tɛ́ngɛlɛ cò lè kpuʔɔ wè nàa ni kíni nɛ̀ puu weli mɛ́ sélimɛ nɛ̄ bè, nɛ̀ pɛ́nì nɔ̀ ki kúɔmɔ nɛ̄ bè.

Eburulo 3:6

Nɛ̀ sí ki yaʔa Kirisi wè, Kulocɛliɛ Siɛnnyiɛnɛgɔnwɔ wè, wi 'puu Jaafɔli, nɛ́ ní tɛ́ngɛmɛ siɛn, ŋàa wī tɛ́niwɛ Kulocɛliɛ saʔa nyùgo nɛ̄ gè. Weli yē wi saʔa wuulo, a weli 'weli tɛ́ngɛlɛ sɔ́migɔ lè nɛ̀ cò kpuʔɔ lè, níɛ wìye nyíɛnɛ nɛ́ weli sɔ̀ngirɔ taʔadiʔɛ wuʔu ní gè.

Eburulo 4:14

Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 6:18

Bɛ̀ sí ki yē, katiɛyɛ siin yē baa nyàa yī yiǐ gbɛ̀ yiʔɛ yèʔ: wi nyafɛnigɛ gè nɛ́ wi kàlilɛ ní lè. Kiǐ gbɛ̀ kpíʔile Kulocɛliɛ wi- finɛʔ; kire yē nɛ lèbaanna nyɔ́gi weli nī. Kire nɛ̄ weli bálì bīɛlɛ we 'líʔire jó wi mɛ́ wè, weli bé gbɛ̀ jáa bèri ŋàʔaná bè weli sɔ̀ngirɔ taʔadiʔɛ cò gè nɛ́ tɛ́ngɛlɛ ní lè, sɔ̀ngirɔ taʔadiʔɛ gáà Kulocɛliɛ wi 'tɛ́ngɛ weli yiʔɛ mɛ́ gè.

Zaki 1:6

Siɛn wi sí náarigɛ kpíʔile gè wi fǎri káalaʔ, wi- ki kpíʔile nɛ́ tɛ́ngɛlɛ ní. Á kire 'laa siɛn ŋíì wi nyɛ́ni káala wè, wi kɛnmɛ piī bɛ̀ kuʔɔjii luʔɔ tíɛlɛ gáà káfaligɛ ki cî nɛ yɛ̀gí nɛ wáari gè, nɛ ki fílagi nɛ mári gè.

Tìɛlɛ 3:11

Ki 'kò cɛ̀ mi nɛ báan baa. Tɛnmɛnɛ náà muɔ 'taa lè, -ni cò cɛ̀ngɛ; siɛn fǎga muɔ kpuʔɔrɔ ndɔ̀ngɔ suɔ gè muɔ mɛ́ʔ.