Eburulo 10:22 - Sénoufo Nyarafolo

²² we- sìʔɛrɛ we kpɔni Kulocɛliɛ nɛ̄ wè nɛ́ funviige ní, nɛ́ tɛ́ngɛjɛ̀nnɛ ní nàa nī káaliyɛ fùn woli lè, nɛ́ funyɔ ní nyàa yī cìiliye yè nɛ́ nyàa yī sɔ̀ngibiire fùn yè, nɛ́ weli céri ní dè dàa 'ti jíge nɛ̀ kúɔ dè nɛ́ laciilige ní gè.

Eburulo 10:22 Iomraidhean Croise

Ŋúnuyɔ 111:1

Ye- Yewe gbùʔɔrɔ wè  ! M'béri Yewe gbùʔɔrɔ́ wè nɛ́ mi fungo ki mìɛni ní, baa siɛnsinminɛ gboli nī lè nɛ́ míɛni siɛnniʔɛmɛ tògo nī gè.

Ŋúnuyɔ 119:10

Mi nɛ muɔ caa nɛ́ mi fungo ki mìɛni ní; fǎga mi yaʔa mi‑ líili muɔ kajuudiʔɛlɛ nɛ̄ gèleʔ.

Ŋúnuyɔ 119:145

Yewe yo, mi nɛ muɔ yeri nɛ́ mi fungo ki mìɛni ní; ma sí lúʔu mi mɛ́; m'bé taʔa muɔ fànʔa kele nɛ̄ gèle.

Ŋúnuyɔ 119:2

Bàli pe Yewe nyakungɛngɛ siɛnrɛ cògí dè, níɛ wi caa nɛ́ pe funyɔ yi mìɛni ní yè, peli wuʔu kiī tànʔa.

Ŋúnuyɔ 119:34

Ma sícilige kɛn m'mɛ́ kire ga buu mi de lúru muɔ Fànʔa Siɛnrɛ mɛ́ dè; m'béri ti koligo tari gè nɛ́ mi fungo ki mìɛni ní.

Ŋúnuyɔ 119:58

Mi nɛ muɔ fiɛn nɛ́ mi fungo ki mìɛni ní: ‑kpuʔɔrɔ taʔa dè mi nɛ̄ nɛ̀ yɛli nɛ́ muɔ nyasiɛnrɛ ní dè.

Ŋúnuyɔ 119:69

Bàli pe 'pìye nyíɛnɛ bèle, piyē nɛ finɛnɛ nɛ tari mi nɛ̄, nɛ̀ ki yaʔa mi wè, mi nɛ muɔ kacinʔɛnɛ kele cògí gèle nɛ́ mi fungo ki mìɛni ní.

Ŋúnuyɔ 119:7

M'béri muɔ gbùʔɔrɔ́ nɛ́ funzinʔɛ ní gè, bèri muɔ kàyuʔujuuro tɛnmɛ dè, dàa ti 'sín dè.

Ŋúnuyɔ 119:80

Dí mi fungo ki‑ sí fílige muɔ yiʔɛ mɛ́ gè, nɛ̀ yɛli nɛ́ muɔ fànʔa kele ní gèle, kire ga buu fìɛrɛ fǎga mi taaʔ.

Ŋúnuyɔ 32:11

Yeli bèle siɛnsinminɛ bèle, ye‑ puu fundaanra nɛ̄, yeri fundaanra kpínʔini Yewe nī ! Yeri fundaanra yékpuʔulo wáari, yeli mìɛni bálì funyɔ yi 'sín yè !

Ŋúnuyɔ 51:10

Ma tí mi‑ kiyaʔa wori lúʔu dè bèri muguri bè puu fundaanra nɛ̄, bà ki bé kpíʔile kácere dáà muɔ 'muʔɔrɔ dè, ti bé yiʔɛ bèri yúu !

Ŋúnuyɔ 73:28

Gàa ki 'mi dɛ́ni gè, mi‑ sìʔɛrɛ bè kpɔni Kulocɛliɛ nɛ̄ wè. Mi nyɛ́nì muɔ nyíɛnɛ nɛ̀ kɔ̀n, Kàfɔli Yewe, muɔ‑ puu mi làridiʔɛ, kire ga buu mi de muɔ kakpiʔiligele ke mìɛni nyu.

Ŋúnuyɔ 84:11

ʔé, a mi 'cɛngɛ nigbe kúɔ muɔ Gbùʔɔrɔsaʔa dàliyɛ nī yè, kire 'pɔ́ri nɛ̀ tóri cɛnyɛ sirakogunɔ nɛ̄ kayɔbigɔ káà mɛ́. Ki 'mi dɛ́ni mi‑ yéri Kulocɛliɛ saʔa wìile nī lè sɛ́ni mi sa tɛ́ni funbiiyefɔlilɔ fɛ̀ni saaya laara yè.

Ŋúnuyɔ 9:1

Ŋúnuŋuminɔ yiɛginiwɛ wuʔu gī, gàa pe 'ŋú jaafɔli kùugo nɛ̄ gè. Dawuda ŋúnudanʔa gī gàa pe ŋú nɛ́ yakpuɔnrɔ ní dè.

Ŋúnuyɔ 94:15

Nɛ́ ki cɛ́n kàyuʔu ki bága juu nɛ́ sínmɛ ní; bàli funyɔ yi 'sín yè, pe mìɛni bé yéri ki nɛ̄.

Yirile 29:4

«Muɔ bé Arawɔn nɛ́ wi jaala kɔ́ri bèle bè pɛn Kpàlidiʔɛ Kpátaʔa wìile yiʔɛ mɛ́ gè, bè pa pe gbéli nɛ́ luʔɔ ní.

Leviiyé 14:7

Wi bé ti mìɛni yige bè sìsiɛn luʔɔ nyɛri nyɛri gè tɔliyɔ kɔlisiin siɛn nɛ̄ wè, ŋàa piyē nɛ cìile wi césɛngɛ yaabiimɛ wobo bè. Bà kacuɔnriwɔ wi bé ki juu bé jo wi nyɛ́nì cìile Yewe yiʔɛ mɛ́ gè, bé sínjapile wowiile yaʔa lè ni- fini bè kɛ́ sìnbirige nī gè.

Leviiyé 16:4

A wi kɛ́nì wìi gbéli wè nɛ̀ kúɔ nɛ́ luʔɔ ní gè, wi bé buruwalidɛngɛrɛ dáà le dè: lɛn burudɔnigɔ wàlidɛngɛgɛ gè, bé sí lɛn jàdigi le wè, bé sí wìi puɔ bè cò nɛ́ lɛn burugo màʔana ní lè, bé sí lɛn ndɔ̀njɛngɛ tɔ́n gè.

Leviiyé 8:6

A wi 'Arawɔn nɛ́ wi jaala sìʔɛrɛ bèle nɛ̀ kpɔni, nɛ́ tí a pe 'pìye gbéli nɛ́ luʔɔ ní gè.

Tɔ́rilɔ 8:7

«Ki n'gɛ gàa muɔ bé kpíʔile gè bè pe cìile wè: muɔ bé jígemununɔ kakuɔrɔ luʔɔ líɛ gè bè ki nyɛri nyɛri pe nɛ̄; pe- sí céri tiɛyɛ yi mìɛni kùnu pé sí pe burudo ti mìɛni jíge. Bà ki bé kpíʔile pe bé kò cìilile.

Matiye 3:11

«Mi wè, mi nɛ yeli batɛmi kpínʔini wè nɛ́ luʔɔ ní, bà yeli 'yéri ki nɛ̄ bè yiʔɛ yeli funyɔ nī yè. Ŋàa sí wi bága pɛn mi kàduʔumɛ gè, wi fànʔa ki 'tóri mi wuʔu nɛ̄ gè nɛ̀ fáala, mi sì nyuɔ nɛ̀ yɛliʔ bè cɛ gbɛ̀ wi tɔriyɔ fòri yè wi nɛ̄ʔ. «Wire wè, wi bága pa yeli batɛmi kpíʔile wè nɛ́ Kulocɛliɛ Pìle ní, nɛ́ kàsun ní.

Luku 1:1

Kele nìʔɛgɛlɛ gílì ke 'tóri bile we sunʔɔmɔ nī bè, pàli nìʔɛnɛ nyɛ́nì tàa sɛbɛ ki kele nɛ̄ gèle.

Zezi Kirisi Kataanna Siɛnrɛ dè Zan juumɔ nɛ̄ bè 3:5

A Zezi wi 'wi yɛ: «M'bé ki juu muɔ mɛ́ kányiʔɛ nɛ̄, a siɛn ŋíì sì sii luʔɔ nɛ́ Kulocɛliɛ Pìle fànʔa nɛ̄ gèʔ, siɛn wiǐ gbɛ̀ jíin Kulocɛliɛ Kùlofɔligɔ nī gèʔ.

Zezi Kirisi Kataanna Siɛnrɛ dè Zan juumɔ nɛ̄ bè 8:9

Nɛ̀ sí ki taa bà pe 'siɛnrɛ dáà lúʔu dè, a pe 'koli nɛ̀ láʔala nɛ̀ kɛ́ nigbe nigbe, nɛ̀ ki séli liɛlɛ peli nɛ̄. A ki pɛ́nì kò Zezi wire nigbe nɛ́ cɛliwɛ ní wè baa sunʔɔmɔ nī bè.

Kakpiʔiligele 22:16

Píra ŋáà nī wè, gáa sí muɔ nɛ siri ? Yɛ̀ ma muɔ batɛmi kpíʔile wè, ma mìɛ jíge ma cìile, dí muɔ kapiʔile ke sí láʔa a muɔ 'wi míʔɛ kire yákuɔ yeri gè.› »

Kakpiʔiligele 8:21

Muɔ liɛlɛ yafiɛn wè náʔa gèʔ kaala náà nī lèʔ; muɔ fungo ki wè sìnʔɛ Kulocɛliɛ yiʔɛ mɛ́ gèʔ.

Korɛntiyé 1 6:11

Kire kɛnmɛ báà pire nɛ̄ yeli pálì cé puu. Nɛ̀ sí ki taa tire 'jíge nɛ̀ láʔa yeli nɛ̄, a yeli 'cìile Kulocɛliɛ yiʔɛ mɛ́ gè nɛ̀ kò kolimɔ fùn Kàfɔli Zezi Kirisi wi míʔɛ kire fànʔa nɛ̄ gè, nɛ́ weli Kulocɛliɛ wi Pìle lire fànʔa nɛ̄ gè nɛ̀ pínɛ.

Korɛntiyé 2 7:1

Mi siinyɛninɛ, yeli bálì ye mi dɛ́ni bèle, bɛ̀ kire nyafɛnigɛ ki siɛnrɛ dáà ti sí juu weli mɛ́ dè, ye tí we- wìye cìile we céri fuɔnrɔ ti mìɛni láʔa dè nɛ́ dìi dī pìle wori dè, we- ti láʔa wìye nɛ̄, wé sí wìye wàli we tɛ́ngɛ we láʔa, we- Kulocɛliɛ fíɛrɛ yaʔa ti- puu weli nī.

Efɛziyé 3:12

Bɛ̀ weli yē pínɛnɛ nɛ́ Zezi Kirisi ní wè nɛ́ tɛ́ngɛ wi nɛ̄ wè, fíɛrɛ wè weli nīʔ, weli bé gbɛ̀ jáa bè nɔ̀ Kulocɛliɛ nɛ̄ wè.

Efɛziyé 5:26

Wi 'kire kpíʔile nɛ̀ pe jíge nɛ̀ mùnu nɛ́ luʔɔ ní Kataanna Siɛnrɛ tire fànʔa nɛ̄ gè, bè tɛ́ngɛfɔlilɔ gboli wàli lè bè tɛ́ngɛ Kulocɛliɛ mɛ́.

Efɛziyé 6:5

Yeli bèle sùkulolo bèle, yeri lúru yeli kàfɔlilɔ nɛ̄ bèle náʔa dàala nɛ̄ lè, yeri pe fìʔɛ́ yeri pe kpóri, ye puu nɛ́ funviige ní majo Kirisi mɛ́ yeli nɛ ki kpínʔini.

Timote 1 4:2

Jànvaafɔlilɔ bálì pe finɛnɛ bèle, pe bé pe fáanni bè pùunni. Siɛnnɛ bálì pe funyɔ yi nyɛ́nì kò laaduumɔ fùn majo pe 'tíngaanna le kàsun nī nɛ̀ yi sórigo.

Tiiti 3:5

a wi 'weli suɔ. Kiì nyaa majo weli cé kasingele kpíʔile wīʔ; wi 'nyinimɛ taa weli nɛ̄ wī, nɛ́ weli funyɔ jíge yè nɛ̀ mùnu nɛ̀ weli sii fɔnminɔ, a weli 'sìi fɔnwɔ taa wè wi Pìle kɛnmɛ nɛ̄ bè.

Eburulo 10:1

Misa Fànʔa Siɛnrɛ dè, tiī fìɛ yákuɔ wī bè weli nyuɔmɔ tìɛ bè bàa pi 'puu nɛ báan bè. Ti tíimɛ sì puu kányiʔɛ woriʔ. Kire nɛ̄, tiì jáa nɛ̀ siɛn nyuɔ nɛ̀ forigoʔ bè ki yaʔa siɛn- gbɛ̀ sìʔɛrɛ kpɔni bè Kulocɛliɛ gbùʔɔrɔ wèʔ, kakuɔrɔ wenuro dáà tire kɛnmɛ nɛ̄ bèʔ, dàa ti 'puu nɛ kpínʔini yiɛlɛ ó yiɛlɛ láʔala fùn wè.

Eburulo 10:19

Weli siinyɛninɛ, kire nɛ̄ weli bé gbɛ̀ jíin tiɛcɛ̀njɛngɛ wàlidɛngɛgɛ nī gè káaliyɛ fùn, Zezi Kirisi sìsiɛn kɛnmɛ nɛ̄ bè.

Eburulo 11:28

Tɛ́ngɛlɛ kɛnmɛ nɛ̄ bè, a wi 'Torimakiyaʔa kakuɔrɔ kúɔ dè nɛ́ ti sìsiɛn kurugo gè wìʔile nɛ̄ gèle, kire ga buu kùu tundunwɔ wi fǎga Isirayɛliyé jaapelile kpúu bèleʔ.

Eburulo 12:24

Nɛ́ míɛni yeli nyɛ́nì sìʔɛrɛ nɛ̀ kpɔni Zezi nɛ̄ wè, nyakungɛngɛ fɔngɔ kàsuluwo wè, nɛ́ wi sìsiɛn ní gè gàa ki 'nyɛri nyɛri gè, a kiī nɛ sɔ́migi nɛ nyu nɛ tóri Abɛli wuʔu nɛ̄ gè.

Eburulo 4:16

Kire nɛ̄ weri sìʔɛrɛ́ weri kpɔni Kulocɛliɛ kùlofɔligɔ kácunʔɔ nɛ̄ gè nɛ́ nàzorido ní; kire tiʔɛ nī weli bé nyinimɛ nɛ́ kpuʔɔrɔ taa ti- weli sáʔa lɛ̀lɛ líì nī weli màakuu yē ti nɛ̄ dè.

Eburulo 6:11

A weli sí nɛ ki caa kányiʔɛ nɛ̄, siɛn ó siɛn yeli nī bèle wi- gbɛ̀nmɛ le kire baara nī dè, wiri waa yiʔɛmɛ bàa nɔ̀ ki kúɔmɔ nɛ̄ bè, kire ga buu gàa nɛ̄ yeli sɔ̀ngirɔ ti yē dè, yeli sa ki taa.

Eburulo 7:19

Gìi sí gī baa gè, Fànʔa Siɛnrɛ tiì jáa nɛ̀ yafiɛn nyuɔ nɛ̀ forigoʔ. A sɔ̀ngirɔ taʔadiʔɛ ń'nɛ̀ kɛn weli mɛ́ gàa ki 'kpúʔɔ nɛ̀ tóri gàa nɛ̄ Misa Fànʔa Siɛnrɛ ti 'puu nɛ nyu dè. Kire kɛnmɛ nɛ̄ weli bé gbɛ̀ sìʔɛrɛ kpɔni Kulocɛliɛ nɛ̄ wè.

Eburulo 9:10

Kire Kulocɛliɛ gbùʔɔrigɛnmɛ fànʔa kele gèle, keli ke 'puu nɛ nyu céri kele yákuɔ nɛ̄ gèle: yaliire nɛ́ yagbuɔrɔ wori nɛ̄ dè nɛ́ jígemununɔ kele feliye wori nɛ̄. Ti yé puu fànʔa kele fúɔ nɛ̀ pɛ́nì nɔ̀ lɛ̀lɛ líì nī ti tìɛgɛnmɛ pi 'yiʔɛ nɛ̀ kò fɔnbɔ bè.

Eburulo 9:19

Bɛ̀ sí ki 'puu bà Misa wi cé fànʔa kajuʔulo ke mìɛni juu gèle nɛ̀ kúɔ siɛnnɛ pe mìɛni mɛ́ bèle nɛ̀ yɛli nɛ́ Fànʔa Siɛnrɛ ní dè, a wi 'nɛ̀naaya nɛ́ síkapɛngɛlɛ sìsiɛn le gè luʔɔ nī, níɛ̀ jèsii líɛ wè ŋàa wī nyìɛwɛ kpólokpolo wè nɛ́ isɔpi wɛrɛ ní dè nɛ̀ sìsiɛn nyɛri nyɛri gè nyakungɛngɛ siɛnrɛ sɛbɛ nɛ̄ wè nɛ́ siɛnnɛ nɛ̄ bèle.

Zaki 1:6

Siɛn wi sí náarigɛ kpíʔile gè wi fǎri káalaʔ, wi- ki kpíʔile nɛ́ tɛ́ngɛlɛ ní. Á kire 'laa siɛn ŋíì wi nyɛ́ni káala wè, wi kɛnmɛ piī bɛ̀ kuʔɔjii luʔɔ tíɛlɛ gáà káfaligɛ ki cî nɛ yɛ̀gí nɛ wáari gè, nɛ ki fílagi nɛ mári gè.

Zaki 4:8

Yeri sìʔɛrɛ́ yeri kpɔni Kulocɛliɛ nɛ̄ wè, bɛ̀ wi béri sìʔɛrɛ́ de kpɔni yeli nɛ̄. Ye- yeli kiyɛ jíge yè ye mùnu ye- yige kapiʔile nī gèle, yeli kapiigbiʔilile bèle. Yeli jànvaafɔlilɔ bèle, ye- yeli funyɔ cìile yè.

Piɛri 1 1:2

Weli Tuu Kulocɛliɛ wi 'yeli nyíɛnɛ nɛ̀ kɔ̀n nɛ̀ yɛli nɛ́ wi kele gálì ní wi yé tɛ́ngɛ nɛ̀ yaʔa faʔa gè. Nɛ́ míɛni Kulocɛliɛ Pìle ni nyɛ́nì yeli wàli nɛ̀ tɛ́ngɛ yeli de lúru Zezi Kirisi mɛ́ wè dí wi sìsiɛn ki nyɛrinyɛrilɛ ni- yeli cìile. Kulocɛliɛ wi- kpuʔɔrɔ nɛ́ yanyige kɛn gè yeli mɛ́ nìʔɛgɛ.

Piɛri 1 3:21

Luʔɔ gáà ki yé puu fìɛ nɛ batɛmi kɛnmɛ tìí bè. Batɛmi wi wè nɛ céri núʔɔmɔ láʔala bèʔ, nɛ̀ ki yaʔa wiī nɛ ki tìí siɛn wi 'wìi kɛn nɛ̀ láʔa Kulocɛliɛ mɛ́ nɛ́ funviige ní. Bɛ̀ Zezi Kirisi 'nyɛ́ nɛ̀ yiri wè, batɛmi wi 'kò píra ŋáà nī wè, kaala láà nàa ni ki tìí Kulocɛliɛ nyɛ́nì weli suɔ wè.