Eburulo 10:11 - Sénoufo Nyarafolo

¹¹ Cɛngɛ ó cɛngɛ, kacuɔnriwɔ ó kacuɔnriwɔ wi nɛ̂ yéri nɛ̀ wi baara kúɔ dè, nyakungɛngɛ liʔɛ wori dè. Wi nìɛ kakuɔrɔ wenuro kúu dè nɛ taʔala, tire dáà tiǐ cî gbɛ̀ jáa bè kapiʔile láʔa gèle púloʔ.

Eburulo 10:11 Iomraidhean Croise

Yirile 29:36

Cɛngɛ ó cɛngɛ muɔ bé nɛ̀piɛyɛlilɛ láà kpúu bè ni kpíʔile kapiʔile kàsulugo kaara bè kàsulugosuɔ kele kúɔ gèle. Bà ki bé kpíʔile muɔ bé gbùʔɔrɔdiʔɛ cìile gè, bé sí sùnmɔ wo bè ki naamɛ gè, bè ki wàli dɛ́ngɛ.

Tɔ́rilɔ 28:24

Bɛ̀ yeli béri ki kpínʔini cɛngɛ ó cɛngɛ fúɔ bè taa cɛnyɛ kɔlisiin, kakuɔrɔ yaliire dáà kàsun ki sórigi dè, dàa nùdaanna ni nyɛ́ni Yewe fungo nyígi gè. Yeli bé ti kɔ̀n bè fàri cɛngɛ ó cɛngɛ kakuɔrɔ kaasuʔuro nɛ̄ dè, dàa tiǐ gbɛ̀ yaʔa dè, nɛ́ ti kakuɔrɔ diviɛn ní wè.

Tɔ́rilɔ 28:3

«Ti n'dɛ kakuɔrɔ yajuuro dáà kàsun ki sórigi dè dàa yeli béri kɔ̀ngí Yewe mɛ́ wè: yeli bé yiɛlɛ nigbe sìnbapɛngɛlɛ siin kpúu mi mɛ́ gàli gīɛlɛ kpɔlidiɛlɛ fùn, cɛngɛ ó cɛngɛ kakuɔrɔ kaasuʔuro dáà tiǐ gbɛ̀ yaʔa dèʔ.

Tɔ́rilɔ 29:6

Dàa tire ti mìɛni bé fàri yevɔnyɔ ó yevɔnyɔ kakuɔrɔ kaasuʔuro nɛ̄ dè nɛ́ ti yaliire yakɛnrɛ ní dè, nɛ́ míɛni cɛngɛ ó cɛngɛ kakuɔrɔ kaasuʔuro dáà tiǐ gbɛ̀ yaʔa dèʔ, nɛ́ ti yaliire yakɛnrɛ, nɛ́ ti kakuɔrɔ diviɛn ní wè nɛ̀ yɛli nɛ́ ti tìɛgɛnmɛ ní bè, dàa nùdaanna ni nyɛ́ni Yewe fungo nyígi gè. Dàa tire dī kakuɔrɔ yakɔnrɔ dè dáà kàsun ki 'sórigo dè.»

Eburulo 10:1

Misa Fànʔa Siɛnrɛ dè, tiī fìɛ yákuɔ wī bè weli nyuɔmɔ tìɛ bè bàa pi 'puu nɛ báan bè. Ti tíimɛ sì puu kányiʔɛ woriʔ. Kire nɛ̄, tiì jáa nɛ̀ siɛn nyuɔ nɛ̀ forigoʔ bè ki yaʔa siɛn- gbɛ̀ sìʔɛrɛ kpɔni bè Kulocɛliɛ gbùʔɔrɔ wèʔ, kakuɔrɔ wenuro dáà tire kɛnmɛ nɛ̄ bèʔ, dàa ti 'puu nɛ kpínʔini yiɛlɛ ó yiɛlɛ láʔala fùn wè.

Eburulo 10:4

Nɛ́ ki cɛ́n nɛ̀piʔɛlɛ nɛ́ síkapɛngɛlɛ sìsiɛn gè, kire káà fáala sǐ cî gbɛ̀ jáa bè kapiʔile láʔa gèleʔ.

Eburulo 5:1

Ki 'nyaa kacuɔnrilɔ kàfɔli ó kàfɔli, pe nɛ̂ wi nyíɛnɛ nɛ̀ kɔ̀n siɛnnɛ sunʔɔmɔ nī, níɛ̀ wi tɛ́ngɛ wi- puu siɛnnɛ pe kàsuluwo Kulocɛliɛ yiʔɛ mɛ́ gè bèri pe kpuʔɔrɔ nɛ́ pe kakuɔrɔ yɛrɛ kɔ̀ngí dè, kapiʔile wori dè.

Eburulo 7:27

Wi wè bɛ̀ʔ kacuɔnrilɔ kàfɔlisɛnminɛ tíɛlɛ bèleʔ; wi màakuu wè bèri kakuɔrɔ yajuuro kɔ̀ngíʔ cɛngɛ ó cɛngɛʔ, bè séli wi tíimɛ kapiʔile wuʔu nɛ̄ gèʔ, kire kàduʔumɛ gè, nɛ́ siɛnnɛ wuʔulo ní gèleʔ. Wi nyɛ́nì ki kakuɔrɔ kúɔ dè tɔligɔ nigbe nɛ̄, bà wi yé wìi tíimɛ kɛn wè.

Eburulo 8:2

Wiī nɛ wi baara kúu dè saawalidɛngɛgɛ nī gè, kire 'jo Kòridiʔɛ kányiʔɛ wuʔu nī gè, kire gáà Kàfɔli wi yé kpíʔile nɛ̀ yérige gè; siɛn bɛ̀ʔ wi 'ki kpíʔileʔ.

Eburulo 8:4

A wi yé puu náʔa dàala nɛ̄ lè, wiǐ cî puu kacuɔnriwɔʔ. Nɛ́ ki cɛ́n bàli bīɛlɛ náʔa nɛ̀ kúɔ bèle, peli nɛ kpuʔɔrɔ kanʔa dè nɛ kúu majo bɛ̀ Misa Fànʔa Siɛnrɛ ti 'ki juu dè.