Eburulo 10:10 - Sénoufo Nyarafolo

¹⁰ Kulocɛliɛ nyɛ́ni kaala ni 'puu bè weli wàli bè tɛ́ngɛ wire mɛ́, kire nɛ̄ Zezi Kirisi wi 'wi céri kɛn dè kakuɔrɔ, tɔligɔ nigbe péʔ.

Eburulo 10:10 Iomraidhean Croise

Zezi Kirisi Kataanna Siɛnrɛ dè Zan juumɔ nɛ̄ bè 17:19

Mi 'mìɛ wàli nɛ̀ tɛ́ngɛ peli kɛnmɛ nɛ̄, gìi ki bé tí peli míɛni bèle pe- pìye wàli pe tɛ́ngɛ muɔ mɛ́ kányiʔɛ nɛ̄.»

Zezi Kirisi Kataanna Siɛnrɛ dè Zan juumɔ nɛ̄ bè 19:34

Kire nɛ́ ki mìɛni a kapiɛngbuɔnwɔ wáà 'wi tàbɛ tíʔɛ wè nɛ̀ wi súu nɛ̀ fùru lìʔɛlɛ nī lè. A sìsiɛn nɛ́ luʔɔ 'fali nɛ̀ yiri sɛni.

Zezi Kirisi Kataanna Siɛnrɛ dè Zan juumɔ nɛ̄ bè 6:51

Mi yaliire dè dàa nī sìi wi yē wè, ti 'kɔ́n nyìʔɛnɛ nī nɛ̀ tìgi; a siɛn ki yaliire dáà lìi dè, siɛn wi bé kò sìi nɛ̄ súuri. Yaliire dáà sí mi je kɛn wè, mi céri tire dī, mi 'ti kɛn duniya siɛnnɛ pe sìitaakoligo nī gè.»

Korɛntiyé 1 1:30

Kulocɛliɛ wire fànʔa nɛ̄ yeli yē pínɛnɛ nɛ́ Zezi Kirisi ní wè, Zezi wire sí wi pɛ́nì kò weli sìnjilige gè, gàa ki 'kɔ́n Kulocɛliɛ mɛ́ wè, nɛ́ weli kpíʔile a weli 'kò sínminɛ, nɛ ní wàlidɛngɛlɛ Kulocɛliɛ mɛ́ wè, nɛ̀ weli suɔ nɛ̀ yige ki nī.

Korɛntiyé 1 6:11

Kire kɛnmɛ báà pire nɛ̄ yeli pálì cé puu. Nɛ̀ sí ki taa tire 'jíge nɛ̀ láʔa yeli nɛ̄, a yeli 'cìile Kulocɛliɛ yiʔɛ mɛ́ gè nɛ̀ kò kolimɔ fùn Kàfɔli Zezi Kirisi wi míʔɛ kire fànʔa nɛ̄ gè, nɛ́ weli Kulocɛliɛ wi Pìle lire fànʔa nɛ̄ gè nɛ̀ pínɛ.

Efɛziyé 5:2

Yeri tári dɛ́nigɛ nī gè majo mɛni weli 'Kirisi dɛ́ni wè, á wi 'wìi kɛn Kulocɛliɛ mɛ́ wè kakuɔrɔ yakɛngɛ nùdaanna wuʔu weli kɛnmɛ nɛ̄ bè.

Efɛziyé 5:26

Wi 'kire kpíʔile nɛ̀ pe jíge nɛ̀ mùnu nɛ́ luʔɔ ní Kataanna Siɛnrɛ tire fànʔa nɛ̄ gè, bè tɛ́ngɛfɔlilɔ gboli wàli lè bè tɛ́ngɛ Kulocɛliɛ mɛ́.

Eburulo 10:12

Nɛ̀ ki yaʔa bɛ̀ Kirisi pɛ́nì wìi kɛn wè, kapiʔile kàsulugo kakuɔrɔ wori nɛ̄ dè, tɔligɔ nigbe péʔ wè, wiī tɛ́niwɛ lɛ̀lɛ ó lɛ̀lɛ nī Kulocɛliɛ kàliige mɛ́ gè.

Eburulo 10:14

Ki sí n'gɛ bàli pe mìɛni wi 'wàli nɛ̀ tɛ́ngɛ wìi mɛ́ wè, a wi 'pe nyuɔ nɛ̀ forigoʔ súuri bɛ̀ wi 'wìi kɛn tɔligɔ nigbe gè.

Eburulo 10:20

Bɛ̀ wi 'wi céri kɛn dè kakuɔrɔ dè, a wi 'kovɔngɔ múgu gè weli mɛ́ gàa ki waa sìi mɛ́ wè, gàa ki 'sùuri gunbɔli fɛ̀ni nī wè.

Eburulo 10:29

Ye sí ki sɔ̀ngi kɛnmɛ bíì nɛ̄ wire wuʔɔgɔ ki bága pii bè tóri gè, siɛn ŋáà wi 'Kulocɛliɛ Jaa pari wè, nɛ́ ŋàa wi 'nyakungɛngɛ sìsiɛn tɔ́ri gè yanuʔɔgɔ gè gàa ki 'wi cìile gè, a wiī nɛ Kulocɛliɛ Pìle teri lè nàa ni nyɛ́ni kpuʔɔrɔ kpínʔini weli mɛ́ lè.

Eburulo 10:5

Kire kɛnmɛ nɛ̄, lɛ̀lɛ líì nī Kirisi wi yé je jíin duniya nī wè, a wi 'ki juu Kulocɛliɛ mɛ́ wè nɛ́ jo: Kakuɔrɔ yajuuro dè nɛ́ yaliire yakɛnrɛ ní dè, tire bɛ̀ʔ muɔ nɛ caaʔ: muɔ 'cetinnɛ kpíʔile mi mɛ́.

Eburulo 13:12

Kire nɛ̄ Zezi míɛni wi 'kùu kàʔa kàduʔu mɛ́ gè kire ga buu bè siɛnnɛ wàli bèle bè tɛ́ngɛ Kulocɛliɛ mɛ́ wi tíimɛ sìsiɛn kɛnmɛ nɛ̄ bè.

Eburulo 2:11

Nɛ́ ki cɛ́n Zezi wire ŋáà wiī nɛ siɛnnɛ wàlí nɛ tɛ́ngi Kulocɛliɛ mɛ́ wè, nɛ́ bàli bīɛlɛ wàlidɛngɛlɛ bèle, pe mìɛni yē Tuufɔnuwɔ nɛ̄. Kire kɛnmɛ nɛ̄ ki wè Zezi nɛ̄ wè fìɛrɛʔ bè pe yeri wi siinyɛninɛʔ.

Eburulo 2:14

Ki sí n'gɛ, bɛ̀ pìile piyē lewiile bèle bàli pe sí yē céri nɛ́ sìsiɛn gè, Zezi wire míɛni pɛ́nì kò céri nɛ́ sìsiɛn. Bɛ̀ ki 'kpíʔile a wi 'jáa nɛ̀ kùu bè gbòdolilo kàfɔli fànʔa cúʔɔ gè, wire ŋáà kiyɛ nī kùu fànʔa ki yē gè.

Eburulo 5:7

Bè Zezi yaʔa wè céri nī dè náʔa dàala nɛ̄ lè, a wi 'Kulocɛliɛ náari wè nɛ́ wi fiɛn nɛ́ yékpogbuɔlɔ ní nɛ́ yéturo ní, nɛ́ ki cɛ́n Kulocɛliɛ wire wi cî gbɛ̀ wi suɔ kùu mɛ́ wè. A Kulocɛliɛ wi 'lúʔu wi mɛ́, bɛ̀ wi yé wìi cɛ́rigɛ wire mɛ́ wè.

Eburulo 7:27

Wi wè bɛ̀ʔ kacuɔnrilɔ kàfɔlisɛnminɛ tíɛlɛ bèleʔ; wi màakuu wè bèri kakuɔrɔ yajuuro kɔ̀ngíʔ cɛngɛ ó cɛngɛʔ, bè séli wi tíimɛ kapiʔile wuʔu nɛ̄ gèʔ, kire kàduʔumɛ gè, nɛ́ siɛnnɛ wuʔulo ní gèleʔ. Wi nyɛ́nì ki kakuɔrɔ kúɔ dè tɔligɔ nigbe nɛ̄, bà wi yé wìi tíimɛ kɛn wè.

Eburulo 9:12

Wi tíimɛ sìsiɛn ní wi 'jíin kányiʔɛ tiɛcɛ̀njɛngɛ wàlidɛngɛgɛ nī gè, tɔligɔ nigbe péʔ ! Síkapɛngɛlɛ nɛ́ nɛ̀naaya sìsiɛn ní bɛ̀ʔ wi 'jíinʔ ! Bɛ̀ sí ki 'kpíʔile a weli 'bànguɔ suɔlɔ taa lè.

Eburulo 9:14

Nɛ̀ ki yaʔa bànguɔ Kulocɛliɛ Pìle kɛnmɛ nɛ̄ bè, a Kirisi wi 'wìi tíimɛ kɛn tiɛlɛfun kakuɔrɔ Kulocɛliɛ mɛ́. Bà ki yē, Kirisi sìsiɛn ki sí yē nɛ́ ŋɔri ní bè weli funyɔ cìile yè tɔ̀nifun kapiigbiʔiligele nɛ̄ gèle, kire ga buu weli gbɛ̀ri Kulocɛliɛ wewiiwe gbùʔɔrilɔ baara kúu dè.

Eburulo 9:26

Kirisi wè, wire kakuɔrɔ dè, nyùgo sì cé puu ki nɛ̄ wi- ti kpíʔile bè taʔalaʔ. Á kire bɛ̀ʔ gè, wi cî de ti kúu de taʔala nɛ̀ ki líɛ duniya wi sélimɛ nɛ̄ bè. Gìi sí gī baa gè, wire nyɛ́nì pɛn píra ŋáà nī wè nɛ̀ pɛ́nì wìi kɛn kakuɔrɔ tɔligɔ nigbe péʔ duniya ŋáà kúɔmɔ lɛ̀lɛ náà nī lè, bè kapiile láʔa lè wi tíimɛ kùu kɛnmɛ nɛ̄ bè.

Eburulo 9:28

bɛ̀ míɛni Kirisi wi 'wìi kɛn kakuɔrɔ tɔligɔ nigbe péʔ bè siɛnniʔɛmɛ kapiʔile láʔala gèle. Wi bé ní ga koli bɛn cígini taziinwuʔu nɛ̄ gè; kire sí wè bè kapiʔile láʔala gèle wī díɛʔ ! Kire bé puu bè suɔlɔ kɛn lè bàli mɛ́ piyē nɛ wi siri wè.

Piɛri 1 2:24

Wi 'weli kapiʔile tugo gèle wi céri nī dè tiiparigɛ nɛ̄ gè, kire ga buu weli- kùu kapiile kɔli mɛ́ gè bé sí puu sìi nɛ̄ sínmɛ kɔli mɛ́ gè. Wi kpúɔnluɔlɔ lire kɛnmɛ nɛ̄ yeli nyɛ́nì puʔɔ.

Piɛri 1 3:18

Nɛ́ ki cɛ́n Kirisi wire tíimɛ nyɛ́nì wuʔɔ tɔligɔ nigbe péʔ siɛnnɛ pe kapiʔile kɛnmɛ nɛ̄ bè. Wire ŋáà wi 'puu sínwɛ wè, a wi 'kùu siɛnnɛ sìnzinmɛ sìndiʔɛ nī, kire ga buu wi- yeli kɔ́ri bè pɛn Kulocɛliɛ mɛ́ wè. Pe 'wi kpúu céri nɛ̄ dè, a Kulocɛliɛ Pìle ni sí wi nyɛ́ a wi 'kò sìi nɛ̄.

Zan 1 5:6

Zezi Kirisi wire wī ŋàa wi 'pɛn nɛ́ luʔɔ ní gè nɛ́ sìsiɛn ní gè. Kiì cɛ́nì nyaa luʔɔ yákuɔ ní wi 'pɛnʔ, kire bɛ̀ʔ, luʔɔ nɛ́ sìsiɛn ní wi 'pɛn. Á Kulocɛliɛ Pìle niī nɛ ki nyu nɛ láʔala, nɛ́ ki cɛ́n Pìle lè ni yē kányiʔɛ.