Eburulo 10:1 - Sénoufo Nyarafolo

¹ Misa Fànʔa Siɛnrɛ dè, tiī fìɛ yákuɔ wī bè weli nyuɔmɔ tìɛ bè bàa pi 'puu nɛ báan bè. Ti tíimɛ sì puu kányiʔɛ woriʔ. Kire nɛ̄, tiì jáa nɛ̀ siɛn nyuɔ nɛ̀ forigoʔ bè ki yaʔa siɛn- gbɛ̀ sìʔɛrɛ kpɔni bè Kulocɛliɛ gbùʔɔrɔ wèʔ, kakuɔrɔ wenuro dáà tire kɛnmɛ nɛ̄ bèʔ, dàa ti 'puu nɛ kpínʔini yiɛlɛ ó yiɛlɛ láʔala fùn wè.

Eburulo 10:1 Iomraidhean Croise

Leviiyé 9:16

A wi 'pɛn nɛ́ yajuuyo siin ní yè, kakuɔrɔ kaasuʔuro woyo yè, nɛ̀ wi 'kakuɔrɔ baara kúɔ dè nɛ̀ yɛli nɛ́ ti tìɛgɛnmɛ ní bè.

Wurɔmiyé 8:3

Nɛ̀ taʔa gíi nɛ̄, kaala níì Misa Fànʔa Siɛnrɛ tiǐ cî gbɛ̀ kpíʔile wèʔ, bɛ̀ ki 'nyaa céri ti fànʔa ki 'cɛ́ri wè, a Kulocɛliɛ wi sí wi Jaa tíimɛ tórigo wè wi ní céri ní bɛ̀ kapiile céri tíɛlɛ. A kire 'kpíʔile a Kulocɛliɛ wi 'kàyuʔu juu kapiile nɛ̄ lè siɛn céri nī dè.

Kolɔsiyé 2:17

Tire dáà ti mìɛni dè, kele kálì kɛnmɛ tiī nɛ tìí, kele gílì ke báan nɛ tíin gèle. Kirisi wire sí wī ti kányiʔɛ gè.

Eburulo 10:22

we- sìʔɛrɛ we kpɔni Kulocɛliɛ nɛ̄ wè nɛ́ funviige ní, nɛ́ tɛ́ngɛjɛ̀nnɛ ní nàa nī káaliyɛ fùn woli lè, nɛ́ funyɔ ní nyàa yī cìiliye yè nɛ́ nyàa yī sɔ̀ngibiire fùn yè, nɛ́ weli céri ní dè dàa 'ti jíge nɛ̀ kúɔ dè nɛ́ laciilige ní gè.

Eburulo 7:11

Leviiyé kacuɔnrigɔlɔ keli ke 'puu Misa Fànʔa Siɛnrɛ nyùgo gè, dàa Isirayɛli siɛnnɛ pe yé taa dè. Nɛ̀ sí ki yaʔa, a Leviiyé kacuɔnrilɔ pe yé jáa nɛ̀ ki nyuɔ nɛ̀ fori gè gàa ki 'yɛli bè kpíʔile gè, nyùgo sí cî ní puu ki nɛ̄ Kulocɛliɛ ní kacuɔnriwɔ wáà yige Mɛlikisedɛki felige gè, bé sí Arawɔn tùlugo yaʔa gè.

Eburulo 8:5

Tiʔɛ gáà nī piyē nɛ pe baara kúu dè, kire yē fìɛ nɛ saawalidɛngɛgɛ kɛnmɛ tìí bè gàa gī baa nyìʔɛnɛ nī lè. Lɛ̀lɛ líì nī Misa yé je Kòridiʔɛ kpíʔile gè, a Kulocɛliɛ 'ki juu nɛ̀ yaʔa wi mɛ́ nɛ́ jo: Ma mìɛ cò ma baara dáà kúɔ dè ma yɛli nɛ́ fìɛlɛ bálì ní bèle mi 'tìɛ muɔ nɛ̄ náʔa nyagurugo naamɛ gè.

Eburulo 9:11

Ki sí nyaa, Kirisi wi pɛ́nì kò kacuɔnrilɔ kàfɔli píra ŋáà nī wè, weli nyuɔmɔ kɛnmɛ nɛ̄ bè. Wi nyɛ́nì jíin kpátaʔa nī gè baa nyìʔɛnɛ nī lè, gàa ki sɔ́migɔ nɛ̀ nyuɔ nɛ̀ tóri dàala kpátaʔa nɛ̄ gè, gàa siɛn kiyɛ sì kpíʔile gèʔ nɛ́ ki wè bile duniya ŋáà nī wè ŋàa Kulocɛliɛ 'faan wèʔ.

Eburulo 9:23

Ki yé yɛli yɛrɛ dáà ti mìɛni dī fìɛ wè nɛ saawalidɛngɛgɛ kɛnmɛ tìí bè gàa gī baa nyìʔɛnɛ nī lè, ti- cìile nɛ́ kakuɔrɔ dáà ní dè. Nɛ̀ ki yaʔa, kányiʔɛ yɛrɛ dáà dī baa nyìʔɛnɛ nī lè, tire yé yɛli ti- cìile nɛ́ kakuɔrɔ táà tiiyɛ ní dàa ti 'nyuɔ nɛ̀ tóri kakuɔrɔ dáà nɛ̄ dè.

Eburulo 9:25

Wiì jíin nyìʔɛnɛ nī lè bè kakuɔrɔ baara kúɔ dè yiɛlɛ ó yiɛlɛʔ kɛnmɛ bíì nɛ̄ kacuɔnrilɔ kàfɔli wi nɛ̂ ki kpíʔile náʔa dàala nɛ̄ lèʔ, wire ŋáà wi jíin nɛ́ yajuuro sìsiɛn ní saawalidɛngɛgɛ nī gè, wire tíimɛ sìsiɛn bɛ̀ʔ.