Eburulo 1:9 - Sénoufo Nyarafolo

⁹ Sínmɛ pi 'muɔ dɛ́ni, a kapiʔi ki 'muɔ biɛn. Kire kɛnmɛ nɛ̄ Kulocɛliɛ, muɔ Kulocɛliɛ wè, wi 'muɔ kpíʔile kùlofɔli nɛ̀ fundaanra sùnmɔ wo bè muɔ nɛ̄, nɛ̀ muɔ yɛ̀gɛ nɛ̀ tóri muɔ pínɛnyɛninɛ nɛ̄ bèle .

Eburulo 1:9 Iomraidhean Croise

Ŋúnuyɔ 11:5

Yewe nɛ̂ siɛnsinminɛ ciʔige bèle nɛ̀ wéli nɛ́ míɛni siɛnpiile ní bèle. Siɛn ŋáà wī fungbɛngɛ kele ke 'wi dɛ́ni gèle, ki siɛn wi nyɛ́nì Yewe biɛn.

Ŋúnuyɔ 119:104

Mi 'sícilimɛ taa muɔ kacinʔɛnɛ kele keli kɛnmɛ nɛ̄, kire nɛ̄ káfinɛrɛ koligo ki 'mi biɛn.

Ŋúnuyɔ 119:128

Kire kɛnmɛ nɛ̄ mi 'ki nyaa a muɔ kacinʔɛnɛ kele ke mìɛni 'sín; káfinɛrɛ koliyo yi mìɛni 'mi biɛn.

Ŋúnuyɔ 2:2

Gáa nɛ̄ dàala ni kùlofɔlilɔ pe 'yɛ̀ ? Gáa nɛ̄ siɛnkpolilo pe pìye nyaʔa nɛ nyu nɛ́ nyuɔ le Yewe nɛ̄ wè, nɛ́ wi siɛnnyiɛnɛgɔnwɔ ní wèʔ  ?

Ŋúnuyɔ 2:6

A wi sí ki juu pe mɛ́ nɛ́ jo: «Mi tíimɛ wè, mi nyɛ́nì mi kùlofɔli tɛ́ngɛ wè Siyɔn nyagurugo nɛ̄ gè, mi nyagurugo wàlidɛngɛgɛ nɛ̄ gè.»

Ŋúnuyɔ 23:5

Muɔ nɛ lìigbuɔlɔ tɛ́ngi lè mi táanni mi leguulo pe nyaamɛ nɛ̄. Muɔ nɛ mi kpàlí nɛ nyɔ́gi níɛ nùdaanna sùnmɔ ŋu mi nyùgo nɛ̄ gè; muɔ nɛ mi nɛ̀jogo nyìgí gè ki‑ ŋu.

Ŋúnuyɔ 33:5

Yewe wiī sìɛnwɛ; ki 'wi dɛ́ni bè kàyuʔu juu nɛ́ sínmɛ ní. Yewe bànguɔ dɛ́nigɛ ki 'dàala nyì lè.

Ŋúnuyɔ 37:28

Nɛ́ ki cɛ́n kàyuʔujuuro dáà ti 'sín dè, ti 'Yewe dɛ́ni wè. Siɛnnɛ bálì pe 'pìye puɔ wi nɛ̄, wiǐ ga tíi pe yaʔaʔ. Yewe béri pe wéli súuri, nɛ̀ ki yaʔa, siɛnpiile pìile bèle, peli bé cúʔɔ bè yiri baa.

Ŋúnuyɔ 40:8

Kire nɛ̄ a mi 'ki juu nɛ́ jo: «Ki n'gɛ, mi nyɛ́nì pɛn ! Ki nyɛ́nì sɛbɛ mi wuʔu nɛ̄ gè sɛbɛkuruwo nī wè.»

Ŋúnuyɔ 45:6

Kùlofɔli, muɔ ŋaaya yiī juɔyɔ bè kùlogolo kálì siɛnnɛ cáan bèle muɔ láara, a muɔ ŋaaya yi kɛ́nì sìndinyɛ fúrugu yè nɛ̀ nɔ̀ muɔ leguulo pe nàzɔnnɔ nɛ̄ bèle.

Ŋúnuyɔ 45:7

Kulocɛliɛ yo, muɔ kùlofɔlilɔ kácunʔɔ kiī baa súuri lɛ̀lɛ ó lɛ̀lɛ nī, muɔ fànʔa kàgbiile náà ni yē muɔ kɔli nī gè, niī nɛ muɔ kùlofɔligɔ kàrigí gè nɛ́ sínmɛ ní.

Ŋúnuyɔ 89:20

Faʔa gè, muɔ yé ki juu nɛ́ mìɛ tìɛ muɔ siɛnnɛ nɛ̄ bèle, bàli pe 'pìye puɔ muɔ nɛ̄ wè, nɛ́ jo: «Mi nyɛ́nì mi kɔli sáʔa gè nɛ́ ŋɔri nyɔ́gɔ kapiɛngbuɔnnɔ sànbali wáà nī, nɛ́ nàgapunwɔ wáà nyíɛnɛ nɛ̀ kɔ̀n mi siɛnnɛ pe sunʔɔmɔ nī bè.

Ŋúnuyɔ 89:26

M'bé wi kɔli taʔa gè kuʔɔjii naamɛ gè, bé wi kàliige kɔli taʔa gè lakoliyo naamɛ gè.

Tɔ́rilɔ 7:43

Wire kpuʔɔrɔ tire ti 'puu dàa dè: walifiiwe tasaa nigbe, ŋàa wi lúbugogɛnnɛ ni 'puu culo nigbe nɛ́ tílaga, nɛ́ walifiiwe tasaaduru nigbe, ŋàa wi lúbugogɛnnɛ ni 'puu giraminɛ sirasicɛri (800), nɛ̀ yɛli nɛ́ Yewe saawalidɛngɛgɛ ki culolo tɔ́rigɛnmɛ ní bè. Tasaala bálì pe mìɛni siin cé puu nyìminɛ nɛ́ míifuɔnibɔ ní bàa pe 'nyaʔami nɛ́ sùnmɔ ní bè, yaliire yakɛnrɛ wori dè.

Luku 4:18

Kàfɔli wi Pìle niī nɛ́ mi ní, nɛ́ ki cɛ́n wi 'mi nyíɛnɛ nɛ̀ kɔ̀n nɛ̀ kɔli tɔ́n mi nɛ̄, mi de Kataanna Siɛnrɛ jáari dè fuunmɔfɔlilɔ mɛ́ bèle. A wi ní nɛ̀ mi tun mi- ki jáari siɛnnɛ bálì mɛ́ pe 'cò bèle, dí pe 'kò pìyemɛ; bé sí fúɔnnɔ múgu bèle peri nyaʔa; bìli pe nyɛ́ni wuʔɔ bèle mi pe suɔ pe wuʔɔvɔlilɔ mɛ́ bèle.

Zezi Kirisi Kataanna Siɛnrɛ dè Zan juumɔ nɛ̄ bè 1:41

A Andire wi 'fali nɛ̀ kɛ́ wi siinyɛni kúrugu wè, Siimɔ wè, nɛ̀ sɛ́nì wi yɛ: «Weli nyɛ́nì Kulocɛliɛ Siɛnnyiɛnɛgɔnwɔ nyaa wè, ‹Mesii› wè, ŋàa pe sî nɛ ye ‹Kirisi› wè.»

Zezi Kirisi Kataanna Siɛnrɛ dè Zan juumɔ nɛ̄ bè 10:17

«Mi nyɛ́nì mi Tuu dɛ́ni wè, nɛ̀ taʔa gíi nɛ̄, mi 'mi sìi kɛn wè, bé sí ní koli bè wi líɛ.

Zezi Kirisi Kataanna Siɛnrɛ dè Zan juumɔ nɛ̄ bè 20:17

A Zezi wi 'wi yɛ: «Fǎga cò mi nɛ̄ʔ. Mi sì fìɛ yɛ̀ nɛ̀ kɛ́ baa mi Tuu kúrugo wèʔ. Koli mari waa mi siinyɛninɛ kúrugu bèle, ma sa ti juu pe mɛ́ ma pe yɛ dí m'bé yɛ̀ bè kɛ́ mi Tuu kúrugu wè. Wiī yeli Tuu nɛ̀ pínɛ, wiī mi Kulocɛliɛ, nɛ ní yeli Kulocɛliɛ nɛ̀ pínɛ.»

Zezi Kirisi Kataanna Siɛnrɛ dè Zan juumɔ nɛ̄ bè 3:34

Ki 'nyaa ŋàa Kulocɛliɛ wi 'tun wè, kire siɛn wiī nɛ Kulocɛliɛ siɛnrɛ nyu dè. Kulocɛliɛ wi 'wi Pìle kɛn lè wi mɛ́ nɛ̀ kɔli láʔa n'nɛ̄.

Kakpiʔiligele 10:38

«Kire Zezi wire sí wī Nazarɛti kàʔa wuu wè; Kulocɛliɛ cé wi nyíɛnɛ nɛ̀ kɔ̀n nɛ́ wi Pìle tìrige lè nɛ́ fànʔa kɛn gè wi mɛ́ wi tòrí tiɛrɛ ti mìɛni nī nɛ nyuʔɔ siɛnnɛ nɛ̄ bèle, nɛ pe pori níɛ pe suu gbòdolilo kàfɔli wuʔɔgɔ mɛ́ gè. Ki 'nyaa Kulocɛliɛ wi 'puu nɛ́ wi ní.

Kakpiʔiligele 4:26

Duniya kùlofɔlilɔ bèle nɛ́ yiɛgininɛ ní bèle, pe 'pìye pínɛ nɛ̀ yɛ̀ nɛ̀ yéri nɛ̀ nyuɔ le Kàfɔli nɛ̄ wè nɛ́ wi Siɛnnyiɛnɛgɔnwɔ ní wè .

Kakpiʔiligele 4:27

«Ki 'nyaa Erodi wè nɛ́ Pɔnsi Pilati ní wè, pe 'pìye pínɛ kàʔa gáà nī gè, peli nɛ́ kùlogolo kálì siɛnnɛ pe yiɛgininɛ ní bèle, nɛ̀ fàri Isirayɛli siɛnnɛ nɛ̄ bèle, a pe 'nyuɔ le muɔ tiɛlɛfun baakuɔwɔ nɛ̄ wè, Zezi wè, wire ŋáà muɔ 'nyíɛnɛ nɛ̀ kɔ̀n wè.

Wurɔmiyé 12:9

Wìyedɛnigɛ gè, ye fǎga tí ki puu nɛ́ funyɔ siin níʔ. Kapiile lè, kacuʔɔrɔ dè, ye- ti yaʔa ti- puu yeli yafungo; ye- puu yeri kacɛ̀ngɛ caa súuri.

Wurɔmiyé 15:13

Kulocɛliɛ ŋáà wī sɔ̀ngirɔ taʔadiʔɛ gè, wi- yeli funyɔ nyì yè fundaanra nɛ̄, nɛ́ yanyige ní tɛ́ngɛlɛ kɛnmɛ nɛ̄ bè. Gìi ki bé tí kàa de taʔala de waa yeli sɔ̀ngirɔ taʔadiʔɛ nɛ̄ gè Kulocɛliɛ Pìle lire fànʔa nɛ̄ gè.

Korɛntiyé 1 1:9

Kulocɛliɛ wiī baa wi nyayerigele nī gèle, wire ŋáà wi 'weli yeri we- puu pínɛnyɛnigɛ nɛ̄ nɛ́ wi Jaa Zezi Kirisi ní wè, weli Kàfɔli wè.

Korɛntiyé 2 11:31

Kulocɛliɛ wè, wire ŋáà wī Kàfɔli Zezi Tuu wè, wire ŋáà wiyē nɛ tòbiló súuri lɛ̀gɛlɛ ke mìɛni nī gèle, wi 'ki cɛ́n mi wè nɛ finɛnɛ wīʔ.

Galasiyé 5:22

Kulocɛliɛ Pìle yasɛngɛ ki kàtogo yɛrɛ ti sí n'dɛ: siɛnnɛ nìge, fundaanra, yanyige, kpàricogo, kacɛ̀ngɛ, funjɛ̀ngɛ, ma puu tɛ́ngɛlɛ siɛn,

Efɛziyé 1:3

Kpuʔɔrɔ ti 'yɛli Kulocɛliɛ nɛ̄, weli Kàfɔli Zezi Kirisi wi Tuu wè. Wire wi 'kpuʔɔrɔ taʔa weli nɛ̄ kɛnmɛ pi mìɛni feliye nɛ̄, gìi ki 'pìle kɛnmɛ kúɔ bè nyìʔɛnɛkaʔa kele koligo nī gè bɛ̀ wiyē pínɛnɛ nɛ́ Kirisi ní wè.

Filipiyé 2:9

Kire nɛ̄ a Kulocɛliɛ wi sí wi kpúʔɔ feliye yi mìɛni, nɛ̀ míʔɛ kɛn wi mɛ́, míʔɛ gáà ki 'tóri míɛyɛ yi mìɛni nɛ̄ yè,

Eburulo 2:11

Nɛ́ ki cɛ́n Zezi wire ŋáà wiī nɛ siɛnnɛ wàlí nɛ tɛ́ngi Kulocɛliɛ mɛ́ wè, nɛ́ bàli bīɛlɛ wàlidɛngɛlɛ bèle, pe mìɛni yē Tuufɔnuwɔ nɛ̄. Kire kɛnmɛ nɛ̄ ki wè Zezi nɛ̄ wè fìɛrɛʔ bè pe yeri wi siinyɛninɛʔ.

Eburulo 2:9

Gìi gī baa gè, weli nɛ ki nyaʔa Kulocɛliɛ wi 'Zezi cɛ́rigɛ wè cɛ̀ nyìʔɛnɛ tundunminɔ nɛ̄ bèle bè lɛ̀lɛ láà kúɔ, kire ga buu wi ga kùu siɛnnɛ pe mìɛni wuʔu nɛ̄ gè Kulocɛliɛ kpuʔɔrɔ kɛnmɛ nɛ̄ bè. Bɛ̀ wi 'wuʔɔ nɛ́ kùu wè, a wi kùlofɔlilɔ ndɔ̀ngɔ taa, gàa ki wi kpuɔmɔ nɛ́ wi kpuʔɔrɔ tìí dè.

Eburulo 7:26

Zezi wiī kacuɔnrilɔ kàfɔli ŋáà nɛ̄ weli màakuu yē wè. Wiī tiɛlɛ fùn, kolimɔ fùn, cìiliwe: wi 'wàli nɛ̀ líili kapiigbiʔilile nɛ̄ bèle, wiī tɛ́niwɛ naamɛ nyìʔɛnɛ nī.

Piɛri 1 1:3

Weri Kulocɛliɛ gbùʔɔrɔ́ wè, weli Kàfɔli Zezi Kirisi wi Tuu wè ! Wi nyinimɛ pi 'kpúʔɔ weli kɔli mɛ́ gè, a wi 'sìi fɔnwɔ kɛn wè weli mɛ́ Zezi Kirisi wi nyɛ́yirile kɛnmɛ nɛ̄ bè kúbilo sunʔɔmɔ nī bè. Kire sìi nī wè, weli nyɛ́nì sɔ̀ngirɔ taʔadiʔɛ kányiʔɛ taa, sɔ̀ngirɔ taʔadiʔɛ wiʔi

Zan 1 1:3

Gàa weli 'nyaa nɛ́ ki lúʔu gè, weli nɛ ki jáari yeli ye míɛni mɛ́, kire ga buu yeli míɛni yeli- puu pínɛnyɛnigɛ nɛ̄ nɛ́ weli ní. Gìi sí gī baa gè, weli yē pínɛnyɛnigɛ nɛ̄ nɛ́ Tuufɔli ní wè nɛ́ wi Jaa Zezi Kirisi ní wè.

Tìɛlɛ 2:15

«Nɛ̀ pínɛ, pàli yē baa muɔ tiʔɛ nī gè pe 'Nikolayé tɛnmɛnɛ cò lè nɛ tári ni nɛ̄.