Eburulo 1:8 - Sénoufo Nyarafolo

⁸ Nɛ̀ ki yaʔa a Kulocɛliɛ sí ki juu wi Jaa mɛ́ wè nɛ́ jo: Kulocɛliɛ yo, muɔ kùlofɔligɔ kácunʔɔ kiī baa súuri lɛ̀lɛ ó lɛ̀lɛ nī, muɔ fànʔa kàgbiile náà ni yē muɔ kɔli nī gè, niī nɛ muɔ kùlofɔligɔ kàrigí gè nɛ́ sínmɛ ní.

Eburulo 1:8 Iomraidhean Croise

Ŋúnuyɔ 145:13

Muɔ kùlofɔlimɔ piī lɛ̀gɛlɛ ke mìɛni nī, muɔ kàfɔlimɔ piī kɛ̀ngɛlɛ ke mìɛni nī. [Yewe wiī nɛ wi nyafɛniyɛ fori yè, wiī nɛ kacɛ̀ngɛ kpínʔini wi kakpiʔiligele ke mìɛni nī.]

Ŋúnuyɔ 72:7

Wire cɛnyɛ nī yè, kàa béri tari siɛnsinminɛ nɛ̄ bèle; bè yege yaʔa gè bile duniya nī wè, yanyige bé puu pe nɛ̄.

Ŋúnuyɔ 99:4

Kùlofɔli wiī ŋɔri ní; ki 'wi dɛ́ni kàyuʔujuumɔ pi de kpínʔini nɛ́ sínmɛ ní. ʔaan, Yewe muɔ ma 'kányiʔɛ kele sɔ́migɔ gèle nɛ̀ tɛ́ngɛ, muɔ ma 'ki kpíʔile Yakuba siimɛ pi‑ kàyuʔu nyu gè nɛ síngi nɛ kasingele kpínʔini.

Matiye 1:23

N'gɛ, sinboriwo wi bága laala taa bè nàgabile sii, pe béri wi yeri Emanuwɛli . Kire kɔri wi 'jo: «Kulocɛliɛ yē nɛ́ we ní.»

Luku 1:75

Kulocɛliɛ fíɛrɛ sí puu weli nī, weri tári sínmɛ koligo nī wi yiʔɛ mɛ́ gè weli sìi cɛnyɛ yi mìɛni nī yè.

Zezi Kirisi Kataanna Siɛnrɛ dè Zan juumɔ nɛ̄ bè 10:30

Mi nɛ́ Tuufɔli ní wè, weli yē nigbe.»

Zezi Kirisi Kataanna Siɛnrɛ dè Zan juumɔ nɛ̄ bè 10:33

A Zuufulo pe 'siɛnnugoro kɛn wi mɛ́ nɛ́ wi yɛ: «Weli sì je muɔ wáa nɛ́ sìndari ní dè kacɛ̀nnɛ kɛnmɛ nɛ̄ wīʔ; siɛncuʔɔrɔ dáà muɔ 'juu dè, tire kɛnmɛ nɛ̄ weli je muɔ wáa. Nɛ̀ taʔa gíi nɛ̄, siɛn wī muɔ wè, á muɔ sí nɛ mìɛ kpínʔini Kulocɛliɛ.»

Zezi Kirisi Kataanna Siɛnrɛ dè Zan juumɔ nɛ̄ bè 20:28

A Toma wi 'siɛnnugoro kɛn wi mɛ́ nɛ́ wi yɛ: «ʔé, mi Kàfɔli, mi Kulocɛliɛ !»

Wurɔmiyé 9:5

Peli pe 'yiri weli tuuliɛyɛ tùluyo yè, peli nī Kirisi wi 'yiri nɛ̀ yɛli nɛ́ siɛnmɛ tùlugo ní gè. Wire wī kele ke mìɛni yiʔɛ mɛ́ gè, wiī Kulocɛliɛ wè, ŋàa nɛ̄ kpuʔɔrɔ ti 'yɛli lɛ̀gɛlɛ ke mìɛni wè. Ki- taa ki puu bɛ̀  !

Korɛntiyé 1 15:25

Ki 'nyaa Kirisi wire wi 'yɛli bè puu fànʔa nɛ̄ gè fúɔ bè taa wi ga wi leguulo pe mìɛni kùru bè le wi tɔliyɔ láara yè.

Fànʔa Kajuʔulo 2:37

Ki 'nyaa Amɔyé kùlo lè, lire nɛ̄ weli sì yé kpɔniʔ, nɛ́ Yabɔki lakolibile kápaliyɛ tiɛyɛ ní yè, nɛ́ nyaguruyo kùlo kàaya ní yè, nɛ́ tiɛrɛ ti mìɛni ní dàa wuʔu Yewe weli Kulocɛliɛ yé juu nɛ̀ gbɛ̀ngɛ gè nɛ́ jo we- ti yaʔa dè.»

Fànʔa Kajuʔulo 7:14

Yewe bé diba taʔa wè yeli nɛ̄ bè tóri kùlogolo kálì siɛnnɛ nɛ̄ bèle. Nàguɔ nɛ́ cɛliwɛ sǐ ga tíi nyaa muɔ mɛ́ʔ ŋàa wī sìndigiwe wè, nɛ́ yajuuro ní dàa tiǐ gbɛ̀ sii dèʔ.

Timote 1 3:16

ʔaan, káaliyɛ wè ti nīʔ, weli tɛ́ngɛlɛ ni kalarilɛ ni 'kpúʔɔ, nàa nī tɛ́ngɛlɛ ni nyùgo gè: Wi nyɛ́nì wìi tìɛ siɛn céri nī, a Kulocɛliɛ Pìle ni 'ki juu nɛ̀ láʔa nɛ́ jo wi 'sín, a nyìʔɛnɛ tundunminɔ pe 'wi nyaa. A siɛnnɛ pe 'wi wuʔu jáari gè kùlogolo siɛnnɛ mɛ́ bèle, a siɛnniʔɛnɛ 'tɛ́ngɛ wi nɛ̄ duniya nī wè, a Kulocɛliɛ wi 'wi yɛ̀gɛ wi kpuɔmɔ nī bè.

Piɛri 2 1:11

Bɛ̀ sí ki yē gè, weli Kàfɔli Zezi Kirisi, weli Suɔfɔli wè, wi bànguɔ kùlofɔligɔ kɔ̀ri ki bé múgu kpuʔɔ yeli mɛ́.

Zan 1 5:20

Weli nyɛ́nì ki cɛ́n míɛni, Kulocɛliɛ Jaa wi pɛ́nì sícilimɛ kɛn bè weli mɛ́, kire ga buu weli- gbɛ̀ kányiʔɛ Kulocɛliɛ cɛ́n wè. Weli sí yē pínɛnɛ nɛ́ wi ní ŋàa wi yē kányiʔɛ Kulocɛliɛ wè, bɛ̀ weli yē pínɛnɛ nɛ́ wi Jaa Zezi Kirisi ní wè. Zezi wire yē kányiʔɛ Kulocɛliɛ, wire wī bànguɔ sìi wè.