Eburulo 1:6 - Sénoufo Nyarafolo

⁶ Nɛ̀ ki yaʔa bà Kulocɛliɛ wi kɛ́nì wi Pìpeliwe tun wè duniya nī wè, a Kulocɛliɛ wi 'jo: Nyìʔɛnɛ tundunminɔ pe mìɛni peri wi gbùʔɔrɔ́  !

Eburulo 1:6 Iomraidhean Croise

Ŋúnuyɔ 97:7

Fìɛrɛ bé tɔ́n pe nɛ̄, bàli pe mìɛni piyē nɛ yatɛngɛ káà sungu gè, bàli pe 'pìye kpóri bèle, pe yatɛnyɛ yi wè yafiɛnʔ. Nyìʔɛnɛ fànʔafɔlilɔ pe mìɛni nɛ tun nɛ cúbulo wi yiʔɛ mɛ́ gè.

Matiye 24:14

Nɛ̀ pínɛ Kùlofɔligɔ ki Kataanna Siɛnrɛ dáà ti bé jáari bè tóri duniya tiɛrɛ ti mìɛni nī, ki- puu kacɛ́nnɛ kùlogolo ke mìɛni mɛ́ gèle; píra ŋáà nī wè, dí duniya kúɔ lɛ̀lɛ ni sí nɔ̀.»

Zezi Kirisi Kataanna Siɛnrɛ dè Zan juumɔ nɛ̄ bè 1:14

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Zezi Kirisi Kataanna Siɛnrɛ dè Zan juumɔ nɛ̄ bè 1:18

Siɛn sì fìɛ Kulocɛliɛ nyaa wè nɛ̀ nyaaʔ; Kulocɛliɛ Jaa nigbiiwe ŋáà wī Kulocɛliɛ wè, nɛ́ ní baa nɛ̀ kpɔni Tuufɔli nɛ̄ wè, wire wi pɛ́nì Kulocɛliɛ tìɛ wè siɛnnɛ nɛ̄ bèle.

Zezi Kirisi Kataanna Siɛnrɛ dè Zan juumɔ nɛ̄ bè 3:16

«Ki 'nyaa duniya siɛnnɛ pe woli ni 'kpúʔɔ Kulocɛliɛ mɛ́ wè, fúɔ a Kulocɛliɛ wi 'wi Jaa nigbiiwe kɛn wè, gìi ki bé tí a siɛn ó siɛn 'tɛ́ngɛ wi nɛ̄ wè, siɛn wi woli ni fǎga cúʔɔʔ, siɛn wi- bànguɔ sìi taa wè.

Wurɔmiyé 8:29

Ki 'nyaa bìli wi cé kíni nɛ̀ cɛ́n nɛ̀ yaʔa bèle, a wi 'pe kpíʔile nɛ̀ yaʔa pe- puu wi Jaa tíɛlɛ wè, gìi ki bé tí wi Jaa wi- puu pìpeliwe wè wi siinyɛninɛ nìʔɛnɛ sunʔɔmɔ nī bè.

Fànʔa Kajuʔulo 32:43

Kùlogolo siɛnnɛ, yeri fundaanra kpínʔini nɛ́ Yewe siɛnnɛ ní bèle, nɛ́ ki cɛ́n wi bé wi baakuɔlɔ sìsiɛn fuʔɔ tɔ́n gè. Wi bé ní koli wi fuʔɔ tɔ́n gè wi leguulo mɛ́ bèle. Bɛ̀ ki bé kpíʔile wi bé kapiʔile láʔa gèle wi siɛnnɛ dàala nɛ̄ lè.

Kolɔsiyé 1:15

Kulocɛliɛ wè, we wè wi nyaʔaʔ, nɛ̀ sí ki taa Kirisi wire wi nyɛ́ni wi kɛnmɛ tìí bè; wire wī pìpeliwe wè nɛ́ ní péliwe wè yafaanra ti mìɛni nyùgo nɛ̄ gè.

Kolɔsiyé 1:18

Wire wī cetinnɛ ni nyùgo gè, cetinnɛ náà nī tɛ́ngɛfɔlilɔ gboli lè. Wire wī sìi sélimɛ bè, wire wī pìpeliwe ŋáà wi 'nyɛ́ nɛ̀ yiri péliwe wè kúbilo nī bèle, gìi ki bé tí yɛrɛ ti mìɛni nī dè, wi- puu péliwe wè.

Eburulo 1:5

Nɛ́ ki cɛ́n, Kulocɛliɛ sì ki juu nɛ̀ nyaaʔ nyìʔɛnɛ tundunwɔ wáà mɛ́ʔ nɛ́ jo: Muɔ yē mi jaa; pàngɛ gè mi wī mi nyɛ́nì muɔ sii . Nɛ́ pínɛ, wiì ki juu nɛ̀ nyaaʔ nyìʔɛnɛ tundunwɔ wáà wuʔu nɛ̄ʔ nɛ́ jo: M'bé puu wi tuu; wire bé puu mi jaa .

Eburulo 10:5

Kire kɛnmɛ nɛ̄, lɛ̀lɛ líì nī Kirisi wi yé je jíin duniya nī wè, a wi 'ki juu Kulocɛliɛ mɛ́ wè nɛ́ jo: Kakuɔrɔ yajuuro dè nɛ́ yaliire yakɛnrɛ ní dè, tire bɛ̀ʔ muɔ nɛ caaʔ: muɔ 'cetinnɛ kpíʔile mi mɛ́.

Piɛri 1 3:22

Zezi Kirisi wire wè, wi 'kɛ́ nyìʔɛnɛ nī, baa wi yē tɛ́niwɛ Kulocɛliɛ kàliige mɛ́ gè. Nyìʔɛnɛ tundunminɔ, nɛ́ kàfɔligɔ feliye, nɛ́ fànʔafɔligɔ feliye ní yè, yire yi mìɛni yē wi fànʔa láara gè.

Zan 1 4:9

Kulocɛliɛ nyɛ́nì wi dɛ́nigɛ tìɛ gè weli nɛ̄ kɛnmɛ báà nɛ̄ bè: Kulocɛliɛ nyɛ́nì wi Jaa nigbe tun wè náʔa duniya nī wè, gìi ki bé tí weli- bànguɔ sìi taa wè wi kɛnmɛ nɛ̄ bè.