Eburulo 1:4 - Sénoufo Nyarafolo

⁴ A Kulocɛliɛ wi 'míʔɛ le wi nɛ̄ gàa ki 'kpúʔɔ nɛ̀ tóri nyìʔɛnɛ tundunminɔ wuʔu nɛ̄ gè, kire gī Jaafɔli wè. Kire kɛnmɛ nɛ̄ wi 'kpúʔɔ nɛ̀ tóri pe nɛ̄.

Eburulo 1:4 Iomraidhean Croise

Efɛziyé 1:21

Wiī ti mìɛni naamɛ: kàfɔligɔ feliye yi mìɛni yè, fànʔa feliye yi mìɛni yè, ŋɔri feliye yi mìɛni yè, nɛ́ kùlofɔligɔ feliye yi mìɛni ní yè. Nɛ̀ fàri míʔɛ ó míʔɛ gáà ki bé gbɛ̀ yeri gè, ki fǎga cɛ yéri náʔa yákuɔ nɛ̄ʔ, nɛ̀ pínɛ duniya ŋáà wi báan nɛ tíin wè.

Kolɔsiyé 1:18

Wire wī cetinnɛ ni nyùgo gè, cetinnɛ náà nī tɛ́ngɛfɔlilɔ gboli lè. Wire wī sìi sélimɛ bè, wire wī pìpeliwe ŋáà wi 'nyɛ́ nɛ̀ yiri péliwe wè kúbilo nī bèle, gìi ki bé tí yɛrɛ ti mìɛni nī dè, wi- puu péliwe wè.

Kolɔsiyé 2:10

Wire fànʔa nɛ̄ gè, yeli 'yɛrɛ ti mìɛni taa nɛ̀ tín, nɛ̀ taʔa gíi nɛ̄, wire wī kàfɔlilɔ pe mìɛni Kàfɔli wè, nɛ́ Setɛni fànʔa ki mìɛni Kàfɔli wè nɛ̀ pínɛ.

Tesalonikiyé 2 1:7

Nɛ̀ pínɛ yeli bálì ye nyɛ́ni wuʔɔ bèle, Kulocɛliɛ wi bé ŋɔ́daala kɛn yeli mɛ́ bè fàri weli nɛ̄. Ki bága kpíʔile lɛ̀lɛ níì nī Kàfɔli Zezi wi bága wìi tìɛ, bé kɔ́n baa nyìʔɛnɛ nī lè nɛ́ nyìʔɛnɛ tundunminɔ ní bèle wi wuulo bèle; piyē nɛ́ fànʔa ní.

Eburulo 1:9

Sínmɛ pi 'muɔ dɛ́ni, a kapiʔi ki 'muɔ biɛn. Kire kɛnmɛ nɛ̄ Kulocɛliɛ, muɔ Kulocɛliɛ wè, wi 'muɔ kpíʔile kùlofɔli nɛ̀ fundaanra sùnmɔ wo bè muɔ nɛ̄, nɛ̀ muɔ yɛ̀gɛ nɛ̀ tóri muɔ pínɛnyɛninɛ nɛ̄ bèle .

Eburulo 12:17

Yeli nyɛ́nì ki cɛ́n, kàduʔumɛ gè wi 'puu nɛ ki caa wi tuu wi- diba siɛnrɛ juu dè bè taʔa wire nɛ̄, nɛ̀ ki yaʔa wi tuu wiì yéri ki nɛ̄ʔ. A wi 'ki ŋàʔana nɛ́ yéturo ní bè kele yiʔɛ gèle, kire nɛ́ ki mìɛni kiì nyuɔ wi nɛ̄ʔ.

Eburulo 2:9

Gìi gī baa gè, weli nɛ ki nyaʔa Kulocɛliɛ wi 'Zezi cɛ́rigɛ wè cɛ̀ nyìʔɛnɛ tundunminɔ nɛ̄ bèle bè lɛ̀lɛ láà kúɔ, kire ga buu wi ga kùu siɛnnɛ pe mìɛni wuʔu nɛ̄ gè Kulocɛliɛ kpuʔɔrɔ kɛnmɛ nɛ̄ bè. Bɛ̀ wi 'wuʔɔ nɛ́ kùu wè, a wi kùlofɔlilɔ ndɔ̀ngɔ taa, gàa ki wi kpuɔmɔ nɛ́ wi kpuʔɔrɔ tìí dè.

Piɛri 1 3:22

Zezi Kirisi wire wè, wi 'kɛ́ nyìʔɛnɛ nī, baa wi yē tɛ́niwɛ Kulocɛliɛ kàliige mɛ́ gè. Nyìʔɛnɛ tundunminɔ, nɛ́ kàfɔligɔ feliye, nɛ́ fànʔafɔligɔ feliye ní yè, yire yi mìɛni yē wi fànʔa láara gè.