Eburulo 1:3 - Sénoufo Nyarafolo

³ Jaafɔli wiī nɛ nyíʔɛnɛ nɛ Kulocɛliɛ cɛ̀nmɛ nɛ́ wi kpuɔmɔ tìí bè. Wiī nɛ Kulocɛliɛ kɛnmɛ tìí bè kányiʔɛ nɛ̄, nɛ́ yɛrɛ ti mìɛni cò nɛ̀ yérige nɛ́ wi siɛnrɛ ní dè, dàa dī nɛ́ ŋɔri ní dè. Lɛ̀lɛ líì nī wi yé siɛnnɛ cìile bèle nɛ̀ kapiʔile láʔa gèle, a wi 'tɛ́ni Kpuɔmɔ Kulocɛliɛ wi kàliige mɛ́ gè, baa nyìʔɛnɛ nī lè.

Eburulo 1:3 Iomraidhean Croise

Ŋúnuyɔ 110:1

Dawuda ŋúnudanʔa gī gàa pe ŋú nɛ́ yakpuɔnrɔ ní dè. A Yewe wi 'ki juu mi Kàfɔli mɛ́ wè nɛ́ wi yɛ: «Tɛ́ni mi kàliige mɛ́ gè, fúɔ bè taa mi ga muɔ leguulo kpíʔile bèle muɔ tɔliyɔ taʔadiʔɛ.»

Ŋúnuyɔ 75:3

Kulocɛliɛ 'jo: «Lɛ̀lɛ náà mi 'nyíɛnɛ nɛ̀ kɔ̀n lè, a ni kɛ́nì nɔ̀ wè, m'bé kàyuʔu juu gè nɛ́ sínmɛ ní.

Leviiyé 15:15

Kacuɔnriwɔ wi bé nigbe kɔ̀n kapiʔile kàsulugo kakuɔrɔ woli, bé siinwoli kɔ̀n lè kakuɔrɔ kaasuʔuro. Bà kacuɔnriwɔ wi bé kàsulugosuɔ baara kúɔ dè wi mɛ́ Yewe yiʔɛ mɛ́ gè, wi fìnimɛ wolo wuʔu nɛ̄ gè.

Matiye 22:24

«Tɛnmɛfɔli, Misa wi cé jo: A nàguɔ 'cɛliwɛ líɛ nɛ́ kùu nɛ́ wi yaʔa wiì puɔ sii wi nɛ̄ wèʔ, wi siinyɛni wi- cɛliwɛ líɛ wè wi- pìile sii wi kɛn wi siinyɛni ŋáà mɛ́ wi 'kùu wè.

Mariki 16:19

Bà weli Kàfɔli Zezi wi 'kire siɛnrɛ dáà juu dè nɛ̀ kúɔ pe mɛ́ mmɛ gè, a wi 'fali nɛ̀ yɛ̀ nɛ̀ kɛ́ nyìʔɛnɛ nī, nɛ̀ sɛ́nì tɛ́ni Kulocɛliɛ kàliige mɛ́ gè.

Zezi Kirisi Kataanna Siɛnrɛ dè Zan juumɔ nɛ̄ bè 1:14

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Zezi Kirisi Kataanna Siɛnrɛ dè Zan juumɔ nɛ̄ bè 1:29

Ki kpìɛnduu gè, a Zan wi 'Zezi wéli wè nɛ̀ nyaa wi báan baa wi kúrugu. A wi 'jo: «Kulocɛliɛ Sìnbapile n'nɛ, lire ni bé duniya kapiile láʔa lè !

Zezi Kirisi Kataanna Siɛnrɛ dè Zan juumɔ nɛ̄ bè 1:4

Siɛnrɛ tire nī sìi wi 'puu; sìi wire sí wi 'puu siɛnnɛ pe kpìɛnmɛ bè.

Kakpiʔiligele 2:33

Bà sí Kulocɛliɛ wi 'kpuʔɔrɔ taʔa wi nɛ̄ nɛ́ wi tɛ́ngɛ wi kàliige mɛ́ gè, a Tuufɔli wi ń'nɛ̀ wi Pìle kɛn lè wi mɛ́, bɛ̀ wi cé nyuɔ fɛ̀ni ni wori nɛ̄ dè. Kire Pìle lire sí wi 'tìrige nàa lè, kire yeli nɛ nyaʔa níɛ ki lúru nɛ pínɛ gàa gè.

Kakpiʔiligele 7:56

A wi 'jo: «Mi 'nyìʔɛnɛ nyaa lè a ni 'múgu fáa, nɛ́ Siɛn Pùɔ nyaa wè yériwe Kulocɛliɛ kàliige mɛ́ gè.»

Wurɔmiyé 1:16

Kataanna Siɛnrɛ ti juʔu ki wè nɛ fìɛrɛ tɔ́ngi mi nɛ̄ʔ, nɛ̀ taʔa gíi nɛ̄, tiī Kulocɛliɛ fànʔa bè siɛn suɔ, siɛn ó siɛn ŋáà wi 'tɛ́ngɛ wi nɛ̄ wè, bè ki séli Zuufulo peli nɛ̄ gbínʔɛnɛ, bé nɛ́ de waa Girɛki wuulo mɛ́ bèle.

Wurɔmiyé 8:34

Ŋáasiɛn wi bága kàyuʔu cáan pe nɛ̄ ? Nɛ́ ki cɛ́n Kirisi wi 'kùu, kiì cɛ́nì yéri kire yákuɔ nɛ̄ʔ, wi ń'nɛ̀ nyɛ́ nɛ̀ yiri kúbilo nī bèle, wiī tɛ́niwɛ Kulocɛliɛ kàliige mɛ́ gè, níɛ Kulocɛliɛ náari wè nɛ wi fiɛn weli kɛnmɛ nɛ̄.

Korɛntiyé 2 4:4

Kire siɛnnɛ bálì bèle, tɛ́ngɛlɛfun siɛnnɛ bèle, Setɛni wè, duniya ŋáà wi kàfɔli wè, wi 'pe sìnjilige fuu gè nɛ̀ tɔ́n pe nī, pe fǎga gbɛ̀ jáa bè Kirisi kpuɔmɔ Kataanna Siɛnrɛ ti kpìɛnmɛ nyaa bèʔ, Kirisi wire ŋáà wī Kulocɛliɛ líɛrɛ dè.

Kolɔsiyé 3:1

Bɛ̀ sí yeli 'pínɛ nɛ̀ nyɛ́ nɛ̀ yiri nɛ́ Kirisi ní wè, yeri naamɛ yɛrɛ tire caa; baa Kirisi wi yē kire tiʔɛ nī tɛ́niwɛ Kulocɛliɛ kàliige mɛ́ gè.

Tiiti 2:14

Wi 'wìi kɛn wire tíimɛ wè weli kɛnmɛ nɛ̄ bè bè weli suɔ kolimɔ pi mìɛni mɛ́, bè weli cìile kire ga buu weli- kò wi tíimɛ siɛnfelige bèri ŋàʔaná de kacɛ̀ngɛlɛ kpínʔini gèle.

Eburulo 1:13

Nɛ́ ki cɛ́n Kulocɛliɛ sì kɛ́nì ki juu nɛ̀ nyaaʔ nyìʔɛnɛ tundunwɔ wáà mɛ́ʔ nɛ́ jo: Tɛ́ni mi kàliige mɛ́ gè, fúɔ bè taa mi ga muɔ leguulo kpíʔile bèle muɔ tɔliyɔ taʔadiʔɛ .

Eburulo 10:12

Nɛ̀ ki yaʔa bɛ̀ Kirisi pɛ́nì wìi kɛn wè, kapiʔile kàsulugo kakuɔrɔ wori nɛ̄ dè, tɔligɔ nigbe péʔ wè, wiī tɛ́niwɛ lɛ̀lɛ ó lɛ̀lɛ nī Kulocɛliɛ kàliige mɛ́ gè.

Eburulo 12:2

We- weli yiʔɛ le gè Zezi nī, ŋàa wi 'tɛ́ngɛlɛ koligo múgu gè níɛ ni forigi lè. Wi nyɛ́nì fɔ̀li ki nɛ̄ nɛ̀ kùu tiiparigɛ nɛ̄ gè; wiì tɔ́ri nɛ́ fìɛrɛ ní dè dàa ti cî ga tɔ́n wi nɛ̄ wèʔ, kùu ŋáà felige nɛ̄ wèʔ. Nɛ́ ki cɛ́n wi cé ki nyaa fundaanra dáà dī wire yiʔɛ mɛ́ gè; píra ŋáà nī wè wiī tɛ́niwɛ Kulocɛliɛ kácunʔɔ kàliige mɛ́ gè.

Eburulo 4:14

Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 7:27

Wi wè bɛ̀ʔ kacuɔnrilɔ kàfɔlisɛnminɛ tíɛlɛ bèleʔ; wi màakuu wè bèri kakuɔrɔ yajuuro kɔ̀ngíʔ cɛngɛ ó cɛngɛʔ, bè séli wi tíimɛ kapiʔile wuʔu nɛ̄ gèʔ, kire kàduʔumɛ gè, nɛ́ siɛnnɛ wuʔulo ní gèleʔ. Wi nyɛ́nì ki kakuɔrɔ kúɔ dè tɔligɔ nigbe nɛ̄, bà wi yé wìi tíimɛ kɛn wè.

Eburulo 8:1

Nyùgbuʔɔ ki n'gɛ gàa weli nɛ caa bè juu gè: Kire kacuɔnrilɔ kàfɔli ŋáà wi felige yē weli mɛ́; wiī tɛ́niwɛ nyìʔɛnɛ nī lè, Kpuɔmɔ Kulocɛliɛ kácunʔɔ kàliige mɛ́ gè.

Eburulo 9:16

Nɛ́ ki cɛ́n a ki 'nyaa siɛnjuuyaʔara yē baa, ki 'yɛli ŋàa wi 'ti juu dè, pe- ki cɛ́n wi nyɛ́nì kùu.

Eburulo 9:26

Kirisi wè, wire kakuɔrɔ dè, nyùgo sì cé puu ki nɛ̄ wi- ti kpíʔile bè taʔalaʔ. Á kire bɛ̀ʔ gè, wi cî de ti kúu de taʔala nɛ̀ ki líɛ duniya wi sélimɛ nɛ̄ bè. Gìi sí gī baa gè, wire nyɛ́nì pɛn píra ŋáà nī wè nɛ̀ pɛ́nì wìi kɛn kakuɔrɔ tɔligɔ nigbe péʔ duniya ŋáà kúɔmɔ lɛ̀lɛ náà nī lè, bè kapiile láʔa lè wi tíimɛ kùu kɛnmɛ nɛ̄ bè.

Piɛri 1 1:21

Kirisi wire wi 'ki yaʔa a yeli 'tɛ́ngɛ Kulocɛliɛ nɛ̄ wè, wire ŋáà wi 'Kirisi nyɛ́ wè nɛ̀ yige kúbilo nī bèle nɛ́ kpuɔmɔ kɛn bè wi mɛ́ wè, kire ga buu yeri yeli tɛ́ngɛlɛ nɛ́ yeli sɔ̀ngirɔ tari dè Kulocɛliɛ nɛ̄ wè.

Piɛri 1 3:22

Zezi Kirisi wire wè, wi 'kɛ́ nyìʔɛnɛ nī, baa wi yē tɛ́niwɛ Kulocɛliɛ kàliige mɛ́ gè. Nyìʔɛnɛ tundunminɔ, nɛ́ kàfɔligɔ feliye, nɛ́ fànʔafɔligɔ feliye ní yè, yire yi mìɛni yē wi fànʔa láara gè.

Piɛri 2 1:16

Bɛ̀ ki yē gè, weli sì télige múʔurudo síciliziɛnrɛ nɛ̄ wīʔ bà weli 'puu nɛ weli Kàfɔli Zezi Kirisi wi fànʔa nɛ́ wi pɛnnɛ wuʔu nyu gèʔ. Kire bɛ̀ʔ; weli tíimɛ yē wi kpuʔɔrɔ ti nyaafɔlilɔ wī.

Piɛri 2 1:17

Cɛngɛ gíì wi 'kpuʔɔrɔ nɛ́ kpuɔmɔ taa bè Tuufɔli Kulocɛliɛ mɛ́ wè, weli tíimɛ 'puu baa nɛ̀ Kpuɔmɔ Kulocɛliɛ wi yékpoli lúʔu lè, nàa ni 'ki juu nɛ́ jo: «Ŋàa wire wī mi Jaa wè, ŋàa wi 'mi dɛ́ni wè; wi woli ni 'tɔ̀ni nɛ̀ kpúʔɔ m'mɛ́.»

Zan 1 1:7

Nɛ̀ sí ki yaʔa, a weli nɛ tári kpìɛnmɛ nī bè, bɛ̀ Kulocɛliɛ wire tíimɛ yē kpìɛnmɛ nɛ̄ bè, pínɛnyɛnigɛ yē weli sunʔɔmɔ nī, á wi Jaa Zezi sìsiɛn kiī nɛ weli cìile weli kapiʔile ke mìɛni nɛ̄ gèle.

Zan 1 3:5

Yeli nyɛ́nì ki cɛ́n, Zezi Kirisi wi 'pɛn bè kapiʔile láʔa gèle; kapiile wè wi nī púloʔ.

Zudi 1:25

Kpuʔɔrɔ ti 'yɛli Kulocɛliɛ nigbe nɛ̄, wire ŋáà wi 'weli suɔ weli Kàfɔli Zezi Kirisi kɛnmɛ nɛ̄ bè. Kpuɔmɔ nɛ́ kpuʔɔrɔ, nɛ́ fànʔa nɛ́ kàfɔligɔ tire yé puu wi mɛ́ náʔanɛ duniya wi- faan wè, nɛ́ lɛ̀lɛ náà nī lè, nɛ́ lɛ̀lɛ ó lɛ̀lɛ nī láʔala fùn. Ki- taa ki puu bɛ̀  !

Tìɛlɛ 3:21

«A ŋìi kɛ́nì jáa nɛ̀ sɛ́nì nɔ̀ ki kúɔmɔ nɛ̄ bè, bɛ̀ m'bága tɛ́nidiʔɛ kɛn wi mɛ́ wi- puu nɛ́ mi ní mi kùlofɔligɔ kácunʔɔ nɛ̄ gè, majo bɛ̀ mi mìɛni wè mi 'fànʔa taa nɛ̀ jáa wè, nɛ́ tɛ́ni nɛ́ mi Tuu ní wè wi kùlofɔligɔ kácunʔɔ nɛ̄ gè.

Tìɛlɛ 4:11

«Weli Kàfɔli Kulocɛliɛ, muɔ 'yɛli weri muɔ gbùʔɔrɔ́, weri kpuʔɔrɔ tari muɔ nɛ̄; muɔ 'yɛli we- fànʔa kɛn gè muɔ mɛ́. Nɛ̀ taʔa gíi nɛ̄, muɔ ma yɛrɛ ti mìɛni faan, nɛ̀ pínɛ muɔ nyɛ́ni kaala lire ni 'ti yige bile, kire ki 'tí a ti 'faan.»