Eburulo 1:2 - Sénoufo Nyarafolo

² Píra ŋáà nī wè, làzɛnnɛ náà nī lè, wi Jaa wire mɛ́ wi 'tóri nɛ́ juu nɛ́ weli ní. Wi 'duniya faan wè wi Jaa fànʔa nɛ̄ gè; wire wi 'kpíʔile yɛrɛ ti mìɛni kɔriliiwe wè.

Eburulo 1:2 Iomraidhean Croise

Sélimɛ 49:1

A Yakuba 'wi jaala yeri bèle nɛ̀ gbuʔulo nɛ́ pe yɛ: «Ye‑ gbuʔulo mi táanni mi‑ sí mbànʔa kele juu gèle bè tìɛ yeli nɛ̄, gàli ke bé ba yeli taa gèle.

Tɔ́rilɔ 24:14

Píra ŋáà nī wè, m'bé koli bè kɛ́ mi siɛnnɛ kúrugu bèle. Muɔ wè, ma sí de báan; m'bé pa juu nɛ́ muɔ ní gàa siɛnnɛ bálì pe bé pa kpíʔile muɔ siɛnnɛ nɛ̄ bèle, cɛnyɛ nyáà yi 'báan yè.»

Matiye 13:39

Leguuwo ŋáà sí wi 'sùɔrigɔ tánʔa gè, gbòdolilo kàfɔli wire wī; yaliire líɛ lɛ̀lɛ lè, duniya kúɔjɛngɛ kire gī; bìli sí pe je ga yaliire líɛ dè, nyìʔɛnɛ tundunminɔ peli bīɛlɛ.

Matiye 17:5

Bà Piɛri wi nyu nɛ tíin wè, a kàsadibagɛ káà 'tìgi nɛ̀ pe tɔ́n, ki 'puu nɛ nyíʔɛnɛ. A pe 'juumɔ páà lúʔu baa kàsadibagɛ laamɛ nī bè, a pi 'jo: «Ŋàa wire wī mi Jaa wè, ŋàa wi 'mi dɛ́ni wè; wi woli ni 'tɔ̀ni nɛ̀ kpúʔɔ m'mɛ́. Yeri lúru wi nɛ̄ !»

Matiye 21:38

«Nɛ̀ sí ki taa bà ɛrɛzɛnfalilɛ bálì pe sɛ́nì jaafɔli nyaa wè, a pe 'ki sɔ̀ngi nɛ̀ jo: ‹Ŋàa wire cɛ wī wi kɔriliiwe wè. Yeri báan we- wi kpúu, wé sí kɔrigɔ líɛ gè !›

Matiye 26:63

A Zezi wi 'pìiri. A kacuɔnrilɔ kàfɔli kpuɔwɔ wi 'wi yɛ: «Kàli Kulocɛliɛ wewiiwe nɛ̄ wè, ma ki juu we mɛ́ a ki yē muɔ wī Kulocɛliɛ Siɛnnyiɛnɛgɔnwɔ wè, Kulocɛliɛ Jaa wè !»

Matiye 28:18

A Zezi wi 'sìʔɛrɛ nɛ̀ kpɔni pe nɛ̄, nɛ̀ ki juu pe mɛ́ nɛ́ pe yɛ: «Fànʔa ki mìɛni yē mi mɛ́ nyìʔɛnɛ nī lè, nɛ́ dàala ní lè.

Matiye 3:17

A pe 'yékpoli láà lúʔu baa nyìʔɛnɛ nī lè a ni 'jo: «Mi Jaa ŋáà wi 'mi dɛ́ni wè, wire wī ŋàa wè. Mi nɛ fundaanra kpínʔini kpuʔɔ wi wori nɛ̄ dè.»

Mariki 1:1

Kulocɛliɛ Jaa wè Zezi Kirisi wè, wi Kataanna Siɛnrɛ ti sélidiʔɛ n'gɛ.

Mariki 12:6

«A ki pɛ́nì kò siʔifɔli wi jaa wire yákuɔ, ŋàa wi cé wi dɛ́ni nɛ̀ tóri wè. A wi ní nɛ̀ wire míɛni tun baa pe mɛ́ siɛn sɛnwɛ wè, níɛ sɔ̀ngí pe báa fìɛrɛ taa wire jaa nɛ̄ wè.

Mariki 12:7

«Kire nɛ́ ki mìɛni ní, a baakuɔlɔ bálì pe sɛ́nì sɔ̀ngirɔ kɛn kɛn pìye mɛ́ nɛ́ jo: ‹Ŋàa wire cɛ wī wi kɔriliiwe. Ye- tí we- wi kpúu, kɔrigɔ ki bé kò weli wuʔu !›

Zezi Kirisi Kataanna Siɛnrɛ dè Zan juumɔ nɛ̄ bè 1:10

Siɛnrɛ ti 'puu bile duniya nī wè; tire fànʔa nɛ̄ duniya wi nyɛ́nì faan, nɛ̀ sí ki taa duniya siɛnnɛ piyè ti cɛ́nʔ.

Zezi Kirisi Kataanna Siɛnrɛ dè Zan juumɔ nɛ̄ bè 1:14

A Siɛnrɛ ti kɛ́nì yiʔɛ nɛ̀ kò siɛn, nɛ̀ pɛ́nì tɛ́ni nɛ́ weli ní. A weli 'wi kpuɔmɔ nyaa bè, kpuɔmɔ báà bī Tuufɔli wi Jaa nigbe kpuɔmɔ bè. Kacɛ̀ngɛ nɛ́ kányiʔɛ 'puu wi mɛ́ kpuʔɔ.

Zezi Kirisi Kataanna Siɛnrɛ dè Zan juumɔ nɛ̄ bè 1:3

Siɛnrɛ tire fànʔa nɛ̄ yɛrɛ ti mìɛni nyɛ́nì yiri. Yakaa fáala sì kpíʔile Siɛnrɛ ti fùnʔ.

Zezi Kirisi Kataanna Siɛnrɛ dè Zan juumɔ nɛ̄ bè 13:3

Zezi wi cé ki cɛ́n Tuufɔli wi 'kele ke mìɛni le wire kiyɛ nī yè, dí wire 'kɔ́n Kulocɛliɛ mɛ́, nɛ́ sí nɛ waa Kulocɛliɛ mɛ́ wè.

Zezi Kirisi Kataanna Siɛnrɛ dè Zan juumɔ nɛ̄ bè 13:32

[A ki sí yē Kulocɛliɛ wi 'kpuʔɔrɔ taa Siɛn Pùɔ nī wè], Kulocɛliɛ míɛni wi bé kpuʔɔrɔ taʔa wi nɛ̄ wire tíimɛ wè; wi bé sí ki kpíʔile píra ŋáà nī wè wī.

Zezi Kirisi Kataanna Siɛnrɛ dè Zan juumɔ nɛ̄ bè 15:15

Mi ní wè nɛ yeli yeri mi sùkuloloʔ, nɛ̀ taʔa gíi nɛ̄, sùkulowo wi nɛ̌ ki cɛ́nʔ gàa wire kàfɔli wiī nɛ kúu gèʔ. Mi sí nɛ yeli yeri mi nàgorilo bɛ̀ ki 'nyaa siɛnrɛ ó siɛnrɛ mi 'lúʔu mi Tuu mɛ́ wè, mi nyɛ́nì tí a yeli 'ki cɛ́n.

Zezi Kirisi Kataanna Siɛnrɛ dè Zan juumɔ nɛ̄ bè 16:15

Yɛrɛ díì mìɛni dī Tuufɔli mɛ́ wè, mi wori dī nɛ̀ pínɛ. Kire nɛ̄ mi 'ki juu nɛ́ jo dí Sáʔafɔli wi bé mi tíimɛ kele líɛ bèri ke nyu de fíligi yeli mɛ́.»

Zezi Kirisi Kataanna Siɛnrɛ dè Zan juumɔ nɛ̄ bè 17:2

Muɔ 'fànʔa kɛn gè wi mɛ́ wi- puu siɛnnɛ pe mìɛni kàfɔli wè, gìi ki bé tí wi- bànguɔ sìi kɛn wè bìli pe mìɛni mɛ́ muɔ 'kɛn wi mɛ́ bèle.

Zezi Kirisi Kataanna Siɛnrɛ dè Zan juumɔ nɛ̄ bè 3:16

«Ki 'nyaa duniya siɛnnɛ pe woli ni 'kpúʔɔ Kulocɛliɛ mɛ́ wè, fúɔ a Kulocɛliɛ wi 'wi Jaa nigbiiwe kɛn wè, gìi ki bé tí a siɛn ó siɛn 'tɛ́ngɛ wi nɛ̄ wè, siɛn wi woli ni fǎga cúʔɔʔ, siɛn wi- bànguɔ sìi taa wè.

Zezi Kirisi Kataanna Siɛnrɛ dè Zan juumɔ nɛ̄ bè 3:25

A siɛnrɛ kɛ́nì yɛ̀ baa Zan pìtɛnmɛnɛ sunʔɔmɔ nī bè, peli nɛ́ Zuufulo pe wuu wáà ní, jígemununɔ kakuɔrɔ wori nɛ̄ dè.

Zezi Kirisi Kataanna Siɛnrɛ dè Zan juumɔ nɛ̄ bè 5:26

Ki 'nyaa bɛ̀ Tuufɔli wiī sìi nɛ̄ wìimɛ wè, a wi 'sìi kɛn wè Jaafɔli mɛ́ wè wi- puu sìi nɛ̄ wìimɛ.

Zezi Kirisi Kataanna Siɛnrɛ dè Zan juumɔ nɛ̄ bè 5:27

Nɛ̀ pínɛ Tuufɔli wi 'fànʔa kɛn gè Jaafɔli mɛ́ wè wi- kàyuʔu juu gè, bɛ̀ ki 'nyaa wire wī Siɛn Pùɔ wè.

Zezi Kirisi Kataanna Siɛnrɛ dè Zan juumɔ nɛ̄ bè 9:29

Weli bèle, weli nyɛ́nì ki cɛ́n dí Kulocɛliɛ wi cé juu nɛ́ Misa ní wè; ŋàa wè, wiyè wi cɛ́n sétiʔɛni wi 'kɔ́nʔ.»

Kakpiʔiligele 10:36

«Kulocɛliɛ wi 'Zezi Kirisi líɛ wè nɛ̀ yanyige Kataanna Siɛnrɛ juu dè nɛ̀ tórigo Isirayɛli pìile mɛ́ bèle; Zezi wire sí wī siɛnnɛ pe mìɛni Kàfɔli wè.

Kakpiʔiligele 2:17

Kulocɛliɛ wi cé jo: Duniya kúɔlɛgɛlɛ nī gèle gàa kire ki béri kpínʔini: Siɛn ó siɛn m'bé mi Pìle tìrige lè wi nɛ̄, bɛ̀ yeli jaala bèle nɛ́ yeli pórilo ní bèle pe bé kò Kulocɛliɛ siɛnjuulo, nɛ̀ pínɛ yeli nàgapunminɔ bèle nɛ́ yeli sinborilo ní bèle, pe béri Kulocɛliɛ kele nyaʔa gèle de ke nyu; yeli liɛlɛ pe béri Kulocɛliɛ kele nyaʔa gèle ŋɔ́nidɔ nɛ̄.

Wurɔmiyé 1:4

Kulocɛliɛ Pìle ni 'ki tìɛ nɛ́ fànʔa ní dí Zezi Kirisi wè, we Kàfɔli wè, dí wiī Kulocɛliɛ Jaa nɛ̀ pínɛ bɛ̀ wi 'nyɛ́ nɛ̀ yiri kúbilo nī bèle.

Wurɔmiyé 8:17

Bɛ̀ sí weli yē Kulocɛliɛ wi pìile bèle, weli bé wi yɛrɛ ti tɔ̀ni taa wè bè pínɛ; weli bága wi yɛrɛ ti tɔ̀ni taa wè bè wúɔ ti nɛ̄ nɛ́ Kirisi ní wè wī. Nɛ̀ taʔa gíi nɛ̄, a weli nɛ pínɛ nɛ wuʔɔ nɛ́ wi ní wè, bà míɛni weli bága sa wúɔ buu kpuɔmɔ nī bè nɛ́ wi ní.

Korɛntiyé 1 2:7

ʔéʔe, ki 'nyaa Kulocɛliɛ sícilimɛ pire ní weli nɛ nyu; piī kafɔnnɔ nɛ́ ní làribɛ. Kulocɛliɛ wi cé tíi nɛ̀ pi wori juu dè nɛ̀ yaʔa duniya sélimɛ nɛ̄ bè, nɛ́ jo wire bé weli nyɔ́gɔ kpuɔmɔ nī bè.

Korɛntiyé 1 8:6

Weli mɛ́ bèle, Kulocɛliɛ wiī nigbe, wire wī Tuufɔli wè. Wire nī yɛrɛ ti mìɛni ti 'kɔ́n, nɛ̀ pínɛ weli yē bile wire kɛnmɛ nɛ̄ wī. Kàfɔli wiī nigbe nɛ̀ pínɛ, wire wī Zezi Kirisi wè. Wire nī yɛrɛ ti mìɛni ti 'yiri, wire fànʔa nɛ̄ weli yē sìi nɛ̄.

Galasiyé 4:4

Bà lɛ̀lɛ ni sí kɛ́nì pɛ́nì nyì nɛ̀ fori lè, a Kulocɛliɛ wi 'wi Jaa tórigo wè a cɛliwɛ pɛ́nì wi sii, wi ní Fànʔa Siɛnrɛ láara dè,

Efɛziyé 1:10

Ki 'nyaa a ki lɛ̀lɛ ni kɛ́nì nɔ̀ lè, wi bé yɛrɛ ti mìɛni pínɛ bè ti le Kirisi kiyɛ nī, dìi dī baa nyìʔɛnɛ nī lè, nɛ́ dàa dī náʔa dàala nɛ̄ lè.

Efɛziyé 3:9

Nɛ̀ pínɛ, mi 'yɛli bè ti juu bè cìile pe mìɛni mɛ́, mɛni Kulocɛliɛ wi sî wi kalarilɛ kakpiʔilile fori lè. Wire ŋáà wi 'yɛrɛ ti mìɛni faan dè, a wi 'ki kaala náà làrigɛ lè fúɔ nɛ̀ pɛ́nì taa a ki 'mɔgɔ,

Fànʔa Kajuʔulo 18:15

«Gìi sí gī baa gè, siɛnjuuwo wáà Yewe muɔ Kulocɛliɛ bága yige bɛ̀ mi tíɛlɛ yeli siɛnnyɛninɛ sunʔɔmɔ nī bè, wire mɛ́ yeli 'yɛli bèri lúru.

Fànʔa Kajuʔulo 31:29

Nɛ́ ki cɛ́n, mi nyɛ́nì ki cɛ́n a mi 'kùu nɛ̀ kúɔ wè, yeli bé yìye cúʔɔ péwu ! Yeli bé láʔa koligo nɛ̄ gè gàa mi 'juu nɛ̀ gbɛ̀ngɛ nɛ̀ jo yeri ki tári gè. Kire kɛnmɛ nɛ̄, cɛnyɛ nyáà yi báan yè, kapiʔi ki bé tuu yeli nɛ̄, bɛ̀ yeli 'kapiʔile kpíʔile gèle Yewe yiʔɛ mɛ́ gè nɛ́ wi fungo yɛ̀gɛ gè, yeli kakpiʔiligele ní gèle.»

Fànʔa Kajuʔulo 4:30

Muɔ funbiɛnrɛ nī dè, a wuʔɔyɔ nyáà yi mìɛni kɛ́nì tuu muɔ nɛ̄ wè, muɔ bé koli bɛn Yewe muɔ Kulocɛliɛ mɛ́ wè bè lúʔu wi mɛ́.

Eburulo 1:5

Nɛ́ ki cɛ́n, Kulocɛliɛ sì ki juu nɛ̀ nyaaʔ nyìʔɛnɛ tundunwɔ wáà mɛ́ʔ nɛ́ jo: Muɔ yē mi jaa; pàngɛ gè mi wī mi nyɛ́nì muɔ sii . Nɛ́ pínɛ, wiì ki juu nɛ̀ nyaaʔ nyìʔɛnɛ tundunwɔ wáà wuʔu nɛ̄ʔ nɛ́ jo: M'bé puu wi tuu; wire bé puu mi jaa .

Eburulo 1:8

Nɛ̀ ki yaʔa a Kulocɛliɛ sí ki juu wi Jaa mɛ́ wè nɛ́ jo: Kulocɛliɛ yo, muɔ kùlofɔligɔ kácunʔɔ kiī baa súuri lɛ̀lɛ ó lɛ̀lɛ nī, muɔ fànʔa kàgbiile náà ni yē muɔ kɔli nī gè, niī nɛ muɔ kùlofɔligɔ kàrigí gè nɛ́ sínmɛ ní.

Eburulo 11:3

Tɛ́ngɛlɛ kɛnmɛ nɛ̄ bè, weli 'ki cɛ́n duniya wi mìɛni nyɛ́nì faan Kulocɛliɛ siɛnrɛ ti fànʔa nɛ̄ gè. Dàa weli nɛ nyaʔa dè, tire sì kɔ́n nyapile yanyaʔa mɛ́ʔ.

Eburulo 2:3

mɛni sí weli bága suɔ bè síɛ ki kapiile tɔ̀ni ŋáà mɛ́ wè, a weli nɛ sàliyɛ nyɔ́gi suɔgbuɔlɔ siɛnrɛ dáà nī dè ? Kàfɔli wire wi cé kíni nɛ̀ ki siɛnrɛ dáà juu dè; bàli pe 'ti lúʔu dè, a pe 'tire ti mìɛni 'juu nɛ̀ láʔa weli mɛ́ kányiʔɛ nɛ̄.

Eburulo 3:6

Nɛ̀ sí ki yaʔa Kirisi wè, Kulocɛliɛ Siɛnnyiɛnɛgɔnwɔ wè, wi 'puu Jaafɔli, nɛ́ ní tɛ́ngɛmɛ siɛn, ŋàa wī tɛ́niwɛ Kulocɛliɛ saʔa nyùgo nɛ̄ gè. Weli yē wi saʔa wuulo, a weli 'weli tɛ́ngɛlɛ sɔ́migɔ lè nɛ̀ cò kpuʔɔ lè, níɛ wìye nyíɛnɛ nɛ́ weli sɔ̀ngirɔ taʔadiʔɛ wuʔu ní gè.

Eburulo 4:14

Kire nɛ̄, bɛ̀ kacuɔnrilɔ kàfɔli yē weli mɛ́ ŋàa wi 'kpúʔɔ wè nɛ́ sùuri nyìʔɛnɛ nī lè, Zezi wè, Kulocɛliɛ Jaa wè, we- weli tɛ́ngɛlɛ sɔ́migɔ lè we cò kpuʔɔ.

Eburulo 5:8

Nɛ̀ cɛ́nì ki yaʔa wi 'puu Kulocɛliɛ Jaa wè, a wi 'ki tɛnmɛ kɛnmɛ bíì nɛ̄ wire béri lúru Kulocɛliɛ mɛ́ wè, wire wuʔɔyɔ nī yè.

Eburulo 7:28

Siɛnnɛ bálì Misa Fànʔa Siɛnrɛ ti 'tɛ́ngɛ kacuɔnrilɔ kàfɔlilɔ bèle, piyè nyuɔ nɛ̀ foriʔ. Nɛ̀ ki yaʔa Kulocɛliɛ kàlilɛ siɛnrɛ, dàa wi 'juu Fànʔa Siɛnrɛ ti kàduʔumɛ gè, tire 'wi Jaa tɛ́ngɛ wè kacuɔnrilɔ kàfɔli ŋáà wi 'nyuɔ nɛ̀ fori lɛ̀lɛ ó lɛ̀lɛ nī lè.

Eburulo 7:3

Kulocɛliɛ siɛnsɛbɛrɛ ti wè nɛ nyu wi tuu wuʔu nɛ̄ʔ, nɛ́ wi yàa wuʔu nɛ̄, nɛ́ míɛni wi tuuliɛyɛ wuʔu nɛ̄ʔ. Ti wè nɛ nyu míɛni lɛ̀lɛ líì nī pe 'wi sii wèʔ, nɛ́ wi kùu lɛ̀lɛ wuʔu nɛ̄ gèʔ. Gìi sí gī baa gè, wi 'kò kacuɔnriwɔ lɛ̀lɛ ó lɛ̀lɛ nī bɛ̀ Kulocɛliɛ Jaa tíɛlɛ wè.

Eburulo 9:26

Kirisi wè, wire kakuɔrɔ dè, nyùgo sì cé puu ki nɛ̄ wi- ti kpíʔile bè taʔalaʔ. Á kire bɛ̀ʔ gè, wi cî de ti kúu de taʔala nɛ̀ ki líɛ duniya wi sélimɛ nɛ̄ bè. Gìi sí gī baa gè, wire nyɛ́nì pɛn píra ŋáà nī wè nɛ̀ pɛ́nì wìi kɛn kakuɔrɔ tɔligɔ nigbe péʔ duniya ŋáà kúɔmɔ lɛ̀lɛ náà nī lè, bè kapiile láʔa lè wi tíimɛ kùu kɛnmɛ nɛ̄ bè.

Piɛri 1 1:20

Bè ki yaʔa duniya wiì cé fìɛ faan wèʔ, Kulocɛliɛ cé wi nyíɛnɛ nɛ̀ kɔ̀n kire baara nɛ̄ dè. Làzɛnnɛ náà nī lè, a wi 'ki yaʔa yeli 'wi cɛ́n yeli nyuɔmɔ wuʔu nɛ̄ gè.

Piɛri 2 3:3

Gàa sí ki 'kpúʔɔ gè, ye- ki cɛ́n, cɛnzɛnyɛ nī yè, pàli bága pɛn bèri pìye nyíɛnɛ siɛnnɛ nɛ̄ bèle; pe bé taʔa pe kanɛdanʔana nɛ̄ gèle bé sí de yeli tíʔɛ.

Zudi 1:18

Pe 'ti juu yeli mɛ́ nɛ́ jo: «Cɛnzɛnyɛ nī yè, siɛncuʔɔrɔjuufɔlilɔ bé puu baa bàli pe bé ba taʔa pe tíimɛ kanɛdanʔana nɛ̄ gèle, gàli kiyè yɛli nɛ́ Kulocɛliɛ fíɛrɛ ní dèʔ.»