Eburulo 1:14 - Sénoufo Nyarafolo

¹⁴ Báli bīɛlɛ nyìʔɛnɛ tundunminɔ bèle ? Nyìʔɛnɛ tundunminɔ piyē pígele, Kulocɛliɛ baakuɔlɔ bīɛlɛ. Kulocɛliɛ 'pe tun pe- siɛnnɛ sáʔa bèle bàli pe bé suɔlɔ taa lè kɔrigɔ gè.

Eburulo 1:14 Iomraidhean Croise

Sélimɛ 32:24

A wi 'pe líɛ nɛ̀ lakolibile jeli lè, nɛ̀ wi yɛrɛ ti mìɛni pínɛ nɛ̀ jeli nɛ́ pe ní.

Ŋúnuyɔ 104:4

Muɔ nɛ káfaliyɛ kpínʔini yè muɔ tundunminɔ, nɛ́ kàsunnyiyɛ kpínʔini yè muɔ baakuɔlɔ.

Ŋúnuyɔ 34:7

Fuunmɔfɔli wáà yé Yewe yeri wè, a wi 'lúʔu wi mɛ́ nɛ̀ wi suɔ wi fùrɔgɔ ki mìɛni mɛ́.

Matiye 1:20

Bà kire sɔ̀ngirɔ dáà tiī wi nī mmɛ gè, a Kàfɔli wi nyìʔɛnɛ tundunwɔ wáà pɛ́nì yiri wi nɛ̄ ŋɔ́nigɔ nɛ̄ nɛ̀ wi yɛ: «Yusufu ŋɛ, Dawuda Jaa, fǎri fìʔɛ́ bè Maari líɛ wè wi- puu muɔ cuɔ wèʔ, nɛ̀ taʔa gíi nɛ̄, pùɔ ŋáà wī baa wi liyɛ nī yè, Kulocɛliɛ Pìle baara dī.

Matiye 13:41

Siɛn Pùɔ wi bága wi nyìʔɛnɛ tundunminɔ tórigo bèle, pe- pa kúrugodiʔɛlɛ ke mìɛni koli bè yige wi Kùlofɔligɔ nī gè, nɛ́ bìli mìɛni pe nyɛ́ni kakolido kpínʔini dè,

Matiye 18:10

«Yeri ciʔige díɛ ! Wàa fǎa ga bàli pe wàa cíɛwɛ nigbe cúɔnnɔʔ, bàli ní pe wè tɔ́ri bèleʔ. M'bé ki juu yeli mɛ́, nyìʔɛnɛ tundunminɔ bálì bīɛlɛ baa nyìʔɛnɛ nī lè pe wuulo bèle, piyē yérile súuri mi Tuu wi yiʔɛ mɛ́ gè, mi Tuu ŋáà wī baa nyìʔɛnɛ nī lè.

Matiye 2:13

Bà pe 'kɛ́ bèle, a Kàfɔli wi nyìʔɛnɛ tundunwɔ wáà pɛ́nì wìi tìɛ Yusufu nɛ̄ wè nɛ́ wi yɛ̀: «Yɛ̀ ma pùɔ líɛ wè nɛ́ wi yàa ní wè, mari fé mari waa Ezipiti kùlo mɛ́, ye sa kò baa kire tiʔɛ nī gè, fúɔ bè taa mi ga juu nɛ́ muɔ ní. Ki 'nyaa Erodi wiī nɛ ki caa bè pùɔ kpúu wè.»

Matiye 24:31

«Dí wi sí wi nyìʔɛnɛ tundunminɔ tórigo bèle nɛ́ kàkpanʔa wíimɛ ní kpuʔɔ; pe pa wi wuulo kɔ́ri bèle bìli wi 'nyíɛnɛ nɛ̀ kɔ̀n bèle, duniya labinʔɛnɛ sicɛri nī gèle, bè pe pínɛ, bè ki líɛ duniya láʔala láà mɛ́ bèri waa nìi mɛ́ lè.»

Matiye 25:34

«Píra ŋáà nī wè bìli bīɛlɛ kàliige mɛ́ gè, dí Kùlofɔli wi sí peli yɛ: ‹Yeri báan, yeli bálì ye 'diba taa mi Tuu mɛ́ wè, ye pa Kùlofɔligɔ ki kɔrigɔ líɛ gè, gàa ki cé tíi nɛ̀ gbòbori nɛ̀ yaʔa yeli mɛ́ bèle duniya sélimɛ lɛ̀lɛ nī lè.

Matiye 4:11

Kire lɛ̀lɛ nī lè a gbòdolilo kàfɔli wi 'wi yaʔa yanyige nɛ̄, a nyìʔɛnɛ tundunminɔ 'fali nɛ̀ pɛn wi kúrugu nɛ̀ pɛ́ni kele kúu wi mɛ́.

Mariki 10:17

Bà Zezi kɛ́nì láʔa nɛ waa wè, a nàguɔ wáà 'fɛ̀ nɛ̀ sɛ́nì káguro cáan wi táanni, nɛ́ wi yúgo nɛ́ jo: «Tɛnmɛfɔli cɛ̀nwɛ, gáa mi 'yɛli bè kpíʔile bé bànguɔ sìi taa wè ?»

Luku 1:19

A tundunwɔ wi 'wi yɛ: «Mi wī Gabiriyɛli wè, mi 'mi yéri Kulocɛliɛ yiʔɛ mɛ́ gè á wi 'mi tun mi- pa kataanna tunduro dáà juu dè muɔ mɛ́.

Luku 1:23

Bà wi baara cɛnyɛ yi pɛ́nì nyì yè, a wi 'koli nɛ̀ kɛ́ wi tiʔɛ nī gè.

Luku 16:22

«A fuunmɔfɔli wi kɛ́nì kùu, a nyìʔɛnɛ tundunminɔ pe 'wi líɛ nɛ̀ kɛ́ Birayima kúrugu wè nyìʔɛnɛkaʔa nī gè. A lɔrifɔli míɛni wi kɛ́nì pɛ́nì kùu, a pe sɛ́nì wi tɔ́n.

Luku 2:13

Cɛ̀ri 'sìʔɛrɛ a nyìʔɛnɛ tundunminɔ pálì 'tìgi nìʔɛbɛlɛ nyìʔɛnɛ nī lè, nɛ̀ pɛ́nì fàri nyìʔɛnɛ tundunwɔ ŋíì nɛ̄ wè. A pe 'tuu nɛ ŋú nɛ Kulocɛliɛ tòbiló wè nɛ́ jo:

Luku 2:9

A Kàfɔli wi nyìʔɛnɛ tundunwɔ wáà sɛ́nì yiri pe nɛ̄, a Kàfɔli wi kpuɔmɔ nɛ́ wi cɛ̀nmɛ pi 'càanna nɛ̀ jíin pe nī, nɛ̀ pe màʔa nɛ̀ suʔu. A fíɛrɛ 'pe cò kpuʔɔ.

Kakpiʔiligele 11:22

A Zerizalɛmi tɛ́ngɛfɔlilɔ pe 'ki wori lúʔu dè, a pe sí Barinabasi tórigo baa Antiyɔsi kàʔa mɛ́ gè.

Kakpiʔiligele 12:23

Tiɛnugo nī gè, a Kàfɔli wi nyìʔɛnɛ tundunwɔ wáà 'fali nɛ̀ wi kpúɔn nɛ̀ cáan sɛni, bɛ̀ ki 'nyaa wiì kpuʔɔrɔ taʔa Kulocɛliɛ nɛ̄ wèʔ. A fiɛnrɛ 'jíin wi nī nɛ̀ wi káa nɛ̀ kpúu.

Kakpiʔiligele 12:7

Cɛ̀ri sìʔɛrɛ a Kàfɔli wi nyìʔɛnɛ tundunwɔ wáà 'yiri, a kpìɛnmɛ páà 'càanna baa kasuusaʔa nī gè. A wi 'Piɛri kpúɔn wè tɛ́bitɛbi lìʔɛlɛ nī lè a wi 'yɛ̀, a wi 'wi yɛ: «Yɛ̀ fáari!» A nɛ̀gɛjɔliyɔ yi 'fali nɛ̀ yiri wi kiyɛ nɛ̄ yè nɛ̀ tuu.

Kakpiʔiligele 13:2

Cɛngɛ káà, pe ní baa nɛ Kàfɔli gbùʔɔrɔ́ wè nɛ́ ní sún nɛ̄ wè, a Kulocɛliɛ Pìle ni kɛ́nì jo: «Ye- Barinabasi nɛ́ Sɔli wàli ye tɛ́ngɛ m'mɛ́ baara díì nɛ̄ mi 'pe yeri bèle.»

Kakpiʔiligele 16:26

A dàala ni kɛ́nì fuu nɛ cúngo kpuʔɔ, a kasuusaʔa kàkpuɔnnɔ pe 'yúgɔ. A kɔ̀riyɔ yi mìɛni 'fali nɛ̀ múgolo sɛni, a kasuulebele pe mìɛni nɛ̀gɛjɔliyɔ yi 'sáʔala pe tɔliyɔ nɛ̄ yè.

Kakpiʔiligele 27:23

Ki 'nyaa pìlige gáà ki 'kúɔ gè, Kulocɛliɛ ŋáà mɛ́ mi yē nɛ́ ní wi wuu wè, níɛ baara wi mɛ́ wè, a wi nyìʔɛnɛ tundunwɔ wáà pɛ́nì yiri mi kúrugu,

Kakpiʔiligele 5:19

A Kàfɔli wi nyìʔɛnɛ tundunwɔ wáà sɛ́nì kasuu kɔ̀ri múgu gè pìlige nī, nɛ́ tundunminɔ kɔ́ri bèle nɛ̀ yiri nɛ́ pe yɛ:

Wurɔmiyé 11:14

gìi ki bé tí ki- yejaʔa yɛ̀gɛ mi kùlo wuulo mɛ́ bèle, dí mi sí pàli taa bè suɔ pe nī.

Wurɔmiyé 13:6

Kire kɛnmɛ nɛ̄ yeli nɛ lanbo sàrí wè nɛ láʔala nɛ pínɛ. Ki 'nyaa fànʔafɔlilɔ piyē Kulocɛliɛ baakuɔlɔ wī; Kulocɛliɛ wire wi 'pe tɛ́ngɛ peri wire baara sɔ́migi dè de kúu.

Wurɔmiyé 15:16

bà wi 'mi kpíʔile Zezi Kirisi wi baakuɔwɔ wè kùlogolo kálì wuulo sunʔɔmɔ nī bè wè. Mi yē Kataanna Siɛnrɛ ti baakuɔwɔ nɛ̀ kò majo mi yē nɛ kakuɔrɔ kúu kùlogolo kálì siɛnnɛ kɛnmɛ nɛ̄ bè, bè pe wàli bè tɛ́ngɛ Kulocɛliɛ mɛ́ wè Kulocɛliɛ Pìle lire fànʔa nɛ̄ gè.

Wurɔmiyé 15:27

Peli tíimɛ pe 'ki yɛ̀gɛ pe funyɔ nī yè. Pe wokuɔrɔ ti 'tɔ̀ni nɛ̀ puu; ki 'nyaa gìi Zuufulo tɛ́ngɛfɔlilɔ pe cé taa Kulocɛliɛ mɛ́ wè Pìle kɔli mɛ́ gè, pe cé ti liɛlɛ nɛ́ kùlogolo kálì wuulo tɛ́ngɛfɔlilɔ ní bèle. Kire nɛ̄ ki 'yɛli kùlogolo kálì wuulo pe- pe sáʔa nɛ́ pe kɔliyɛrɛ ní dè bè pínɛ.

Wurɔmiyé 8:17

Bɛ̀ sí weli yē Kulocɛliɛ wi pìile bèle, weli bé wi yɛrɛ ti tɔ̀ni taa wè bè pínɛ; weli bága wi yɛrɛ ti tɔ̀ni taa wè bè wúɔ ti nɛ̄ nɛ́ Kirisi ní wè wī. Nɛ̀ taʔa gíi nɛ̄, a weli nɛ pínɛ nɛ wuʔɔ nɛ́ wi ní wè, bà míɛni weli bága sa wúɔ buu kpuɔmɔ nī bè nɛ́ wi ní.

Korɛntiyé 1 1:21

Bɛ̀ sí ki 'nyaa duniya wuulo bèle nɛ́ pe sìnjilige ki mìɛni ní gè, piyè Kulocɛliɛ cɛ́n wèʔ wi sìnjilige kakpiʔiligele nī gèle wè, a ki sí Kulocɛliɛ dɛ́ni wè wi- tɛ́ngɛfɔlilɔ suɔ bèle wi siɛnrɛ tire kɛnmɛ nɛ̄ bè, dàa pe 'jo tiī kàalafɔlilɔ siɛnrɛ dè.

Korɛntiyé 2 9:12

Nɛ̀ taʔa gíi nɛ̄, yeli kpuʔɔrɔ dáà ti kɛnnɛ ni wè nyuʔɔ Kulocɛliɛ wuulo peli yákuɔ nɛ̄ wīʔ, ki 'nyaa tiī nɛ ki kpínʔini nɛ pínɛ siɛnnɛ pe síɛrigɛ kanʔa kpuʔɔ Kulocɛliɛ mɛ́ wè wī.

Galasiyé 3:29

A ki sí yē yeli yē Kirisi wuulo bèle, yeli yē Birayima cesiʔi tùlugo wuulo nɛ̀ pínɛ, nɛ ní kɔrigɔ ki líifɔlilɔ nɛ̀ yɛli nɛ́ Kulocɛliɛ nyakungɛngɛ siɛnrɛ ní dè.

Galasiyé 3:7

Kire kɛnmɛ nɛ̄ ye sí ki cɛ́n, siɛnnɛ bílì bīɛlɛ nɛ́ tɛ́ngɛlɛ ní lè, peli bīɛlɛ Birayima pìile bèle.

Galasiyé 3:9

Bɛ̀ sí ki yē, siɛnnɛ bílì pe 'tɛ́ngɛ bèle, pe bága diba taa bɛ̀ tɛ́ngɛlɛfɔli Birayima tíɛlɛ wè.

Efɛziyé 3:6

Ki kalarilɛ n'nɛ: Kataanna Siɛnrɛ tire fànʔa nɛ̄ gè, kùlogolo kálì siɛnnɛ piyē nɛ tɔ́ri nɛ nii baa nɛ́ Zuufulo ní bèle yacɛ̀nrɛ dáà Kulocɛliɛ wiī nɛ gbòborí nɛ yɛri wi wuulo mɛ́ bèle. Peli bálì bèle cetinnɛ nunɔ wuulo bīɛlɛ; Kataanna Siɛnrɛ ti fànʔa nɛ̄ gè peli liɛlɛ yē baa nɛ̀ pínɛ nyafɛnigɛ gáà Kulocɛliɛ wi 'kpíʔile bɛ̀ wiyē pínɛnɛ nɛ́ Zezi Kirisi ní wè.

Filipiyé 2:17

Nɛ̀ sí ki taa, a ki nɛ́ cɛ́nì nyaa pe bé mi kpúu, mi sìsiɛn ki- wo bè fàri kakuɔrɔ dáà yeli tɛ́ngɛlɛ niī nɛ kúu Kulocɛliɛ mɛ́ wè nɛ́ ki baara ní dè, kire 'mi dɛ́ni a mi nɛ ki fundaanra kpínʔini dè nɛ́ yeli ye mìɛni ní bèle.

Filipiyé 2:25

Nɛ̀ sí ki taa, ki 'kàri fànʔa mi- we siinyɛni Epafurodiiti tórigo wè baa yeli mɛ́, wire ŋáà wī mi baakuɔnyɛni wè, á we 'pínɛ nɛ̀ wuʔɔ Kataanna Siɛnrɛ ti jáarigɛ nɛ̄ gè. Yeli cé wi tórigo náʔa mi mɛ́ a wi pɛ́ni kele kúu mi mɛ́ nɛ mi màakuu nyuʔɔ wè.

Tesalonikiyé 2 1:7

Nɛ̀ pínɛ yeli bálì ye nyɛ́ni wuʔɔ bèle, Kulocɛliɛ wi bé ŋɔ́daala kɛn yeli mɛ́ bè fàri weli nɛ̄. Ki bága kpíʔile lɛ̀lɛ níì nī Kàfɔli Zezi wi bága wìi tìɛ, bé kɔ́n baa nyìʔɛnɛ nī lè nɛ́ nyìʔɛnɛ tundunminɔ ní bèle wi wuulo bèle; piyē nɛ́ fànʔa ní.

Tiiti 3:7

kire ga buu, bɛ̀ Kulocɛliɛ wi 'weli tɔ́ri sínminɛ wi yiʔɛ mɛ́ gè wi kpuʔɔrɔ kɛnmɛ nɛ̄ bè, weli bé gbɛ̀ kò bànguɔ sìi kɔriliile, kire gáà ki yē weli kányiʔɛ sɔ̀ngirɔ taʔadiʔɛ gè.

Eburulo 10:11

Cɛngɛ ó cɛngɛ, kacuɔnriwɔ ó kacuɔnriwɔ wi nɛ̂ yéri nɛ̀ wi baara kúɔ dè, nyakungɛngɛ liʔɛ wori dè. Wi nìɛ kakuɔrɔ wenuro kúu dè nɛ taʔala, tire dáà tiǐ cî gbɛ̀ jáa bè kapiʔile láʔa gèle púloʔ.

Eburulo 2:3

mɛni sí weli bága suɔ bè síɛ ki kapiile tɔ̀ni ŋáà mɛ́ wè, a weli nɛ sàliyɛ nyɔ́gi suɔgbuɔlɔ siɛnrɛ dáà nī dè ? Kàfɔli wire wi cé kíni nɛ̀ ki siɛnrɛ dáà juu dè; bàli pe 'ti lúʔu dè, a pe 'tire ti mìɛni 'juu nɛ̀ láʔa weli mɛ́ kányiʔɛ nɛ̄.

Eburulo 5:9

Bɛ̀ sí wi yé sɔ́migɔ nɛ̀ gbòbori nɛ̀ tɛ́ngɛ wi baara nɛ̄ dè, a wi 'kò wire ŋáà wi bànguɔ suɔlɔ kanʔa lè bàli pe mìɛni mɛ́ pe lúru wi mɛ́ wè.

Eburulo 6:12

Kire nɛ̄ ye fǎga puu sàliyɛfɔlilɔʔ. Ye- puu bɛ̀ bàli tíɛlɛ pe 'Kulocɛliɛ nyafɛniyɛ taa yè, pe tɛ́ngɛlɛ nɛ́ pe lèbaanna kɛnmɛ nɛ̄ bè.

Eburulo 6:17

Bɛ̀ míɛni ki yē Kulocɛliɛ 'puu nɛ caa bè ki fílige tìɛ wi nyafɛnigɛ ki kɔriliile nɛ̄ bèle, gàa wire 'juu gè kiǐ gbɛ̀ yiʔɛ púloʔ. Kire nɛ̄ a wi 'kàlilɛ fàri lè wi nyafɛnigɛ nɛ̄ gè.

Eburulo 8:6

Ki n'gɛ, píra ŋáà nī wè, Zezi wi baara ti 'kpúʔɔ nɛ̀ tóri faʔa kacuɔnrilɔ wori nɛ̄ dè, bɛ̀ wi yē kàsuluwo wè bè nyakungɛngɛ fɔngɔ fori gè, nyakungɛngɛ gáà ki 'kpúʔɔ nɛ̀ tóri nyakungɛngɛ liʔɛ nɛ̄ gè, nɛ́ míɛni ki nyɛ́nì kpíʔile nɛ́ nyafɛniyɛ ní nyáà yi 'nyuɔ nɛ̀ tóri faʔa woyo nɛ̄ yè.

Eburulo 9:28

bɛ̀ míɛni Kirisi wi 'wìi kɛn kakuɔrɔ tɔligɔ nigbe péʔ bè siɛnniʔɛmɛ kapiʔile láʔala gèle. Wi bé ní ga koli bɛn cígini taziinwuʔu nɛ̄ gè; kire sí wè bè kapiʔile láʔala gèle wī díɛʔ ! Kire bé puu bè suɔlɔ kɛn lè bàli mɛ́ piyē nɛ wi siri wè.

Zaki 2:5

Mi siinyɛninɛ yeli bálì ye 'mi dɛ́ni bèle, ye- lúʔu m'mɛ́: bàli bīɛlɛ fɔ̀ngɔfɔlilɔ bèle duniya nyaamɛ nɛ̄ bè, je Kulocɛliɛ wire wi 'pe nyíɛnɛ nɛ̀ kɔ̀n pe- puu lɔrifɔlilɔ tɛ́ngɛlɛ nī lè; pe bága Kulocɛliɛ Kùlofɔligɔ kɔrigɔ lìi gè, Kulocɛliɛ wi cé nyuɔ fɛ̀ni ki wori nɛ̄ dè bìli mɛ́ wire 'pe dɛ́ni bèle.

Piɛri 1 1:12

Kulocɛliɛ 'puu nɛ ki tìí pe nɛ̄ nɛ́ jo kire siɛnrɛ dáà dè tiì puu peli woriʔ, fúɔ yeli wori. Píra ŋáà nī wè, bàli pe Kataanna Siɛnrɛ nyu dè yeli mɛ́ wè, pe 'ki kele gálì juu gèle nɛ̀ kúɔ yeli mɛ́ Kulocɛliɛ Pìle ni fànʔa nɛ̄ gè, nàa Kulocɛliɛ 'tìrige a ni 'kɔ́n nyìʔɛnɛ nī lè. Kele kálì gīɛlɛ nyìʔɛnɛ tundunminɔ tíimɛ pe caa bè ke cɛ́n.

Piɛri 1 1:4

gáà ki yē kɔrigɔ gáà wi nyɛ́nì gbòbori nɛ̀ yaʔa weli mɛ́ gè. Kire kɔrigɔ kiǐ gbɛ̀ cúʔɔ bè nyaaʔ, nɛ́ míɛni kiǐ gbɛ̀ núʔɔ gèʔ; ki cɛ̀nmɛ piǐ gbɛ̀ kúɔ bè nyaaʔ. Kire kɔrigɔ kiī baa tɛ́ngɛgɛ yeli mɛ́ nyìʔɛnɛ nī lè.

Piɛri 1 3:7

Yeli labɔlilɔ bèle, kire kanumɔ nɛ̄ yeri pínɛ de tári nɛ́ yeli cɛlilɛ ní bèle nɛ́ funduuyo ní; yeli 'ki cɛ́n cɛliwɛ fànʔa ki 'cɛ́ri nàguɔ wuʔu nɛ̄ gè. Yeri yeli cɛlilɛ kpóri bèle, nɛ́ ki cɛ́n pe bága wúɔ bè bànguɔ sìi taa wè kɔrigɔ nɛ́ yeli ní, Kulocɛliɛ kpuʔɔrɔ kɛnmɛ nɛ̄ bè. Yeri ki kpínʔini bɛ̀, kire ga buu yakaa fǎga yeli náariyɛ yérige yèʔ.

Zudi 1:14

Enɔki wè, wire ŋáà wi 'puu Adama saʔa tùlugo nī gè siɛnnɛ kɔlisiinwuu wè, a wi 'Kulocɛliɛ siɛnrɛ juu dè peli wuʔu nɛ̄ gè nɛ́ jo: «Ki n'gɛ, Kàfɔli wi bé pɛn nɛ́ wi nyìʔɛnɛ tundunminɔ wàlidɛngɛlɛ siramuʔɔyɔ siramuʔɔyɔ ní yè,

Tìɛlɛ 5:6

A mi 'Sìnbapile láà nyaa yérile kùlofɔlilɔ kácunʔɔ ki sunʔɔmɔ nī bè, yawiiye sicɛri sunʔɔmɔ nɛ́ liɛlɛ pe sunʔɔmɔ nī bè, ni 'puu majo pe cé kíni nɛ̀ ni kpúu wī. Nyɛgɛlɛ kɔlisiin 'puu ni nɛ̄, nɛ́ nyapigele kɔlisiin ní; nyapigele kɔlisiin keli gīɛlɛ Kulocɛliɛ pígele gàli wi 'tórigo duniya wi mìɛni nī wè.