Eburulo 1:1 - Sénoufo Nyarafolo

¹ Faʔa faʔa gè, lɛ̀gɛlɛ sáa nī Kulocɛliɛ wi 'puu nɛ tòrí wi siɛnjuuliɛlɛ mɛ́ bèle nɛ nyu nɛ taʔala kɛnmɛ sáamɛ nɛ̄ weli tobilo mɛ́ bèle.

Eburulo 1:1 Iomraidhean Croise

Sélimɛ 3:15

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

Sélimɛ 6:3

A Yewe 'jo: «Mi Pìle niǐ ga tíi kò siɛn nī lɛ̀lɛ ó lɛ̀lɛ nīʔ; nɛ́ ki cɛ́n, siɛn muɔ nɛ nyaʔa wè, wi bé ba kùu wī. Siɛn wi sìi yiʔɛlɛ kiyě tóri yiʔɛlɛ tekɔlini (120) nɛ̄ʔ.»

Luku 1:55

majo bɛ̀ wi cé ki juu weli tuuliɛyɛ mɛ́ yè, Birayima wè nɛ́ wi siimɛ tùlugo wuulo ní bèle, nɛ́ jo ki béri kpínʔini lɛ̀lɛ ó lɛ̀lɛ wè.»

Luku 1:72

Wi 'wi nyinimɛ tìɛ bè weli tuuliɛyɛ nɛ̄ yè, nɛ̀ ń'nɛ̀ sɔ̀ngi nɛ̀ taa nɛ́ wi nyakungɛngɛ ní gè, kiī tiɛlɛ fùn wè,

Luku 24:27

Nɛ́ fali nɛ̀ ki séli Misa nɛ̄ wè, nɛ̀ sɛ́nì tóri Kulocɛliɛ siɛnjuuliɛlɛ pe mìɛni nɛ̄ bèle, nɛ̀ Kulocɛliɛ siɛnsɛbɛrɛ ti mìɛni kɔri juu wè nɛ̀ tìɛ pe nɛ̄, gàa ki 'juu baa wire wori nɛ̄ dè.

Luku 24:44

A wi 'fali nɛ̀ pe yɛ: «Siɛnrɛ dáà tire mi 'puu nɛ nyu yeli mɛ́ dè, bà mi 'puu nɛ tíin bile nɛ́ yeli ní bèle. Mi cé yeli yɛ dí kele gílì mìɛni Misa Fànʔa Siɛnrɛ ti 'juu dè, nɛ́ gìi Kulocɛliɛ siɛnjuuliɛlɛ nɛ́ Ŋúnuyɔ Sɛbɛ wi 'juu mi koligo nī gè, dí ki 'kàri fànʔa ti mìɛni bé fori ti nyɔgɔlɔ nī gèle.»

Zezi Kirisi Kataanna Siɛnrɛ dè Zan juumɔ nɛ̄ bè 16:13

A Sáʔafɔli wi kɛ́nì pɛn wè, wire ŋáà wi tári kányiʔɛ nɛ̄ gè, wi bé pari yeli tìí kányiʔɛ ki mìɛni nɛ̄ gè. Wiì je pari wìi tíimɛ wori kɔ̀ngí de nyu wīʔ. Dàa wi je ga lúʔu dè, tire wi béri nyu, nɛ́ kele gílì ke báan gèle, wi bé pari ke nyu yeli mɛ́.

Zezi Kirisi Kataanna Siɛnrɛ dè Zan juumɔ nɛ̄ bè 7:22

Kire ki 'taa Misa wi 'kɛnɛkɛnɛ tìɛ wè yeli nɛ̄. Kiì sí kò majo Misa wire wi 'kɛnɛkɛnɛ nyɔ́gɔ wè díɛʔ; yeli tuuliɛyɛ mɛ́ kɛnɛkɛnɛ wi 'kɔ́n. Yeli sí yē nɛ nàguɔlɔ kɛnɛkɛnɛ bèle cɛndɛnigɛ cɛngɛ nī gè.

Zezi Kirisi Kataanna Siɛnrɛ dè Zan juumɔ nɛ̄ bè 9:29

Weli bèle, weli nyɛ́nì ki cɛ́n dí Kulocɛliɛ wi cé juu nɛ́ Misa ní wè; ŋàa wè, wiyè wi cɛ́n sétiʔɛni wi 'kɔ́nʔ.»

Kakpiʔiligele 13:32

«Kire Kataanna Siɛnrɛ tire weli nɛ nyu yeli mɛ́, kaala níì nɛ̄ Kulocɛliɛ wi cé nyuɔ fɛ̀ni weli tuuliɛyɛ mɛ́ yè.

Kakpiʔiligele 2:30

Bɛ̀ sí wi 'puu Kulocɛliɛ siɛnjuuwo wè, nɛ́ ki cɛ́n dí Kulocɛliɛ wi cé nyuɔ kún nɛ̀ kɛn wi mɛ́, nɛ́ wi yɛ dí wire bága wi siimɛ tùlugo wuu wáà tɛ́ngɛ wi fànʔa nɛ̄ gè,

Kakpiʔiligele 28:23

A pe 'cɛngɛ káà tɛ́ngɛ bàga pìye nyaa. Bà ki cɛngɛ ki kɛ́nì nɔ̀ gè, a pe 'kɛ́ nìʔɛnɛ baa Pɔli wi kòridiʔɛ mɛ́ gè. A wi 'siɛnrɛ líɛ dè nɛ Kulocɛliɛ Kùlofɔligɔ ki wori nyu dè nɛ tìí pe nɛ̄. Nɛ̀ ki líɛ sínbinimɛ táanni bè nɛ̀ sɛ́nì nɔ̀ cɛnguʔɔ gè, wi 'puu nɛ ti nyu nɛ láʔala pe nɛ̄, níɛ Misa Fànʔa Siɛnrɛ nyu dè nɛ́ dàa Kulocɛliɛ siɛnjuuliɛlɛ pe 'sɛbɛ dè, nɛ ki tìí dí káaliyɛ wè Zezi wori nī dèʔ.

Kakpiʔiligele 3:21

Ki sí nyaa wi 'yɛli bè ní lɛ̀lɛ láà kúɔ baa nyìʔɛnɛ nī lè, fúɔ bè taa kele gílì mìɛni Kulocɛliɛ wi siɛnjuuliɛlɛ bèle pe cé 'juu Kulocɛliɛ wori nɛ̄ dè, ki kele ke- pa kpíʔile bè yɛli nɛ́ lɛ̀lɛ ní lè nàa Kulocɛliɛ wi cé tíi nɛ̀ tìɛ nɛ̀ yaʔa faʔa faʔa gè.

Eburulo 11:18

Kulocɛliɛ cé ki 'juu wi mɛ́ nɛ́ jo: «Siaga nī muɔ bé siimɛ taa bè.»

Eburulo 11:2

Kulocɛliɛ wi 'faʔa wuulo pe tɛ́ngɛlɛ cɛ̀nmɛ wori juu dè.

Eburulo 12:25

Yeri yìye ciʔige díɛʔ ! Ye fǎga cíiʔ bè lúʔu ŋàa mɛ́ wi nyu nɛ́ yeli ní wèʔ ! Náʔa dàala nɛ̄ lè, Isirayɛliyé pe yé Kulocɛliɛ nyasiɛnrɛ lúʔu dè dàa ti 'puu nɛ nyu nɛ tìí pe nɛ̄ dè, a pe 'cíi ti nɛ̄ dè. Kire nɛ̄ piyè suɔ wuʔɔgɔ mɛ́ gèʔ. Bɛ̀ sí ki yē a weli 'cíi, weli sì lúʔuʔ ŋàa mɛ́ wi nyu nɛ weli yɛri wè nɛ̀ ki líɛ baa nyìʔɛnɛ nī lè, kányiʔɛ nɛ̄, weli sǐ gbɛ̀ suɔ wuʔɔgɔ mɛ́ gèʔ.

Eburulo 2:2

Bɛ̀ sí ki nyaa siɛnrɛ dáà nyìʔɛnɛ tundunminɔ pe yé juu dè weli tobilo mɛ́ bèle ti yé puu kányiʔɛ, nɛ̀ sí ki taa kolimɔfɔlilɔ nɛ́ sìnluʔumɔfɔlilɔ pe 'ki tɔ̀ni taa wè ŋàa wi 'yɛli nɛ́ pe ní wè,

Eburulo 2:3

mɛni sí weli bága suɔ bè síɛ ki kapiile tɔ̀ni ŋáà mɛ́ wè, a weli nɛ sàliyɛ nyɔ́gi suɔgbuɔlɔ siɛnrɛ dáà nī dè ? Kàfɔli wire wi cé kíni nɛ̀ ki siɛnrɛ dáà juu dè; bàli pe 'ti lúʔu dè, a pe 'tire ti mìɛni 'juu nɛ̀ láʔa weli mɛ́ kányiʔɛ nɛ̄.

Eburulo 3:5

Misa wire wè, wi 'puu tɛ́ngɛmɛ siɛn Kulocɛliɛ saʔa ki mìɛni nī gè; wi 'puu baakuɔwɔ nɛ ki tìí siɛnrɛ dáà Kulocɛliɛ cî ga ba juu bè láʔa dè.

Eburulo 4:8

Nɛ́ ki cɛ́n a ki yē Yesuwe yé jáa nɛ̀ pe nyɔ́gɔ ŋɔ́daala nī lè, Kulocɛliɛ sì cî ní cɛngɛ káà wuʔu juuʔ.

Eburulo 5:5

Bɛ̀ sí ki yē míɛni Kulocɛliɛ Siɛnnyiɛnɛgɔnwɔ wè, Kirisi wè; wiì kacuɔnrilɔ kàfɔli kpuʔɔrɔ líɛ dè nɛ̀ taʔa wìi nɛ̄ wīʔ. Kulocɛliɛ tíimɛ wi 'wi tɛ́ngɛ ki baara nɛ̄ dè, nɛ́ ki juu wi mɛ́ nɛ́ jo: Muɔ yē mi jaa; pàngɛ gè mi wī mi nyɛ́nì muɔ sii .

Eburulo 9:19

Bɛ̀ sí ki 'puu bà Misa wi cé fànʔa kajuʔulo ke mìɛni juu gèle nɛ̀ kúɔ siɛnnɛ pe mìɛni mɛ́ bèle nɛ̀ yɛli nɛ́ Fànʔa Siɛnrɛ ní dè, a wi 'nɛ̀naaya nɛ́ síkapɛngɛlɛ sìsiɛn le gè luʔɔ nī, níɛ̀ jèsii líɛ wè ŋàa wī nyìɛwɛ kpólokpolo wè nɛ́ isɔpi wɛrɛ ní dè nɛ̀ sìsiɛn nyɛri nyɛri gè nyakungɛngɛ siɛnrɛ sɛbɛ nɛ̄ wè nɛ́ siɛnnɛ nɛ̄ bèle.