Wahyu 21:3 - Allahle a neme heteungekoke homofae

³ Nebeisa reyae borale nebei kendan wameranda a kaban don mae kaenele, “Eren, nda hee Allah nekele anuwau ro miyae nolone hebele. Allah ro miyae bele wali nanembainye nekenate. Nebei yo Allahle holona ro miyaere inyaibonde, nane merau Allah nebei yo naei Allahre yembonde.

Wahyu 21:3 Iomraidhean Croise

Yohanes 1:14

Yesus, Allah Naei a elele Kiyae, ro miyae uware yeuboke, aei u nolo u kainye nekewole. Ako bele Kelu nene waewae eyae ijokore eranneboke Kiyae. Naei Ako Allahle bokora meke, ro miyaere kena buhae u buhae aere ban mae heumi, Naei na hele wali nibire keleumi.

Yohanes 14:23

Yesus yae weunge, “Rare kena buhaere haeise ro miyae, Reyae kelaemaele a usaei wasaei huluinye hakonde mokonde. Maeko nebei kiyaere kena buhae hennele. Meyae nebei kiyaele bokore ale, nanembainye emanekende.

2 Korintus 6:16

Allahle ei mom-mom imae bele walobole ei mom-mom imae bele nenaei nenaei ma, rabuhine ban wali bele Allah yae nekende imae eyae niyae ((nebeibe walobo nekate imae wali ban rambun niyae)). Allah Nenaeijae eleukoke: “Reyae nebei ro miyae bele wali mbainye nekemale nane merau naei u nolo u kainye eroronde. Reyae nebei yo naei Allahre isebonde, nebei yo Raei holona yore inyaibonde.”

2 Korintus 6:18

“Tuhan Elaelo Wakelo a eleukoke, ‘Reyae mai Akore isebonde, mayae Raei kelu omire yembombe.’ ”

1 Tesalonika 3:11

Mana meyae ebeli bannele Allah aei Arai Kiyae bele Yesus aei Tuhan Kiyae bele meyae mai bokore emalere nibi mbai ungennende.

Ibrani 11:16

Nebeibe nebei ro miyae kena haehae hele yo yan mbai naei foi sele kiyae, surgana yo foi yan foi niyae. Naei elewole are hakowainyene, nebei ro miyae naei Allah yae enainyeronde naeise Allah fe okoi. Nda holonare Allah yo foi yan foi mbai mokoungehake.

Ibrani 8:10

Bena ya mendene, Reyae nda wali himalainyeboke yo yae me baeremile nibi Israel ro miyaere a heteremikonde. Nebei yo naei u bene wa bene einye Raeinya wali heere foloukokale are haufemile nane merau naei kena u einye nebei a eremolongkonde. Reyae naei Allahre isebonde, nebei yo Raei ro miyaere inyaibonde.

Ibrani 8:2

Nane merau Neyae surgana ei mom-mom imae na hele kiyaene imam kabande ekemokole. Nebei ei mom-mom imae ro miyae yae ainyunuke ban, Tuhan Allah Nenaeijae aungunuke.

Wahyu 10:4

Nda ku kaendolo mehine bee na a elewate haeinyukera raei kena homone molorekondere, nebeibe reyae borale a mbai surgara weufe, “Ku kaendolo mehine bee naei a nunne heraweubonde, homone omoloijae!”

Wahyu 10:8

Borale surgara elewole boroubokale a faeuko mbai benen rare weufe, “Eye, homofae wekainyelebe malaikat oro bune yaunge hebeukoke hebele kiyaele mera rowele.”

Wahyu 12:10

Reyae borale a mbai surgara elaekei yae kaenele, elele, “Nda naei hee niyae: Allah Naei holona ro miyaere holere moloumiboke, Naei me einye mo yaeiboke elae wakure keleumiboke, Naei yo waku mere mokondere raneujeke, nane merau Neyae oro umaufe heraungeboke Wali Ondofolo one hengko bele kiteungeboke. Rabuhine ban aei Wali Ondofolo einye aka baekere Allahle ro be ro yoinye reniai rai ahumbo-ahumbo koumiyeke kiyae surgara hukainyehikene.

Wahyu 21:7

Ro miyae nde beko hubanainyelebe, nebeibe na hibi-hibi Raei wali nibine oronayende yo nebei rambun nanemene Reyae eremiwahende. Reyae naei Allahre isebonde, neyae Raei kelu omire inyaibonde.

Wahyu 22:3

Allah yae olomore neungeboke rambun nebei yo einye u. Allah bele Domba Kelule kendan wameran nebei yone hononende. Allahle kaliare mokate yo nebei yo yanne Naei kaliare mokonate.

Wahyu 7:15

Nebeinye, nebei yo Allahle kendan wameran bene hebate, reniai rai Allahre ei mom-mom imaene Naei kaliare mokate. Allah kendan wameranne nekele Kiyae nebei yore ningkang roroumiyende.