Wahyu 16:10 - Allahle a neme heteungekoke homofae

¹⁰ Malaikat maehae mbai nendo ebe einya rambun nebei obo yoku kiyaele kendan wameran nekele ranne rileuboke. Nebei obo yoku kiyaele me kelee u keleena nekate yoni-yoni bele ouben kika feleumiboke. Nebei ro miyae buhae hele kowatene, na faeu koka yae yalekate.

Wahyu 16:10 Iomraidhean Croise

Matius 13:42

Nebei yo i kaban beyele ranne nanemene hekelenaikonde, rime a heraa kili-kili anuwaunge enaikonde.

Matius 13:50

Nebeisa me hila u hila bele ro miyae i kaban beyele ranne hekelenaikonde, beko hubanainyelene rime a heraa kili-kili nebei anuwaunge anaikonde.”

Matius 22:13

“Nebei ondofolo na yebaei bubaeise weumi, ‘Nebei ro noro me ha yae rinenneko, ouben kika anuwaunge kannehimbe ennekende, ndine rime a heraa kili-kili engkonde.’ ”

Matius 24:51

Nebei yebaei bubaei na rowa yae rahuae bongkonde hombonde, nane merau nebei ro mokonnebonde ro miyaere faeu kai bee holona yo bele nangkele enainyekende. Naei nekenate anuwaunge beko hubanainyelene rime, heraa kili-kili enaikonde.”

Matius 8:12

Nebeibe Yahudi ro miyae helen moinya ouben kika honolene hainyaikonde. Nebeinye rime bele a bele konate nane merau beko hubanainyelene heraa kili-kili enaikonde.”

Lukas 13:28

“Naei ya mende mayae Abraham, Ishak, Yakub, nane merau Allahle yenjo kayaayo nemene Allahle yo ei waku einye eremmile, nebeibe mare hukenayensimbe. Nebei heene mayae rime a kena beko hele kombe.

1 Petrus 2:17

Ro miyae nanemene na mekai yae mokommiyembe, hila rabo mbainye halaeube aka baekere kena buhae hemmiyembe, Allahre hubara haeisa yanennele, mai kanina Ondofolo kabande be hinennele.

Wahyu 11:10

Nda kani kelana u mekai beko bele ro miyae nda ro bee hereibokene rei mai sele kate, naeise naeise rambun foi eije meije yaeimi. Rabuhine ban nebei yenjo kayaayo bee mokowoumi nda kani kela ranna ro miyae beko helen hubawainye.

Wahyu 11:2

Allahle imaehou moise reufi hului okoloijae, rabuhine ban na noro keline Allahre ei omoloi ro miyaere kinyaimibokene. Yokeijo maiserawaikoke yo wanen Allahle yo ranne nda yo yae eyale meyale alenate fonde oko 42 yembonde.

Wahyu 11:8

Na here no yo rore rainye nibi ekene hainyaikonde hononete. Nebei yo Sodom bele Mesir bele yo yae ahunenaibonde kaenewaimi, naei Tuhande ohalire baikoke anuwau mbai.

Wahyu 17:17

Rabuhine ban Allah nda yore na kena kusemmikonde na kena mbai u mbai yae Naei kenare kole ma mokonaibonde. Nebei naeise nda yo mere ikilenaibonde mokonaimilere obo yokure kinyeungeboke. Neyae mere mokommile mende Allah yae eleukoke a na hului menainyembonde.

Wahyu 17:9

“Nda naeise isaei hebaen bele ro miyae isaeyemmibombe: yun mehine bee na mekai elu mehine bee nebei miyae na ranne angkende nuweuboke nekele. Nebei yun mehine bee nane merau ondofolo mehine bee yaeiboke.

Wahyu 18:2

Nebei malaikat a kaban don mae kaenele, “Keraisoke ya, Babel, rore rainyeke yo, keraisoke ya! Nda heera walobo yoni-yoni nebei yo anuwaunge nekenate nane merau enaelo yoni-yoni bele u nenere koi-koi aye yoni-yoni bele uware ahaeikoke nekate.

Wahyu 18:21

Nebeisa elae bele malaikat mbai ruka kaban sele mbai na kaban gandum hikinei-hikinei ruka ma hului kaeuboke naubu walaubure kaungehikera elele, “Nebei mekai niyae elaekei sele yae kannehindene, benende eisubayeikoi sului.

Wahyu 18:23

Isehe neinye benen enaeikoi, miyae neme ro neme eraman bulaunge me bin me foka benen oboroiboi. Nebei yona nai hei-sei yo nda kani kelane rore raimiyeke yo nekewainye. Naei buloo aere mokaweke yae kani hiwa na ro miyaere ame-ame wabewaimi.

Wahyu 8:12

Nebeisa malaikat keli nendo naei amin waku wanen rambun raneuboke. Hu, oko, findelau yoni-yoni fo name nekeumi, hehe naei elae fo name malewate. Huae ya bele rai ya bele fo name hehe ban yaeiboke.

Wahyu 9:2

Neyae nebei a bulu na wauwau hele raweuboke bele eisa ongkou itukai kabanna wanen mae baleyate. Nebei ongkou wae mokoungeboke yaku bele hu inyukui bele ouben yaeiboke.