Wahyu 10:6 - Allahle a neme heteungekoke homofae

⁶ Allah wali huba haei ban nekele Kiyae nane merau kani kela bele bu yau bele kun wau bele neinya rambun bele mokoukokae Kiyaele Ro yae a holo kole wa elele, “Benen ya, oko enakeleisi sului.”

Wahyu 10:6 Iomraidhean Croise

Wahyu 1:18

Reyae Niyaebe ya wali no Kiyae. Reyae herekalebe, nebeibe ereise, aungukale wali hena bona nekerende. Here naei bele nulu yo mahe yo naei yo yan bele naei kunci Raei me einye honaisele.”

Wahyu 12:12

Nebei aerene surgane nekaube yo nanemene rei mai kaban kombere ya. Nebeibe beko embende, nda kani kela bele bu yau bele, rabuhine ban walobo yun mai bokore na ikele han romou wae akeuboke oke, rabuhine ban neyae isaeyeuboke naei ya fofo helene.”

Wahyu 16:17

Nebeisa malaikat mehine bee nendo ebe einya rambun alu einye rileuboke. Reyae borale Allahre ei mom-mom imae na kendan wameran nuwelera a mbai elaekei nda wanen elele, “Nanemene na hului yaeiboke!”

Wahyu 21:6

Nebeisa elele, “Nanemene na hului yaeiboke. Reyae Yunani afaeunga huruf na bena kiyae Alfa bele na moinya kiyae Omega bele nekale, Hubalo Mando. Ro miyae nde nde bukire konate yo, Reyae nendon mae walire yeumi rotebu rileungera bu isende anensinde.

Wahyu 4:10

nebei 24 yoyo koseyo be are nekate ei molainye. Nondofolo fokoma kulate, Na bere yae kolate wa elate,

Wahyu 4:11

“Maei Tuhan Allah, nda kani kela einya rambun Weyae mokouboke nane merau Waei kena hului yae yaeiboke. Nebei aerene Weyae yeisi raeiboi bele nane merau na mekai sele ware hili hebenayete, be hinenayete, elae wake kinyenete.”

Wahyu 4:9

Kendan wameranne nekele wali huba ban haei ban Kiyaere yebaei bubaei keli nauwa obo yoku ma yo hili hebainye, be hinainye, helen foi wainye hee bae,

Wahyu 6:11

Nebeisa nda holona yore malo koko mbai keleumon ma naeise naeise waheumikoke ukeumi, na kena hebaen-sebaen mae nekemmembe mende mare hayengkokembe wanen mai aka baeke, mangkele mbainye Allahle kaliare mokate yo, honaikonde na helen sului na hului yembonde.