Matius 11:3 - Allahle a neme heteungekoke homofae

³ Yesusre are enainyehinensindere, “Mendere nulainyekoke Wali Ondofolo Weyae niyae, benen meyae ro hire rakemandere?”

Matius 11:3 Iomraidhean Croise

Matius 11:10

Nane merau naei naeise Allahle homofaene homo molaikoke. Neyae Raei burelen boi-boi rore yeuboke naeise Allah yae Rare ukeufe are Maleakhi moloukoke, ‘Nda niyae Raei burelen boi-boi ro. Neyae Weyae mele nibi a mokoisaise nare bere holo yae ufende ende.’

Matius 11:4

Are ukeumi yore Yesus weumi, “Embe mo, mayae ijokore eraukoke, angkaeise boraukoke hului yae Yohanesre huwennekombe.

Matius 21:5

“Yerusalem yore a weinye, ‘Erei! Mai Ondofolo mai bokore mele. Nebei ro kena nime haba keledai kelu randa mele.’ ”

Matius 21:9

Bere ate holona bele, na moisa mate holona bele kaenate, “Foi moi Ondofolo Daudle orona mena kelu. Allahle ro yae meke Kiyae, onomi foka hubanayende. Allah anuwau na bumana hele nekele Kiyaere eyae nemene ei moloman.”

Markus 11:9

Bere ate yo moisa mate yo nemene fomene kaenate, “Men, Allahre buma koloman! Allahle ro yae meke Kiyaere foi moi helen barannele! Aei yobe Daudle yo wakube annununde!

Lukas 19:38

Nebei yo kaenate, “Allahle ro yae meke Ondofolo, onomi foka hubannele!” Meyae ebeli bomanele surgane rei mai nekenayende nane merau Allahre hili hebenainyende.

Yohanes 11:27

Marta yae weunge, “Tuhan, reyae Ware hila rabo halaewale, Weyae Allahle Kelu, Wali Ondofolo nda kani ei kela eise mendere elewate Kiyae.”

Yohanes 12:13

Nebeinya hoyeu nihewate, eisa haweyainye wa kaenate, “Allahre buma koloman! Tuhan Allahle Ro einye meke Kiyae onomi foka yae ei enainyehawende! Israel ro miyae naei Ondofolo onomi foka yae ei enainyehawende!”

Yohanes 16:14

Neyae Rare hili ensehebende, rabuhine ban Raeisa yarongkondebe mare isaeinyembe.

Yohanes 4:21

Yesus yae weunge, “Rare hila rabo haleise! Na ya bele hu bele mende, mayae Ako Allahre nda mokone ei molonnele ban nane merau Yerusalem yone ban.

Yohanes 6:14

Nebei ro miyae rambun emere-emere mokouboke erewatene elate, “Nana hesele nda Kiyae Niyae Allahle yendo kayaalo nda kani kelare mendere elewate Kiyae.”

Yohanes 7:31

Nebei ya kabande hokoumeke ro miyae nolona yo helen Yesus a elewolere na hele yae elewate hila rabo halewainye, nda wanen elate, “Wali Ondofolo mende wanenna naendae mekai nda kiyae yae rambun emere-emere mokole ma nebei helen nen mokonde?”

Ibrani 10:37

Rabuhine ban Allahle homofaene nda wanen molaikoke: “Allah yae eleukoke, ‘Mendere rakaunge Kiyae na heki ban mende. Naei mende ya moise yae oyoboi.