Lukas 9:43 - Allahle a neme heteungekoke homofae

⁴³ Nebeinya ro miyae fangkengke yae bowate Allah nebei elae keleubokene. Ro miyae Yesus nebei merau mokowole erewainye ijoko kelei-kelei mo kelewate. Nebeisa Yesus na moisa orowate yore weumi,

Lukas 9:43 Iomraidhean Croise

Matius 17:22

Ya mbai Yesus na moisa orowate yo bele nanembaisa Galilea kanine arilaisike mo Yesus yae weumi, “Reyae Allahle bokora mekale ro miyae uware yeubokale Kiyae ro miyae naei me kelee u keleene enaisekinyembonde.

Markus 6:51

Nebei kaikai einye eweufileukoke bele, alu na hibi kalaungeboke. Yesus na moisa orowate yo fa hele yae bowate,

Lukas 18:43

Nebei ro na ijoko na hibi onomi yeuboke. Nebeisa Yesusre hakoungeboke ewote Allahre buma kaeungeke. Hebewate yo nebei wanen erewatene, naeise naeise Allahre buma kaewainye.

Lukas 4:36

Nebeinya ro miyae nemene naeise-naeise elate, “Ei! A korolo ukeunge? Naei uwane kitainyeboke yae walobo yoni-yonire enaibalende hukeimeyeumi baleyate!”

Lukas 5:26

Nebei ro miyae euwa kaeu-kaeu mo kaeuwate Allahre buma kaewainye. Nebei yo na fa bele bowate elate, “Era emera hele mana ya nda mekai yeuboke erande.”

Lukas 5:9

Simon mae, ro hiwa nanembainye orate yo yae nda ka helen hauwatene yei yae kowate.

Lukas 8:25

Nebeisa Yesus kai einya yore weumi, “Rare hila rabo haleyaufe wauwaunge era mayae buhae hele hokombokembe!” Nebei yo na buhae bele hokowoumi fa yae bowate. Naeise naeise elate, “Nda ro nde maeninne? Alu boyene, alu ruwaene naei a bele weumi nane merau Naei ane boraiboke!”

Lukas 9:42

Yaweungehoke Yesusle bokore ete mo, alo nebei fare ane woke, noro me elaeiwate, nebeibe Yesus na hibi nane alo a elae yae haeungeboke bele, nebei fa onomi yeuboke, nebeisa naekole mene ikeungele.

2 Petrus 1:16

Meyae mare a huwe bele rorayembe hee aei Tuhan Wali Ondofolo Yesus Nauware kitainyeboke elae bele yae bensonde mendere. Meyae mare ro miyae naeinya relimena yae ehuwei, aei Tuhan Wali Ondofolo Yesus naei one hengkore maei ijoko yae erannebokebe huwewayembe.