Lukas 9:41 - Allahle a neme heteungekoke homofae

⁴¹ Yesus nebei a boroukokene hebate yore weumi, “Mayae na hele Rare hila rabo ehalei holona nane merau Raei kelemale wali nibira wekaube yona mangkele mbainye mo nekemandere nane merau kena yae mo heraufendere.” Nebei fa naekore weunge, “Wa fa ndare yaweinyoho meu!”

Lukas 9:41 Iomraidhean Croise

Matius 11:28

“Mayae Musale walora wali heere foloukoke huluinye hakombombere relaunge aerene uwa yambi koloukembe ro miyae nanemene Raei bokore men. Reyae mare wali no yeiboi wali nibi isembe.

Matius 12:39

Nebeibe Yesus yae weumi, “Mayae u hila wa hilaere kaube ro miyae, rambun hoime bahe Allah merau wae ei molaungele lonbe, iwau emere mokorebondere riyaufe. Mare iwau eme Reyae omokoi, Allahle yendo kayaalo Yunusle iwau mbaibe kelerembombe.

Matius 12:45

Nebeinye nda walobo eukuke eke walobo na beko hele kayeero mehine bee yaweumiboke ayeuboke nekewate. Nda ro naei wali beko hele bena nekewolera. Nebei sului mbai nda u hila wa hilae ma kulunna ro miyae mai wali beko hele yembombe. Rabuhine ban Reyae mai nolone nekale heene, walobo yoni-yoni aibaleke. Nebeibe mayae Raei a elale hila rabo ehaleinye, Reyae erele heene walobo yoni-yoni helen bukenaibonde menate.”

Matius 16:4

Mayae u hila wa hila koyaube ro miyae, hoime bahe rambun Allah merau wae ei molaungele lonbe, iwau emere-emere kelerembombere riyaufe. Mare na iwau eme hi ekeleiboi, Yunusle uwana yeubokere mo kelerembombe.” Nebeisa Yesus nda yore nanene nukeumiboke aloungekoke ewole.

Matius 17:17

Yesus yae weumi, “Na hele ya, mayae nda kulunna ro miyae hila ban rabo ban yo nane merau wali nibi wewere koyaube yo. Reyae kena okoi sele, naendae mekai horo lon mangkele heki hele mbainye oroimeyandebe mayae Rare hila rabo ehalei sele. Nane merau kena beko hele hubanale, mai wali mekai nekeimeyaubere heki hele kena yae heraweumekale.” Nebeisa nda yore weumi, “Nebei fa yawennoho meu!”

Matius 23:36

Nana heselebe wamale, nda u mekai mokaibokere nanemene nda kulunna yo yae ehee bukulu engkaembombe.

Matius 3:7

Yahudi era henare na bereise eraimi holo mbai Farisi yae ro raimiboke yo nane merau nulu yo mahe yora benen ewaleiboi are kelaeimi Saduki yae ro raimiboke yo helen sele bure kowoumi anuwaufe mekate. Nebei yo erekeumine Yohanes yae weumi, “Mayae rami ehekaei wanen hangkei, faeu kai bee. Allah mare ehee bukulu inyembombe belene mai walire himalonnebombe naeise, nde yae mare angkaa yobombokembe?

Markus 10:14

Yesus nebei wanen hukewaimile erewolene a na ikele yae na moisa orowate yore weumi, “Raei bokore nebei fa-fa nendon waemmihi mai, a hun okolommimae! Nde naei nda fa-fa wali ma nekate yo Raei me kelee u keleene nekate holona ro miyaere yaeiboke.

Markus 10:49

Yesus hebeunguke mo weumi, “Nebei ro kaenennoko meu.” Nda ro miyae helen Bartimeusre kaenewainyele wainye, “Wa kenabe elae rowei! Ainyu! Yesus Naei bokore elere kaenete!”

Markus 9:19

Yesus nebeinye hebate yore weumi, “Mayae nda heena nekaube ro miyae hila ban rabo ban yo! Naendae mekai horo lon mangkele heki hele orowandebe, mayae Rare hila rabo ehalei sele. Nane merau kena beko hele hubanale, rabuhine ban mai naeise heki hele kena yae heraweumekale.” Nebeisa nebei yore weumi, “Nebei fa yawennoho meu!”

Lukas 8:25

Nebeisa Yesus kai einya yore weumi, “Rare hila rabo haleyaufe wauwaunge era mayae buhae hele hokombokembe!” Nebei yo na buhae bele hokowoumi fa yae bowate. Naeise naeise elate, “Nda ro nde maeninne? Alu boyene, alu ruwaene naei a bele weumi nane merau Naei ane boraiboke!”

Lukas 9:40

Wa moisa orowate yore ekale nebei alore hukenainyehindere riyewamaele, nebeibe neyae na hului ban.”

Lukas 9:42

Yaweungehoke Yesusle bokore ete mo, alo nebei fare ane woke, noro me elaeiwate, nebeibe Yesus na hibi nane alo a elae yae haeungeboke bele, nebei fa onomi yeuboke, nebeisa naekole mene ikeungele.

Yohanes 14:9

Yesus yae weunge, “Filipus, heki hele maengkele nanembaisa orandeke nebeibe Rare oroiboi a lon mae weyae eleyae! Nde yae Rare ijoko ereufekokena nebei kiyae Ako Allahre ijoko erekeunge. A koro mahi lon weyae warae, ‘Ako Allah maere keleimebo!’

Yohanes 20:27

Nebeisa Yesus yae Tomasre weunge, “Nda Raei me niyae ereibo, waei me kala-kala neinye, nane merau waei me kala-kala kelengkera neinye. Nebei nibi yaere weyae ame-ame yae elei, na hele yae mo elele.”

Kisah 13:18

Ralo yakama rorele u bee a kala-kalane naei u mekai wa mekai beko nekaimekere Allah kena yae herauweumeke.

Kisah 2:40

Petrus nebei a wanende huwoumira benen nda a usaei weumiyoke, “Allahlena ehee bukulu nda hokolo me hilae u hilaere kate yo naei ranne wokera mauwa enfaembombe.”

Roma 2:4

Allah kena nime haba yae mare mokoyembe nane merau kena hebaen u hebaen mae mare me onoyoi. Mayae maisaei ban selene Allah merau raungehike, Naei me u foi yae mare moi hurenembe u mekai wa mekai bekora nulu kenembombe. Mayae Allah u mekai wa mekai foi yae mokoyembere rabuhi ban mae elaube!

Ibrani 3:19

Nebeinye eyae isaeyaendeboke nebei yo Allah yae uwombe are hila rabo ehalei aerene, Naei mokoungehake no yeiboi wali nibi hubaikoise Allah ewaeisi sele.

Ibrani 4:11

Nebeinye, men, aei u nolo u kainya ro miyae hibe aei yobe naei Allah Naei elele are hila rabo ehalei wanen mae nendon moi ungainyonde bele, relemande nebei no yeiboi bele wali huluinye nekemande.

Ibrani 4:2

Rabuhine ban Musale heena wali nekewate ro miyaere nebei a foi faeu foi uwaimi wanen mbai, aere no yeiboi wali nibi naei a foi faeu foi huwaime. Nebeibe nebei yo naei uwane akeiboi ma yae nekewate, rabuhine ban neyae a foi faeu foise borowate hororebe, nebeibe Allahle a elewolere hila rabo ehaleinye.

Ibrani 7:25

Nebei aerene Yesus na hului Naei walora Allah bele mbainye nekenate ro miyae nanemene hele hole molommibonde, rabuhine ban Allahle ro be ro yoinye nebei yo aere olemmile naeise Yesus wali rimolone yangkone nekenendere.