Lukas 8:10 - Allahle a neme heteungekoke homofae

¹⁰ Yesus yae weumi, “Raei me kelee u keleene nekate ro miyae holo naeise na nunna honate rambun isaeyembombe naeise mare mo ikembe. Nebeibe, ro miyae hiwa naeise Allahle yendo kayaalo Yesaya nda a homone mokoukoke, ‘Neyae erenatebe, ijoko ereiboi nane merau boronatebe, isaeyeiboi.’ Nebei a hului benatene ro miyae hiware ahumbo-ahumbo yae huwamaele.”

Lukas 8:10 Iomraidhean Croise

Matius 11:25

A weumikoke baeufoke heera Yesus nda mekai yae Naekore weunge, “Arai, bumana anare ikileubokae Ako, Ware mbaibe buma kaewale. Helen foi wawale, rabuhine ban Waei ako faeuko no nanemene isaei bele hebaen bele ro miyae naeisa nunne raufikae, nebeibe fa-fa wanen ro miyae isaei ban hebaen ban yore keleumibokae.

Matius 16:17

Yesus yae Simon Petrusre weunge, “Foi moi sele weyae Simon Yunusle kelu, rabuhine ban nda are ro miyae yae ware ewei, Maeko Surgane ekenekele Kiyae yae ukete.

Markus 4:11

Yesus yae weumi, “Mare Raei me kelee u keleene nekate ro miyae holona nunna honayeke rambunbe isaeyembokamale. Nebeibe, moise woke holonare a ahumboi yaere keleremile.

Markus 4:12

Nebei nibi yae, nda a Allahle yendo kayaalo Yesaya homone moloukoke na hului yembonde, ‘Neyae ijoko yae erenayendebe nane merau angkaei yae boronayendebe, nebeibe u benene isaeyeiboi. Isaeinyaibondena, nulu kenaibonde naei wali ma bukenainyehinde era, nebeinya Allah naei me u bekore faeinyemmibonde.’ ”

Yohanes 12:40

“Wali noube enainyehembondene Reyae onomibe isemile bele, nda ro miyae ijoko yae ereiboi sului naeise nane merau na u benera isaeyeiboi sului naeise Allah yae ijoko kumba mokommibonde na kena elae mokommibonde.”

Roma 16:25

Aka naei baeke naei, reyae Wali Ondofolena a foi faeu foise huwengkokamale. Nebei a heki hele nunne honowate. Nebeibe nda hee yoho nemene Wali Ondofolore hila rabo halenainyele naeise, nane merau hakonainyele naeise, Allah Hubalo Mando yae Naei yenjo kayaayo naei homofaene ukeumi molaikoke, nane merau nda heene Wali Ondofolole naeise yakaumeboke. Nebei Allah na hului mokonembonde Wali Ondofolo Naei a elelere hila rabo elae yae halemembe, hakomembe.

1 Korintus 12:11

Nebei meli mekai yoni-yoni nanemene Roh mbai yae mokole. Nebei Roh kenare kole hului yae ro miyae mbemba-mbembare meli mekai iwoumi.

Kolose 2:2

Nebei ro miyae na hului Allahle a nunna honaimeke, Wali Ondofololena a, na foi yae isaeinyaibondere nane merau nebei isaei hebaen hului nekenatene foi hubanainyende naeise, reyae merau haraungebokale naeise naeise u bene wa bene mbai yae kena buhae u buhae henate walora na kena u hara roronate.

1 Timotius 3:16

Nana hesele Yesus Wali Ondofolo Allah kenare kole hului mo nekewole nibi nunne honole. Yesus nda wali ma nekewole: Naei uwa yakaiboise ro miyae uwa yae yakaumeboke, Allahle Roh yae Neyae Allahlera mekere a yae eleukoke, Malaikat yae Nauware ijoko ereungeboke, nda kani kelana ro miyae Allahre oroiboi yo nolone Naei are huwewaimi, ro miyae nda kani kelana Nare hila rabo halewainye, Allah Nare kaeuboke nene waewae bele anuwaunge eungehauboke.