Lukas 7:42 - Allahle a neme heteungekoke homofae

⁴² Hokolo bee aheikoi suluinye, nebei roi ikeumi ro ninae hobeukoke karo yae eleukoke. Nda ro bee nolora nde yae nebei ro roise riyeinyehike kiyaere kena buhae hele kowounge?”

Lukas 7:42 Iomraidhean Croise

Matius 18:27

Nebei ondofolo kena beko hubawoungene, nebei rore heungeboke roi suluisa fomaungeboke omokoijae ukeunge.

Matius 18:34

Nda ondofolo na kena ikele hele kowolene kawa kayaare hebate yore kinyeumiboke, nda ro nebeinye hebende naei yarowole rambun roi sului ahengkonde baensonde mo kawara menduwende.

Matius 6:12

Maei beko neban faeinyeumeko, meyae hiwa yo naei beko neban mokaimekokere u bene nundaimekoke wanen mae.

Lukas 7:43

Simon mae weunge, “Reyae bene nekeufe roi kabande rouke kiyae yae.” Yesus yae weunge, “Na helebe waei a eleukokae.”

Roma 3:24

Nebeibe nda hee Allah ro miyaere kena buhae aere ban mae heumikokene Yesus Wali Ondofolole ha yae na bako bakore aheukoke baeufoke aerene, Naei a elelere hila rabo halenate ro miyaere Allah yae wali himalainyeboke yo yae me baemmile.

Roma 5:6

Na helebe wamale, aei wali aloiboi sului nekewande hee, Allah meraufe raungehike ya na hului yeubokene eyae, Allahle are ei ehawei ro miyae aerene, Yesus Wali Ondofolo meufereke.

Galatia 3:10

Musale walora wali heere foloukoke yae naei wali alonainyelere relaete yore Allah yae olomo nemmibonde, rabuhine ban Allahle homofaene nda mekai molaikoke, “Musale walora wali heere foloukoke homone molaikoke a nemene na hibi-hibi ehakoiboi kiyaere, Allah yae olomo nennebonde.”

Efesus 1:7

Allah aere kena buhae aere ban mae emekai bele hewoumene, Naei isaei hebaen na bumana hele yae Yesusre ukeunge meke. Na uwana ha rileuboke walora aei beko bakore aheukoke baeufoke, nane merau Allah yae aei beko bako faeinyeumekoke.

Efesus 4:32

Kena nime haba yae maise naeise kena buhae hembe. Nane merau Yesus Wali Ondofolole walora Allah mai beko mokowaubere faeinyengkokembe wanen hiwa yo naei beko mokonayembere u benera nundenayembe.

Kolose 3:13

Mai jemaat einya u bene nenaei-nenaei nekeyayembene, ikele okoyeijae. Ro miyae mare me u beko mokayembokembena, nebei me u mai u benera nundenayengkombe. Yesus mai beko bako mokaukokere faeinyembokembe wanen mae ro naei miyae naei beko bakore mai u benera nundenayengkombe.