Lukas 7:38 - Allahle a neme heteungekoke homofae

³⁸ Eke Yesus na moinye noro kelaeunge hebeunguke rimene rimewole. Na ijoko ibo balewate Yesusle oro ranne. Nebeinye na umaa yae rouke hobewounge kalangkondere. Nebeisa yoi yae huneungeke nane minyak kembo fololo belebe Yesus na orone heungeke.

Lukas 7:38 Iomraidhean Croise

Matius 5:4

Ro miyae naei u mekai beko mokoyelera roiboyeungene kena beko koyele kiyae onomi foka hubannende. Allah nebei holonare kena foi u foi mokommikonde.

Lukas 22:62

Petrus nebei abe u bene nekeungehikene, imaehou moise eke rime a yan bu yan rimewole.

Lukas 6:21

Mayae nda heena monire kaube yo Allah mare narenembe uwa rembombene, onomi foka hubannembe! Mayae nda heena rimere are kaube yo re ensarengkombene, onomi foka hubannembe!

Lukas 7:37

Nebei yone maengke mbai na wali beko yae maemae koungekoke. Nebei ya Yesus Farisi holona ro Simonbe bokone ekete raman anewote borokene, minyak kembo fololo bele mongkon kaei-kaei yayatebe rouke Yesusle bokore eke.

Lukas 7:39

Farisi holona ro Simon Yesusre ramande riyeungehike meke kiyae nebei wanen ereubokene na kena eisa elele, “Nda ro ramanne anende kiyae na hele Allahle yendo kayaalona, nda maengke na wali beko ma nemene isaeyembonde.”

Yakobus 4:9

Nebei u mekai beko mokaukokera uwa olomombombe, mehi hako nana hesele folombe, ijoko ibo bele yae balenayembe. Rere haraweke u mekai bennehombe rime yae rimembe. Nane merau rei maise kaweke wali bennehombe kena beko u beko yae yembombe.