Lukas 6:47 - Allahle a neme heteungekoke homofae

⁴⁷ Ro miyae Rangkele mbainye nekate yo nane merau Raei are boraise huluinye mokate yo naeise Reyae kelerembombe.

Lukas 6:47 Iomraidhean Croise

Matius 12:50

Rabuhine ban nde yae Maeko surgana naei kena kole huluinye hakonde mokonde, nebei kiyae Raei aka baeke wa yae menake naei yae elerekonde.”

Matius 17:5

Petrus ane weunge hee mangko hehe yae nda yore oumifelemboke. Nebei mangko eisa a borate, elele, “Nda Niyae buhaere haenale Fa, Ra kena foise mokoufe Kiyae. Nare mo boronnele!”

Lukas 11:28

Nebeibe Yesus yae weunge, “Ro miyae Allah weumi are boroyate nane merau nebei suluinye nekeyate yo onomi foka hubanainyende.”

Lukas 14:26

“Rare kena buhae heufene hakonsebonde oroyende kiyae nenake naekore, na miyae fa-fare, naei aka baekere, nane merau naei uware bele hole omoloyei yae Raei moisa ehakoiboi oroi sului.

Lukas 6:48

Naei u mekai ro mbai imae ruka ranne heuboke wanen. Alune yane hu foi mekele foinyene nebei imae kusei mahei ban hebende.

Lukas 8:13

“Ruka bele kani ranne balayeke yo na mekai ro miyae nebei are borayeke na kenane na foi sele hawayeke, nebeibe inyale ban kambu ban. Mon fofo nebei are na hele elenate, nebeisa walobo yun wabeisiyeumi na roko mbai balenate.

Lukas 8:8

Nebeibe o haka hiwa kani foi kela foinye balayeke, ketewate, ani mokowate, faru wang-wang 100 bewate.” Nda ahubara huweumikoke baeufoke mo wa Yesus yae weumi, “Nda a boraube ro miyae nou foi hembe.”

Yohanes 10:27

Raei domba holona yo Raei a faeukore boraise. Reyae nebei yore raemaele nane merau Raei moisa hakaisele.

Yohanes 13:17

Nda wamale nemene maisaeinye mayae emmokombena, mai naeise foi sele rambun benate.”

Yohanes 14:15

“Mayae kena buhae Rare henselena, Raei wamale a huluinye hakombombe mokombe.

Yohanes 5:40

Nebeibe mayae nebei wali hena bona yarombe naeise Raei me kelee u keleene nekembere ahi hele elaube.

Yohanes 6:35

Yesus yae weumi, “Walire inyemile raman Reyae Niyaebe ya. Nde naei Raei me kelee u keleene nekate nane merau Raei a elalere hila rabo halaeisele benen na kena u moni buki ehubasi mo huba ban haei ban nekenayende.

Yohanes 6:37

Maeko yae kinyeufeboke ro miyae nanemene Raei me kelee u keleene orulenate. Reyae nebei yore ehukei eibe eremihawende.

Yohanes 8:52

Yahudi ro miyae yae wainye, “Nda hee yae wa meyae isaeyaendeboke Weyae alo yae ayeubokete koyae! Rabuhine ban Abraham naei uwa nane merau Allahle yenjo kayaayo nanemene heraiboke. Nebeibe Weyae eleyae, ‘Nde Reyae wamale are hubara haeisa yanennele kiyae here ehubayeikoi nekende.’

Ibrani 5:9

Yesus na wali hiyei raneungebokera, ro miyae Neyae weumi a huluinye nekate yo nanemene naei wali hena bona no Kiyae, Yesus Niyae.

Yakobus 4:17

Nebeinye ro miyae mbai Allah a ukeunge me u foise mokonde naeise naeisaei selebe, nebeibe omokoinya, nebei kiyae me u bekobe mokole.

1 Petrus 2:4

Ro miyae yae erabuhi ban mae hubawainyene wokate rukabe Allah yae eleuboke wekeunge walire yeumi Ruka na foi sele yae ereunge. Nebei Ruka Niyae Yesus Wali Ondofolo. Yesus Naei a elelere hila rabo halennele yae mayae walire yaumi ruka wanen yembombe. Ro miyae imae rukara haete wanen mae Allah yae Yesus walora mokombokembe Naei holona ro miyaere yembombe, nane merau Allah Naei u mbai naei imam holonare yembombe. Yahudi yobe naei imam yoni-yoni yae hili era akau era Allahre ongkoufe felayeke. Nebei wanen mbai mayae Yesus kena kolere mokaunge yae Allah kenare kole hili era akau erabe yennele.

2 Petrus 1:10

Nebeinye aka naei baeke naei, elae yae relennele Allah kenare kole hului nekemembe. Nebei nibi yaere Allah na hele mare kaenengkokembere nane merau elembokembe wekembe Naei holone hambokembere elaebe mokonnebombe. Bumane moloukokale honate a hului mokombena, mayae beko na hibi-hibi omokoyei,

1 Yohanes 2:29

Mayae maisaei Yesus Wali Ondofolo Naei wali himaloungeboke! Nebei sului mbai mayae isaeyaeuboke ro miyae na wali ijen nekatena, fa manemfa honate wanen nebei ro miyae na kena u Allahlera honokate.

1 Yohanes 3:7

Reyae buhaere haemale kelu omi wanen ro miyae, nde maenin horo mare wali nibi beko yae kelenengkombe wali horombombe belene, mayae ewaeisijae hele. Me u ijen mokate ro miyae na wali himalainyeboke, Wali Ondofololena wanen mbai.

Wahyu 22:14

“Ro miyae na hului walire yaimi o ha na ani anenate nane merau nebei yo kaban yan kabande na romaufa enayembonde naeise na malo kuyaikoke yo, onomi foka yae hubanainyende.