Lukas 6:21 - Allahle a neme heteungekoke homofae

²¹ Mayae nda heena monire kaube yo Allah mare narenembe uwa rembombene, onomi foka hubannembe! Mayae nda heena rimere are kaube yo re ensarengkombene, onomi foka hubannembe!

Lukas 6:21 Iomraidhean Croise

Matius 5:4

Ro miyae naei u mekai beko mokoyelera roiboyeungene kena beko koyele kiyae onomi foka hubannende. Allah nebei holonare kena foi u foi mokommikonde.

Matius 5:6

Wali himalonnebondere kena haehae koyele kiyae, neyae onomi foka hubannende. Nebei kiyaere wali himalonnebonde naeise Allah yakannebonde.

Lukas 1:53

Monine kowate yo raman foise narewoumi wande bewate, nda kanina kelana keren nalene arilayeke yo uwoumi na me bangka u bangka yae ewate.

Lukas 6:20

Yesus na moisa orowate yore ereumikoke mo, nebeisa weumi, “Mayae keren ban nale ban yo na hului Raei me kelee u keleene nekembene, onomi foka hubannembe!

Lukas 6:22

Reyae Allahle bokora mekale ro miyae uware yeubokale Kiyae aerene mare ikele konayembe, hukenayembe, a beko huwayembe, ro u mekai beko bele yae kaenenayembe yo onomi foka hubannembe.

Lukas 6:25

Mayae nda heena kuikui maemae bele honoimeyayembe yo beko hele hubannembe, rabuhine ban moni mai ennehubambe. Mayae nda heena re are koimeyaube yo beko hele hubannembe, rabuhine ban kena beko yae rime a yae engkombe.

Yohanes 11:35

Nebeisa Yesus na rime bele rimewole.

Yohanes 4:10

Yesus yae weunge, “Allah yae ro miyaere aere ban mae foi yeyeumi nane merau Reyae ware bu andehindere riyawale Kiyae Allah yae ukeufe mekale. Nebei a isaeyeubokaena, weyae Rare wali bele bu riyeufehinde, ware walire yeumi bu isete.”

Yohanes 6:35

Yesus yae weumi, “Walire inyemile raman Reyae Niyaebe ya. Nde naei Raei me kelee u keleene nekate nane merau Raei a elalere hila rabo halaeisele benen na kena u moni buki ehubasi mo huba ban haei ban nekenayende.

1 Korintus 4:11

Meke nda hee bele yae moni mai buki releimeyannele. Malo kalo moloimeyeumele. Rahuae olaeime nane merau nekei-nekei anuwau ban orande.

2 Korintus 11:27

Nda wali ma isubawanale: kalia ehekaei no ban hee ban imokowale, roko helen ijongku ikabewanale, moni mai, buki, raman ban nekewale, manse, malo ban.

2 Korintus 12:10

Nebei aerene Wali Ondofolole foi naeise nda rambun beko mokaise yae kena roweisiyaise: raei uwa male u yambi u yae ikowale, raei rore a yae isorowate, aukaka yae enaisekonde, kena beko u beko ikowale, weitasi eikowaise, kalo eisubawanale. Rabuhine ban male yambi hubanale hee Wali Ondofolole walora elae yeiboyale.

2 Korintus 6:10

kena beko u beko isubawanne hororebe nebeibe meyae na hibi mo rei mai ikowande, meyae hun ban wai ban nebeibe ro miyae helen sele Allah yae yemmile rambun foise yaronatere isakowammi, maei uware me bangka yae eraimebe, nebeibe Allah yae yemmile rambun foi yoni-yoni maeinya honaime.

Yakobus 1:12

Ro miyae kena bekore mokonnele rambun yoni-yoni menainyehubande heene kena yae heraweubonde na hibi-hibi Wali Ondofolole a weunge hului yae mokondena, nebei ro onomi foka hubanainyele. Rabuhine ban Allah are heteungekoke hului ro miyae Nare buhaere haeinyeke yore wali hena bona yae me buhaere inyemile. Nebei sului mbai Wali Ondofolole a weumi hului mokate ro miyae naei kena bekore mokounge rambun bele baensondera Allah yae wali hena bona me buhaere inyemile.

Wahyu 21:3

Nebeisa reyae borale nebei kendan wameranda a kaban don mae kaenele, “Eren, nda hee Allah nekele anuwau ro miyae nolone hebele. Allah ro miyae bele wali nanembainye nekenate. Nebei yo Allahle holona ro miyaere inyaibonde, nane merau Allah nebei yo naei Allahre yembonde.

Wahyu 7:16

Nebei yo benen monire bukire ehubaisi, nane merau rolonsan naume nauwane oboi,