Lukas 6:13 - Allahle a neme heteungekoke homofae

¹³ Ya yolowole wa, na moisa orowate yore kaeneumikoke, nebei nolora ro me bee oro nen bee bele eleukoke wekeumi. Nda eleukoke yore Naei abu ako yae kaenewoumi. Nebei yo na ro nda niyae,

Lukas 6:13 Iomraidhean Croise

Matius 10:2

Nda ro me bee oro nen bee bele yo na ro niyae: Simon na ro hi Petrus yae eiwewainye, naka baeke Andreas, Zebedeusle kelu wa bee Yakobusle naka baeke Yohanesle,

Matius 19:28

Yesus yae weunge, “Reyae na helebe nda a wamale, nda kani kela neme ennebensonde hee Reyae Allahle bokora mekale ro miyae uware yeubokale Kiyae one hengko bele yae kendan wameranne nuwerebonde hee, mayae Rare hakaufekoke yo ro me bee oro nen bee bele (12) kendan wameran mokoungehake ranne enrombombe, Israel yoho yoni-yoni mai keleene enainyekende.

Matius 9:36

Nebei ro helen miyae helen Yesus erewoumine na beko hubawaimi aerene kena beko hele hubawounge, rabuhine ban male yambi yae koloukeumi. Nebei ro miyae domba yoni-yoni yaweiboi ro ban wanenne, na uware hole moloiboise na hingkin ban sele.

Markus 6:30

Yesus na abu ako ukeumi ekate ahuba huwewaimile bele onomi iwaimile bele kaliara bukaiboke Yesusle bokore mekate, ekaikelewaimile ekaimokowate a nemene Yesusre huwainyekoke.

Markus 6:7

Na moisa orowate ro me bee oro hi nen bee belere mo kaeneumikoke, beere beere waheukoke, walobore hukenaimile naei elae kiteumiboke, yo hire yo hire ukeumi enatere.

Lukas 11:49

Nebeinye Allah Na isaei hebaen bele yae elele, ‘Raei yenjo kayaayo bele, Raei abu ako bele ufemile enate. Naei nolora hiware beko mokonaimiyende, hiware honayende.’

Lukas 6:14

Simon (Petrus yae Yesus ro roungeboke), Andreas Simon na aka baeke, Yakobus, Yohanes, Filipus, Bartolomeus,

Yohanes 4:33

Na moisa orowate yo hi yae hire hineunge, “Naendae wanen, Neyae anengkonde eraman ro miyae roukate mekatene era?”

Kisah 1:13

Yerusalemde okate mo, nekewate imae bumana yowane yaeikiteke. Nebeinye arileufike ro nda niyae: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus Alfeusle kelu, Simon (Zelot yae kaenainye kiyae), Yudas Yakobusle fa kayee.

Efesus 2:20

Imaere nda mekai heyate: mekele hu, nelae, wa, fenaa, yan, rambun hi bele ahuneiboyate. Allah Naei imae nebei wanen mae heuboke. Yesus Wali Ondofolo kose hu wanen. Yesus Naei abu ako bele Allah Naei yenjo kayaayo bele mekele hu wanen. Yesus Naei me kelee u keleene orulaiboke ro miyae, wa, fenaa, yan, rambun hi bele wanen. Nebei rambun ha yae ahunenaibonde yae imaebe henate wanen, ro miyae Yesus Wali Ondofolo Naei a elelere hakainye yae Allahle holonare inyaibonde. Neyae Allahre ei mom-mom imae wanen yembonde.

Efesus 4:11

Nebei Yesus mbai Allah Naei kaliare mokonate naeise Allah yae eleukoke wekeumi ro miyaere mokommihande. Naei jemaat amminunde naeise Yesus ro miyaere meli mekai mahi-mahi kiteumiboke. Nebei yo nolone hiwa Yesusle abu ako, hiwa Allah weumi are huwate, hiwa Yesuslena a foi faeu foise huweyate yo, hiwa jemaatre holeyate yo, hiwa Allahle a faeu kelei-kelei yore yaeiboke.

Ibrani 3:1

Nebeinye Allah yae elembokembe wekembe holona aka baeke, Yesus bele mbainye surgane nekembere kaenengkokembe ro miyae, Yesusle naeise nou hennene. Neyae Allahle Abu Ako nane merau aei imam kaban mae wo kande Kiyae.

2 Petrus 3:2

Reyae kena kale mayae Allahle yenjo kayaayo naei ako faeuko nendahina huwewatere nane merau aei Walilo Tuhan Yesus ukeumi a Naei abu ako yae huwayembere u bene nekenayembe.

Wahyu 12:1

Nebeisa surgane nda iwau kaban sele ma yakauboke: miyae mbai hu malo yae feleuboke, oko noro keleene, nane merau na yunne ondofolole fokoma wanen findelau me bee oro nen bee bele yanainyekoke.

Wahyu 18:20

Reyae homone molale Kiyae kena ura a honanale, “Mayae surgana yo nebei yo kereufoke aerene rei mai kon. Mayae Yesus Naei eleuboke wekeumi holona ro miyae bele Yesusle abu ako bele Allahle yenjo kayaayo bele rei mai kon. Rabuhine ban neyae mare beko mokoimeyembe aerene Allahlena ehee bukulu naei rande oke.”

Wahyu 21:14

Nebei yo kaban yan kabande yanainyekoke ele hure ruka me bee oro nen bee bele ranne hebaimikoke. Nebei ruka ranne Domba Kelule abu ako ro yae molaikoke.