Lukas 3:1 - Allahle a neme heteungekoke homofae

¹ Ralo yakama me bee oro fae reufi mbai bele (15) meujeuboke Kaisar Tiberius meungekeukoke. Nebei hee yae Yudea kani naei Ondofolore Pontius Pilatus yae hebewole, Herodes yae Galilea kanire. Iturea bele Trakonitis bele kanire wa Herodes naka baeke Filipus yae, Abilene kanire Lisanias yae ikileuboke.

Lukas 3:1 Iomraidhean Croise

Matius 14:1

Nebei hee Ondofolo Herodes Galilea kani mere ikileuboke kiyae, Yesusle a yobowounge boroukoke.

Matius 14:3

Nda Herodes yae na aka baeke Filipusle miyae Herodiasre rouke. Roko yae roko yae Yohanes yae Ondofolo Herodesre a elae uwounge, “Na ijen ban sele Herodias roukae.” Nebei aerene Herodes ukeumi Yohanesre ikilenaibonde kawane ahenainyekondere.

Matius 14:6

Ondofolo Herodes na ralo yakama barauboke ya, raman bulau mokouboke. Nebei kanina rore raimi yo kaenewoumi hokoumeke. Nebei hee Herodias na maengke nebeinya ro miyae bene baene kowolera Herodes rei mai aungeboke kowole.

Matius 22:17

Nebeinye Waei eranae ma maere weime, Romawi kani naei Ondofolo kaban Kaisarre roi mokomandere, omokoijae?”

Matius 27:2

Yesus na me ha wowo kainyekoke yawainyehoke nebei yo yande ikileuboke mokowole Gubernur Pilatus naei me einye kinyenainyebondere ewate.

Markus 6:17

Herodes u benere nekewainye manemfa hele na miyae Herodias kenare kole hului ukeumi Yohanesre ikilaiboke kawane haeinyekoke. Rabuhine ban Yohanes na hibi-hibi Herodesre a elae yae uwounge, “Na ijen ban sele Filipus na miyae Herodias roukae!” Filipus Ondofolo Herodes na aka baeke.

Markus 6:21

Herodes na ralo yakama barauboke yabe mon foi sele rouke. Nebei ya Herodes eraman bulau kaban mokoumiboke. Naei yo wakuna anuwau bele holona yo, fela yun-jun holona yo, Galilea kanina ro bele ro bele yo kaenewoumi.

Lukas 13:31

Nebei hee Farisi holona yo hiwa mekate Yesusre wainye, “Nda yora eye, yo hire yae ele, rabuhine ban Herodes ware honeubondere baete.”

Lukas 2:1

((Yohanes hongkate heera oko mehine mbai nekaikoke hee yae)) Kaisar Agustus ukeumi Roma kani kabanna ro miyae nemene mere nulenaibondere.

Lukas 23:24

Nebeinye Pilatus nebei yo Yesus herendere a kaenewatene ninae be hineumiboke.

Lukas 3:19

Nebei hee Herodes Galilea kani naei Ondofolo, na aka baekele miyae na ro Herodiasbe roukene nane merau na me hilae u hilae hiwa nekai mokowolene, Yohanes yae a usaei wasaei a elae yae horoungeboke.

Lukas 9:7

Herodes Galilea kanire Ondofolore hebewole hee yae Yesus mokowole a elewate borowole. Ro miyae hiwa elate Yohanes bure kowoumi kiyaebe waleuboke, hiwa yo yae elate Allahle yendo kayaalo Eliabe benen meujakauboke, hiwa yo yae elate na bena hele nekewate yenjo kayaa yo nolora hibe benen waleuboke, Herodes u bene baeiso-baeiso kowole.

Kisah 23:26

Gubernur Feliks, waei kendan wameranne reyae melaeyaewale. Onomi foka raeisa, Klaudius Lisias!

Kisah 24:27

Ralo yakama bee nekaikoke mo, Perkius Festus Gubernurre yeunguweuboke Feliksle a bulure. Feliks, Yahudi ro miyae na kenare rowenderene, Paulusre ereungekoke kawane hebeweke.

Kisah 26:30

Nebeisa bae Ondofolo Agripa, Gubernur Festus, Bernike, nebei yoni-yoni arilewole yo aufae ainyuke.

Kisah 4:27

“Nda Daud eleukoke a wanenbe yeuboke. Nda yo einya ondofolo bee Herodesle Pontius Pilatusle nane merau Yahudi ro miyae ban bele Israel ro miyae bele nemene riya nekaikoke. Yesus, Waei yebaei bubaei yolo-yolo renden, Waei Wali Ondofolore eleubokae Kiyaere bekore mokonainyebondere.