Lukas 23:2 - Allahle a neme heteungekoke homofae

² Nebeinye ekate mo, nebei yo Nare nda a horoubokebe elate, “Nda ro erannekoke aei kanina ro miyaere nibi bekobe keleimeyeumi. Neyae weumi Kaisarre pajak omokonnemae. Nauware elele Neyae Ondofolo hi yae, Wali Ondofolo yae.”

Lukas 23:2 Iomraidhean Croise

Matius 17:27

Nebeibe nda kani yo kela yo eyae na kena beko mokomamibonde belene, kaiwa rowei bukobane eiwoyo. Bena ka yoboubonde rowele, neuwa kaeweungekonde roi dirham keli neuwa einye hubayeukonde. Nebei roi yaroukonde aei bee naei eumokoubonde.”

Matius 22:21

Nda yo yae wainye, “Kaisarle be yoi bele me nou bele.” Nebeisa Yesus yae weumi, “Kaisar naei kayeero Kaisarre yeungele, Allah naei kayeero Allahre yeungele.”

Matius 27:11

Nebeisa Yesus yawainyehoke nebei yo yande ikileuboke Gubernur Pilatusle bere ekate. Gubernur Pilatus yae hineunge, “Weyae na hele Yahudi naei Ondofolo?” Yesus yae weunge, “Na hele, wenaeijae nare eleukokae.”

Markus 12:17

Yesus yae weumi, “Nebei wanenna Kaisarle kayee Kaisarre yennele, Allahle kayee Allahre yennele.” Nebei a merau boroukatene fa yae bowate.

Markus 15:2

Ekate mo, Pilatus yae Yesusre hineunge, “Weyae na hele Yahudi yo naei Ondofolo?” Yesus yae weunge, “Na hele, wenaeijae eleukokae.”

Lukas 23:14

weumi, “Mayae nda ro raei bokore yawaungehoke meke elaube ro miyaere a nekai huweumi akure ketembondere. Mana ya nda mai bene reyae ereungekokale, mainya beko elaube naeinye reyae ehubayeikoi mo.

Lukas 23:5

Benen nebei yo waeli hele baete elate, “Yudea kanina ro miyae nemene a moi hurewoumile naei era hena hului ehakoiboi yae nekenate, na bereise Galilea kanina ro miyaere bere a nareumikoke, mana meke ndane.”

Yohanes 18:29

Nebei wanenne Pilatus moise eukuke hineumi, “Naendae wanen me u bekobe mokoubokene mayae nda rore ahunaunge?”

Yohanes 18:30

Nda yo yae wainye, “Arai Gubernur, Neyae beko omokoiboi yae bae rahe londe waei bokore yawannehoube mande?”

Yohanes 19:12

Pilatus nda a wanen boroukoke bae, Yesusre bulaerennekondere relewoungele. Nebeibe Yahudi ro miyae kali kaenate, “Weyae nebei kiyae bulaereungekondena, weyae nda kani kaban na Ondofolo Kaisarle kahili ban. Ro miyae nde yae nauware ondofolo yae elendena, neyae Kaisarle yokeijo.”

Kisah 24:13

Nane merau mana nda a faeu raei u ranne hayaete naeise neyae na yaka yae eyakaiboi.

Kisah 24:5

“Meyae mannereukoke nda ro na wali u bulu-bulu mo. Makeinye-makeinye Yahudi ro miyae nolone aku keteiboyole neyae yonsi-yonsi mo. Agama mbai Nasaretra aunguke na be yun be yebaere neyae hebeunge.

Roma 13:7

Mai baka ranne honayembe kayeero yemmile yore mayae yemmile hele. Pajakre yaronate yore pajak yae yemmile, cukaise yaronate yore cukai yae yemmile, eise emmihawembe yore ei yae emmihawembe, bere emmihinembe yore be yae emmihinembe.