Lukas 16:8 - Allahle a neme heteungekoke homofae

⁸ “Naei u bene holoka koukokene, nebei u bulu-bulu u mekaise na rowa yae buma kaewounge. Nda kani kelana wali beko nibine orate ro miyae naei riyane bele a mokoi-mokoise meli mekai ayeukoke Raei are borate hakoyate yora.”

Lukas 16:8 Iomraidhean Croise

Matius 12:32

Reyae Allahle bokora mekale ro miyae uware yeubokale Kiyaere ro miyae mbai a beko wenselena, Allah naei beko bakore faeinyennebonde. Nebeibe nde yae Allahle Rohre a beko wennele kiyae Allah naei beko bako efaeinyeiboi mo nekenende nda kani kela huba mennemokonde yane.

Matius 17:26

Petrus yae weunge, “Yo moinya meiko-meiko ro miyaere.” Nebeinye Yesus yae weunge, “Nebeinya na kanina kelana ro miyae omokoi.

Lukas 16:10

“Ro mbai rambun ebibire kayaa foi hebende, foi yae mokondene, nebei ro mbai rambun kabande rabo halaete. Ro hi rambun ebibira kayaa foi ehebei, foi omokoinye, rambun kabande rabore ehalei sului.

Lukas 16:4

Nebeisa elele, ‘Ninae u bene nekeufehike. Hukensehinde ya bae, raei kahili naei imaere erelene ei haungaisele naeise nda me ure mokorebonde.’

Lukas 16:7

“Ro bee nendore hineunge, ‘Aka baeke, waei kayee naennaen hului?’ “Nebei ro yae weunge, ‘Raei gandum holoboi 1000.’ “Abu ako yae weunge, ‘Nda homo moloi niyae moloiko holoboi 800.’

Lukas 18:6

Nebeisa Yesus yae weumi, “Nda hakim nde ban beyele yae elele a boraube.

Lukas 20:34

Yesus yae weumi, “Nda heena ro miyae yaronate, maengke rore enate.

Lukas 20:35

Nebeibe bena ya fokehonolene, Allah yae wemmile anainyunde yo, benen rone miyaene kewa yumake mbainye ohonoi.

Yohanes 12:36

Reyae hehere naemale Kiyae mai waline namman nekande hee yae Rare hila rabo halensele. Nebei mekai yaere mayae na hului Reyae hehere naemale Kiyaele kelu omire yembombe.” Nebei ara weumikokera Yesus nauware nunne enahengkonde anuwaufe ewole.

1 Korintus 3:18

Mai uware ame-ame ebennemae. Mai u nolo u kainya hi yae naei uware nda kani kelana wali beko nibine orate yo naei isaei hebaen bele elendena, neyae Allahle isaei hebaen bele yembonde naeise, naei foi sele nebei u bene ma wononde nda kani kelana wali beko nibine orate yo eraimi kobu ro miyaere yembonde.

Efesus 5:8

Na hele mayae na bere Allahre onewaungene ouben nolona yo nekewaube. Nda hee mayae Tuhanbe me kelee u keleene orulaubokene, mayae hehe nolona yobe nekaube. Nebei aerene kelu omi hehe nolona nekate wanen mae Yesus Wali Ondofolo Naei a elele huluinye wali nekemembe.

Filipi 3:19

Nebei ro miyae beko emmimokongkonde. Nebei yo nda wali ma nekate: naei yarele ei mom-mom rambunde yaeiboke, fere koi-koi u mekaise ei molaimi, nda kani kelana wali beko mare mo naei u bene harainyeboke.

1 Tesalonika 5:5

Mayae Allah hehe yae naeyembe yo, yabe heuboke nekaube reniai ouben hauben naei yo ban.

1 Petrus 2:9

Nebeibe mayae nebei wanen ban. Mayae Allahre onewaungene ouben hauben nolone nekewaube hee, Allah kaenengkokembe nebei walira maubaleke, Naei hehe foi sele nolone maweuboke. Ro miyae bene Allahre buma kaennele naeise, Allah mare elembokembe nda ma ro miyaere yembombere: Wali Ondofolole imam holona ro miyae, Allahre mo ei molainye yohona ro miyae, Naei holona hele ro miyae.

1 Yohanes 3:10

Allahle kelu omi bele walobo yunbe kelu omi bele nda u mekaisa mo isaeimabonde: Ro miyae nde me u ijen omokoinya, nane merau naka baekere kena buhae u buhae eheinya, Allahle kelu omi yae me ebaei sului.