Lukas 16:7 - Allahle a neme heteungekoke homofae

⁷ “Ro bee nendore hineunge, ‘Aka baeke, waei kayee naennaen hului?’ “Nebei ro yae weunge, ‘Raei gandum holoboi 1000.’ “Abu ako yae weunge, ‘Nda homo moloi niyae moloiko holoboi 800.’

Lukas 16:7 Iomraidhean Croise

Matius 18:28

“Nebeibe nda ro nebei ondofolole bera eukukera, eke na kahili mbai naeinya rambun yaroweke na roi ane hele 100 dinar hului yeuboke kiyaebe hubayeikoke. Ikileuboke na horora ramewounge wa weunge, ‘Rambun yaroukokae roi sului hasale aheiko!’

Lukas 16:6

“Ro mbai nendo yae weunge, ‘Raei minyak zaitunda helai 100.’ “Nebei abu ako yae weunge, ‘Mbae nda homo niyae 50 hele yae moloiko.’

Lukas 16:8

“Naei u bene holoka koukokene, nebei u bulu-bulu u mekaise na rowa yae buma kaewounge. Nda kani kelana wali beko nibine orate ro miyae naei riyane bele a mokoi-mokoise meli mekai ayeukoke Raei are borate hakoyate yora.”

Lukas 2:37

Hana rora moloufake heera ralo yakama 84 Allahle imaene mo nekeweke. Reniai rai Allahre ei moloungeke, roko mbembe yarele me heiboyele nekeweke, na hibi-hibi ebeli boyeunge.

Lukas 20:12

Nebei heke rowa yebaei bubaei name nendo ukeunge eke. Nebei heke yo herawaikoke bowate ba hainyebokera, kaeibokate heke ele moinye wokate.

Lukas 20:9

Yesus nebei ro miyae arilewolere nda ahuba ahuneuboke huwoumi, “Kani rowa mbai anggur heke mokouboke. Nebeisa roi yae mokonate yore nebei heke kinyeumiboke, kulun uke, yo hire kolone oroweke.