Lukas 14:11 - Allahle a neme heteungekoke homofae

¹¹ Nde nauwa kaendena, kerenainyekonde onde. Nde wali ara nihennehindena, ro miyae nare ro enainyeronde.”

Lukas 14:11 Iomraidhean Croise

Matius 23:12

Nde yae nauware bumane engkaendena, Allah yae nebei kiyaere ane enneransinde. Nane merau nde yae nauwa ane enneransindena, Allah yae nebei kiyaere bumane ennekaembonde.

Lukas 1:51

Allah Hubalo Mando rambun emere-emere mokowole, embei aiko bele yore na mehininde kolowainye bele heraeiwoumi.

Lukas 1:52

Ondofolo-ondofolo hiwa Na yo malo bele yae herewoumi, me baei ban yore yarowole anuwau foinye hawoumi,

Lukas 14:12

Nebeisa mo Yesus nebei imae rorelere weunge, “Raman bulau kaban, ebi mokoubondene waei kahili wafeu, aka baeke, hokolo uneyau, waei imae ribo mbainya nekaube ro miyae, hembonilo relalo, ekaenei emeijae. Rabuhine ban, benen ware kaenenayeikote. Weyae mokowamae wanen naei wanen mbai benaibonde ware mokonayete.

Lukas 18:14

Yesus yae weumi, “Reyae wamale hokolo bee imaere ewote, pajakre yaroyele kiyaebe Allah yae nare wali himaloungeboke ro yae me baeungeboke, nebeibe Farisi holona kiyaere me ebaei. Nauware kaete ro miyaere ane enaimikolonde. Nauware ane koloyainye ro miyaere bumane emmikande.”

Yakobus 1:9

Mayae Yesus elele are hila rabo halaeunge aka baeke holona yo hiwa eba he bele hiwa eba he ban nekate. Eba he ban nekaube yo, rei mai kon. Rabuhine ban Yesus Naei a elelere mai hila rabo kusei mahei ban mae halaeubene, Allah mare ro bele ro miyae yae me baeyembe.

Yakobus 4:10

Allahle ro be ro yoinye mai kena u ane nihensimbena, Allah yae mai uware kaenembe.

Yakobus 4:6

Nebeibe Allah kena buhae aere ban mae heumekoke na elae bele, mai kena u elae ban. Nebei aerene Allahle homofae nda wanen molaikoke, “Ro miyae uware kaeyate embei aikore koyate yore Allah wali ehekaei ijewoumi, nebeibe kena u ane nihaeinyehike nekate ro miyae Allah kena buhae aere ban mae hemmikonde.”

1 Petrus 5:5

Nebei sului mbai mayae hokolo fa holona mai be hokolona yo naei a usaei wayembere uwa ane rannehimbe yae hakombe. Mayae nemene kena u ane rannehimbe yae maise naeise mokomembe. Rabuhine ban Allahle homofaene nda mekai moloukoke: “U maengkeu bele yore Allah me kena yae rorommile, nebeibe kena u ane nihaeinyehike nekate yore Allah kena buhae aere ban mae ei hawemmiyende.”

1 Petrus 5:6

Nebeinye bena fokehonole mende yane Allah mare buma enengkaembombe naeise, Allahle kin kelee hamai keleene kena u ane nihennehimbe nekembe.