Lukas 11:9 - Allahle a neme heteungekoke homofae

⁹ “Nebei aerene Reyae mare wamale, eitiyeinye, ware inyete; eihineinye baeinye, rowele; me kaba-kaba boinye, ware romau raungeibote.

Lukas 11:9 Iomraidhean Croise

Matius 21:22

Mai ebelire embombe rambun hila rabo nana heselena, mayae na hului enjarombe.”

Matius 21:31

“Nda kelu wa beera nde yae naekole a hakouboke?” Nda yo yae wainye, “Bena fa kiyae yae.” Yesus yae nebei imam yun-jun bele Yahudi yoyo koseyo belere weumi, “Reyae na helebe nda a wamale, Pajak roi arileyate yo bele nauwa naise heyate miyae maengke bele Raei me kelee u keleene nekate yo holo eise mare moi ungainyemombe bere yae enayembonde.

Matius 6:29

Nebeibe Reyae mare wamale, Ondofolo Salomo one bele hengko bele ketewainye hororebe na malo bae Allah arokoufe hiyei raneungeboke ma ehireikoi mo.

Markus 11:24

Nda abe bene nekenayembe: Mayae ebeli embombe, riyennehimbe rambun inyembere hila rabo elae yae halembe hele, nebei heere Allah enenjembe.

Markus 13:37

Nda a faeu mare wamale hului mbai ro miyae nemene ufemiyende, ‘Kayaa bele yae mo hebembe mai wali mokaungehake yae nekemembe!’ ”

Lukas 11:10

Riyende kiyae rowende; baende kiyae hubainyekonde; romau me kaba-kabare bonde kiyae nare romau raungainyebonde.

Yohanes 14:13

Nane merau rahe rambun aerene mayae Raei Ro eisa yae Maeko Allah riyennelena, mai rambun riyembe huluinye Reyae mokorebonde. Nebei nibi yae Raei walora Maeko Allahre hili enainyehebende.

Yohanes 15:16

Mayae Rare elaeufeboke ban nebeibe Reyae mare elembokamale, Raei holona yae me baemale. Reyae mare ukamale embe kakare eyeiboi ani foibe helen emmokombe. Nebei u mekai mokembena, rambun Raei Ro yae Ako Allahre riyennele yoni-yonire Neyae mare inyembe.

Yohanes 15:7

Rangkele mbainye nekemalena, nane merau Reyae huwamale a usaei wasaei hubara haeise yanembena, kenare kaube rambun Maekore riyennele hului mare inyembe.

Yohanes 4:10

Yesus yae weunge, “Allah yae ro miyaere aere ban mae foi yeyeumi nane merau Reyae ware bu andehindere riyawale Kiyae Allah yae ukeufe mekale. Nebei a isaeyeubokaena, weyae Rare wali bele bu riyeufehinde, ware walire yeumi bu isete.”

Roma 2:7

Ro miyae u mekai foi na hibi-hibi mokayeke walora uwa emmikaende naei bele be emmihinende naei bele nane merau wali hem ban kana ban belere baete yore, Allah yae wali hena bona emmiyende.

2 Korintus 6:2

Rabuhine ban Allahle homofaene Allah yae a eleukoke, “Reyae merau raungehikale mare hakorembombe hee yae Reyae mai are borombokamale, nane merau merau raungehikale holere molorembombe hee yae Reyae mare hakombokamale.” Reyae wamale, nda hee niyae Allah merau raungehike mare hakonembombere. Nda hee niyae Allah merau raungehike wali holere molonembombere.

Ibrani 11:6

Allah Naei a elelere hila rabo ehaleinya, ro miyae hi yae ha yae Allahre kena foise omokoiboi sului. Rabuhine ban ro miyae nde Allah bele mbainye nekenete kiyae nda naeise hila rabo halende hele: Allah nekele, nane merau ro miyae Nare baeyainye holonare foi emmiyende.

Ibrani 4:16

Nebeinye aei wali emangkabende hee aere yanekoi yase yae ei emmehawende nane merau kena buhae aere ban mae emmehende naeise, men, kendan wameran na bumane helere kena elae hubanne yae ema. Nebeinye nekele Kiyae ro miyaere kena buhae aere ban heumi.

Yakobus 1:5

Mai nolona ro miyae hi na isaei hebaen kalo moloungena, Allahre riyennehinde, nebei isaei hebaende a yae ohoroiboi Na kena faere-faere yae yennele.

Yakobus 5:15

Tuhan Naei a elelere hila rabo halenainyele hului ebeli bonainyelene, era buloone kole kiyae onomi yennele. Tuhan benen elae yennele. Nebei ro me u beko mokoukoke era, nebei ro naei me u beko Tuhan faeinyennebonde.

1 Yohanes 3:22

Nebeisa rahe rambun naeise eyae rimalena na hului yaromale, rabuhine ban Allah weume ana hului mokanne nane merau Na kena ure roweisiyeunge me u mokannelene.

Wahyu 2:24

Nebeibe, mayae jemaat Tiatira yona hiwa yo nebei u mekaise ehakoikoi omokoi yo bele walobo yun yae elele isaei hebaende isaeyeikoi yo belere Reyae mare ehee bukulu eyei.