Lukas 11:13 - Allahle a neme heteungekoke homofae

¹³ Mai wali bekobe, nebeibe mai kelu omi rambun riyayembe huluinye yeyaumi. Nebei sului mbai, mai Allah surga einye Kiyae, Naei Roh riyenainyele yore yemmile.”

Lukas 11:13 Iomraidhean Croise

Matius 5:16

Nebei sului mbai, ro miyae bene mai me u foi mokombe. Nebei me u neyae hehe merau erenate. Mai me u foi mokombene, mai Ako surgana ekenekele Kiyaere buma enainyekolonde.

Matius 5:45

Nebei mekai yaere mai Arai Allah surgane nekele Kiyaele kelu omire yembombe. Rabuhine ban ro miyae wali foi nekeyate, wali beko mokoyate nanemene Allah waesiyeumi hu naekoyeumi. Nebei sului mbai wali himalainyeboke yore, me hila u hila bele yore Allah waesiyeumi ya rileyeumi.

Matius 6:14

Ro miyae hiwa yo yae mare beko mokayengkokembere mai u benene nundemmikombena, mai Arai surgana nebei sului mbai mai bekore faeinyenembombe.

Matius 6:30

Nebei mekai mbai yae Allah akelana arokou na foi bele keteumiboube hororebe mana ya hebele wahenare i ranne hayeikoube, hila rabo kalore moloyembe hororebe, Allah mare emekai bele yae kitenembombe.

Matius 6:32

Nebei rambun yoni-yonire Allahre oneyainye yo yae hineyate baeyate. Mai Arai surgane nekele Kiyae naeisaei sele mai walire nebei rambun yoni-yoni nemene baeyaube mo.

Matius 7:11

Mayae beko bele neban bele yo maisaei nekaube ma kelu omi riyayembere foi bele moi bele rambun yeyaumi. Na kaban sele mai Arai surgane nekele Kiyae foi bele moi bele rambun Nare riyeyainye yore yeyeumi.

Lukas 11:12

Ojo rore riyewounge, a kaikai yae ikeunge?

Lukas 11:2

Nebeisa Yesus yae weumi, “Mayae Araise ebelire bonnelerena, nda ma yae harannebombe bonnele, ‘Arai, Waei ro nene waewae hele yae mokomayewende. Ro miyae Waei me kelee u keleene nekate yo yan meujebo.

Lukas 18:7

Naendae wanen, Allah Naei eleuboke wekeumi ro miyae nebei wanen reniai rai hileiko-hileiko kainyeweube yore ehakoiboi? Hakoiboi naeise wahenare, ya hendere yae wemmile?

Yohanes 4:10

Yesus yae weunge, “Allah yae ro miyaere aere ban mae foi yeyeumi nane merau Reyae ware bu andehindere riyawale Kiyae Allah yae ukeufe mekale. Nebei a isaeyeubokaena, weyae Rare wali bele bu riyeufehinde, ware walire yeumi bu isete.”

Kisah 2:38

Petrus yae weumi, “Aka naei baeke naei, Allah yae mai beko bakora faeinyenembonde naeise, nulu kenembombe, Yesus Wali Ondofolole Ro yae bu konayembe. Allahle Roh mare ei anembombe hele.

Roma 5:17

Naendae wanen horo Adam ro mbai ken u mekai beko mokouboke walora ro miyae nemene Allah bele waheyate nane merau hereyate, emekai bele Yesus Wali Ondofolo mbai ken walora ro miyae wali hena bona enainyehubande. Nebei wali hena bona u mekai bele nekate ro miyae Allah kena buhae aere ban mae heumilere isaeyaeibokene, Wali Ondofolo Naei a elelere hila rabo halaeinye nane merau Allah wali himalainyeboke yo yae me baeumi.

Roma 7:18

Reyae isaeyeubokale raei bekore kena kalere haraufe elae einye foi naeise u hele, rabuhine ban raei kena u einye u mekai foi naei mokorelere kena eikowalebe, nebeibe reyae mokoiboise na hului ban eisubawanale.

Roma 8:32

Allah Naei Kelu mbai ken sele eheraweiboi enekei nebeibe aei aerene kinyeumiboke lonbe. Nebei aerene Nangkele mbainye nekemale me u mokomale naei rambun yoni-yoni bele nane merau Naei Kelu bele yemmele hele.

Titus 3:3

Na bere hele aei wali u mekai kobu heene nekewande nda wanen: ro miyae hiwa naei are oboroyei ehakoyei, hiwa yo a ame-ame yanaimeke, aei bekore kena kowande nane merau nda kani kelana foi bele yu bele erande rambun aei walire ikileumekoke, ro kelai miyae kelai hiwa na waline beko benate me u mokowande, ro miyae hiwa yo naei rambun yaromakondere kena haehae kowande, ikele aeise naeise kowande.