Lukas 10:36 - Allahle a neme heteungekoke homofae

³⁶ Nda ahubara huweungekoke mo Yesus nebei Musale walora wali heere foloukoke isaeyaeiboke kelaeimi holona rore hineunge, “Nda ro name nolora elale makei kiyaebe waei u benere nekete hului nebei ro name nolora nde na hele ya-ya wali nibi mbainye orate ro?”

Lukas 10:36 Iomraidhean Croise

Matius 17:25

Petrus yae weumi, “Mokombondere.” Petrus imae eise eweufike. Eweufike hee mo, Yesus na bere a hineunge, “Simon, waei u benera naendae yae hubanae, nde naeise nda kani kelana Ondofolo yoni-yoni pajak naei roi riyeyaimi. Na kanina kelana ro miyaere? Yo moinya meiko-meiko ro miyaere?”

Matius 22:42

“Mai u benera Wali Ondofolore naendae yae u bene nekayembe? Neyae ndele orona mena yae elaube?” Nda yo yae wainye, “Ondofolo Daudle orona mena.”

Lukas 10:35

Ya heuboke mo, nebei imaena rore roi perak hele bee yeungekoke mo weunge, ‘Nda rore foi yae holeungele. Benen roi naennaen helen nen mokoungekondena, reyae merele yare ware isete.’ ”

Lukas 10:37

Nebei ro yae weunge, “Hakoungeboke kiyae.” Nebeinye Yesus yae weunge, “Foi, mana eye waei me u nebei wanen mae eumokonde!”

Lukas 7:42

Hokolo bee aheikoi suluinye, nebei roi ikeumi ro ninae hobeukoke karo yae eleukoke. Nda ro bee nolora nde yae nebei ro roise riyeinyehike kiyaere kena buhae hele kowounge?”