Kolose 3:1 - Allahle a neme heteungekoke homofae

¹ Mai kena u bele Wali Ondofolo bele nulu yo mahe yora annukembene, Wali Ondofolo Allahle meube reufi surgane ekenekele Kiyae kena kole rambunde mo u bene nekenayembe.

Kolose 3:1 Iomraidhean Croise

Matius 22:44

‘Allah yae raei Tuhande weunge, “Raei meube reufine nuweibo mende Waei yokeijo mokoremibonde waei oro keleene mo menayorulembonde.” ’

Matius 26:64

Yesus yae weunge, “Wenaeijae warae, na hele Reyae Wali Ondofolo. Reyae na hele wawale, nda heera Reyae Allahle bokora mekale ro miyae uware yeubokale Kiyae Allah Elaelo Wakelo Na meube reufine nuwerebonde, nane merau yaku bumara mangko randa merele mayae erensele.”

Matius 6:20

Nebei aerene naei foi sele mai eba he surgane kolon, rabuhine ban oyaya bele ehi bele bekore omokoiboi sului, nane merau yokoyo yae ekelaiboi. Nebei rambun yoko ebaeikoi sului.

Matius 6:33

Nebeibe Raei me kelee u keleene nekate holonare me baenembombere relennekombe nane merau Raei a elalere hakongkombe rambun na bemere hele. Mai wali rambun nemene bararemembe.

Markus 12:36

Era bae Daud nenaei yae Allahle Roh aungebokene eleukoke, ‘Allah yae raei Tuhan Kiyaere weunge, meube reufine mei nuweibo, wa yokeijo nemene mokoremibonde Waei oro kele me kelene mo menai orulembonde?’

Markus 14:62

Yesus yae wo koungekoke, “Reyae Niyaebe yae. Mayae nanemene enserembe Reyae, Allahle bokora mekale ro miyae uware yeubokale Kiyae, Allahle meube reufine nuwerebonde, yakuna mangko nolora merele!”

Markus 16:19

Aei Tuhan Kiyae, Yesus, a weumikoke baeufokera, surgare raneuweke ewole, Allahle meube reufine eunguweuboke.

Lukas 12:33

Mai keren nale roi naise heiko! Nebeisa nebei roi keren ban nale ban yore waheumiyende. Ma me u foi mokombena, surgana hemboni rela wanen rambun hononayembe. Nebeinye yokoyo yae erowei, nane merau mane yae ofoloyei hononayende.

Lukas 20:42

Daud nenaeijae homofae Mazmurne moloukoke, ‘Allah yae Raei Tuhande weunge, Ra meube reufine meinyuweibo,

Lukas 22:69

Nebeibe nda heera Reyae, Allahle bokora mekale ro miyae uware yeubokale Kiyae, ninae erele Allah Elaelo Wakelo Naei meube reufine erenuwembondere.”

Kisah 2:34

Daud surgare naei uwa ei nebeibe Daud yae eleukoke, ‘Allah yae raei Tuhande weunge: Raei meube reufine meinyuweibo,

Kisah 7:55

Nebeibe Stefanus Allahle Roh yae maemae koungekoke kiyae. Na ijoko yakure kanele bae Allah Naei one hengko hehe naeukokebe ereke nane merau ro bele anuwau Allahle meube reufine Yesus hebele erewole.

Roma 8:34

Ro miyae mbai sambai aere me onoyoi sului, rabuhine ban Yesus Wali Ondofolo, herekera benen nulu yo mahe yora aunguke Allahle kendan wameran meube reufine ekenekele Kiyae, aei aerene oleyele!

Roma 8:6

Bekore kena katere haraimi elae huluinye u bene nekaimi ro miyae Allah bele wahenaikonde, nebeibe Allahle Roh huluinye u bene nekaimi ro miyae wali hena bona u mekai nane merau rei mai hubanainyende.

2 Korintus 4:18

Nebei aerene ijoko yae ereiboi rambunde na hibi-hibi u bene nekaimele, ijoko yae erande rambunde u bene enekei, rabuhine ban ijoko yae erande rambun na hibi mo ohonoi, nebeibe ijoko yae ereiboi rambun huba ban haei ban hononayende.

Efesus 4:10

Nemene fomene na me einye nekenayende naeise Yesus nebei ana hele anuwaufa oke Kiyae nda hee anuwau bumana helene ekenekele.

Efesus 5:22

Miyae yoni-yoni, Tuhan me kelee u keleene nekaube wanen mae mauwa ma molo wa naei me kelee u keleene nekembe.

Kolose 2:20

Mai kena u Wali Ondofolo bele mbainye hereiboke nane merau nda kani kela na agama heere folaikokera me rubongkokembe, rahene mayae nebei wali heere folaikoke a naei me kelee u keleene nekaube?

Kolose 3:2

Mai u bene wa bene na hibi-hibi Naei kena kole rambun naeise mo harannebombe nekembe, nda kanina kelana naei yae ban,

Ibrani 1:13

Malaikat mbaise Allah yae nda wanen mae eleikoi, “Weyae Raei meube reufina ro bele anuwaunge meinyuweibo mende Reyae Waei yokeijo yoni-yoni beko mokoremibonde Waei oro hensen anuwau wanen mae enaijembonde.”

Ibrani 1:3

Naei Kelu Allahle nene waewae mbai nane merau Allahle u mekai bele nekele. Rambun nemene fomene Na Kelu elae bele wake bele a elele yae hara nekeunge. Neyae Ro miyae naei beko bako faeinyemmibonde naei nibi mokoubokera Allah surgana nene waewae bele Kiyae Na meube reufine eunguweuboke.

Ibrani 10:12

Nebeibe Yesus Wali Ondofolo ro miyae naei beko mokowate aerene roko mbai, obo yoku ongkoufe felewate wanende, Naei uwa yae Allahre kinyeungebokera Allahle meube reufine ekenekele.

Ibrani 12:2

Aei ijokobe Yesusre yae eremande, Naei bune wane hamemande. Neyae Allah Naei a elewolere hila rabo halemande yae nekemale naeise kelewoume nane merau na hibi-hibi kelemmele. Neyae Naeisaei Allahle bokore rei mai yae nekenenderene, kena herauboke yae ohaline baikoke, fere koi-koi here ma. Ohaline baikoke u buhae hubawoungebe, rilibo ban mae hereke, nebeisa Allahle kendan wameran meube reufine ekenekele.

Ibrani 8:1

Eyae elande a yoni-yoni na no nda niyae, reyae na ranne moloukokale wanen imam kaban bele nekande. Neyae nene waewae bele Allah surgana ekenekele Kiyaele kendan wameran meube reufine nuweuboke ekenekele.

1 Petrus 3:22

Nda hee Yesus Wali Ondofolo surgana ekenekele. Neyae Ako Allahle kendan wameran one hengko bele anuwau na meube reufine eunguweuboke, nane merau malaikat yoni-yoni bele walobo yoni-yoni bele naei yun-jun nanemene Naei me kelee u keleene orulaiboke nekate.