Kolose 2:2 - Allahle a neme heteungekoke homofae

² Nebei ro miyae na hului Allahle a nunna honaimeke, Wali Ondofololena a, na foi yae isaeinyaibondere nane merau nebei isaei hebaen hului nekenatene foi hubanainyende naeise, reyae merau haraungebokale naeise naeise u bene wa bene mbai yae kena buhae u buhae henate walora na kena u hara roronate.

Kolose 2:2 Iomraidhean Croise

Matius 11:25

A weumikoke baeufoke heera Yesus nda mekai yae Naekore weunge, “Arai, bumana anare ikileubokae Ako, Ware mbaibe buma kaewale. Helen foi wawale, rabuhine ban Waei ako faeuko no nanemene isaei bele hebaen bele ro miyae naeisa nunne raufikae, nebeibe fa-fa wanen ro miyae isaei ban hebaen ban yore keleumibokae.

Matius 11:27

Yesus a weumi, “Raei Ako Allah nemene fomene Raei me einye kinyewoufe. Ro miyae hi yae ha yae Rare oroiboi Ako Allah nembai mo roufeboke. Nane merau hi yae ha yae Raei Ako Allahre oroiboi. Reyae na kelu nane merau Reyae elerebonde Akore yakaremibonde ro miyae bele mo Ako Allah royanne.

Matius 13:11

Yesus yae weumi, “Raei me kelee u keleene nekate ro miyae holo naeise na nunna honate rambun isaeyembombe naeise mare mo ikembe, ndi yore eyei.

Lukas 1:1

Foi moi, Teofilus. Ro miyae helen mae nda rambun aei nolone bewatere homone uwa nihaeinyehike hauwate.

Yohanes 10:30

Rangkele Maekole nanembainye nekende.”

Yohanes 10:38

Nebeibe Reyae rambun emere-emere mokalena, nebei mokalebe na hele yae elen! Nebei mekai yaere maisaei nekembe nane merau isaeyembombe Maeko Rangkele mbai, nane merau Reyae Maekole mbainye nekayende naendae wanen hororebe Raei a elalere hila rabo ehalei.”

Yohanes 16:15

Maekole me einye honainye rambun yoni-yoni nanemene Raei bangka mo. Nebei aerene Reyae wamale, nebei Roh Raeisa yarongkonde huluibe mare isaeinyembe.

Yohanes 17:3

Wali hena bonana u mekai nda niyae: Weyae Allah hele mbai mo rore ronayete nane merau Yesus Wali Ondofolo, Reyae Niyae, Weyae ukarae mekale Kiyae rore ronaisele.

Yohanes 5:17

Nebeibe nda yore Yesus yae weumi, “Maeko Allah foi naei rambun na yane baei mokoyele. Reyae nebei sului mbaibe mokale.”

Yohanes 5:23

Nebei aerene ro miyae nanemene Maekore be hinenainyele yo, nebei sului mbai Reyae Na Kelure be hinenaisele. Nde yae Reyae Na Kelure be ehineinya, nebei kiyae Ako Allah ndare ukeufe mekale Kiyaere be ehinei.

Yohanes 6:69

Weyae wamae a hila rabo halewande nane merau isaeyaendeboke Weyae mbaibe Allahle u mekai wanen Kiyae, Allahlera mekae.”

Kisah 4:32

Nebei ro miyae hilare rabore halewate yo nemene na kena mbai u mbai. Nebei nolora hi yae naei rambun naei uwa mbai naei yae eleikoi. Nemene na mena-mena rambun honate nemenaei bangka mo.

Roma 15:13

Allah yae mokonembe rabo elae halembe Naei elele a hului mokonde. Allahlena Roh elae walora mayae rabo elae halembe Allah nuleuboke are na hele inyaibonde naeise, reyae Allahre riyanale Naei a elelere hila rabo halaeunge yae Neyae mai kena rowenensimbe nane merau rei mai bele yae haungemembe.

Roma 16:25

Aka naei baeke naei, reyae Wali Ondofolena a foi faeu foise huwengkokamale. Nebei a heki hele nunne honowate. Nebeibe nda hee yoho nemene Wali Ondofolore hila rabo halenainyele naeise, nane merau hakonainyele naeise, Allah Hubalo Mando yae Naei yenjo kayaayo naei homofaene ukeumi molaikoke, nane merau nda heene Wali Ondofolole naeise yakaumeboke. Nebei Allah na hului mokonembonde Wali Ondofolo Naei a elelere hila rabo elae yae halemembe, hakomembe.

Roma 2:4

Allah kena nime haba yae mare mokoyembe nane merau kena hebaen u hebaen mae mare me onoyoi. Mayae maisaei ban selene Allah merau raungehike, Naei me u foi yae mare moi hurenembe u mekai wa mekai bekora nulu kenembombe. Mayae Allah u mekai wa mekai foi yae mokoyembere rabuhi ban mae elaube!

1 Korintus 14:31

Mayae nanemene na hului isaeyembe nane merau kena hara roronembe naeise Allah weumi are ungaimile yo nanemene na huba hubara a elenaikonde.

1 Korintus 2:12

Allah yae nendon iwoume rambun yoni-yoni nanemene eyae isaeimabonde naeise, nda kani kelana wali beko nibine orate ro miyae naei isaei hebaen mae eyei, nebeibe Naei Rohbe ikeume.

Galatia 3:28

Eyae Yesus Wali Ondofolo bele mbainye nekemalene, Yahudina ro miyae, Yunanina ro miyae, yebaei bubaeise nekate yo, ro hosoro, ro holo, miyae holo, nemene Allah mbai yae me baeume.

Efesus 1:7

Allah aere kena buhae aere ban mae emekai bele hewoumene, Naei isaei hebaen na bumana hele yae Yesusre ukeunge meke. Na uwana ha rileuboke walora aei beko bakore aheukoke baeufoke, nane merau Allah yae aei beko bako faeinyeumekoke.

Efesus 3:16

Allah nene waewae bele Kiyaele me ei u einye honate rambun emekai bele yaeiboke. Nebei nolone Naei Roh. Reyae ebeli banale, Allah mokonnele Naei Roh yae mai kena u elae inyembe. Nebei nibi yae Yesus Wali Ondofolo Naei a elelere hila rabo halembe walora Neyae mai kena ei u einye nekenende nane merau mayae na yaka yae isaeyembombe Yesus Wali Ondofolo yae kena buhae u buhae heyembe.

Efesus 3:3

Allah meraufe raungehike nunne honayeke rambun rare yakaufeboke. Homo fofo ranna bere moloukokalene nebei naeise a ebimbin wengkokamale.

Efesus 6:22

Maei nekande ma isaeinyembombe nane merau neyae mai kena foi u foi mokonengkombe naeise mai bokore Tikhikus ufende ende.

Filipi 2:1

Wali Ondofolo Nangkele mbainye oraubene mai kena ure hara roroyembe. Neyae mare kena buhae u buhae hembene kena foi u foi hubaunge. Allahle Roh mare ei hawembene homo mbainye oraube wali mbainye nekaube. Maise naeise kena nime haba yae nekembe nane merau ro miyae hiwa naei beko hubainye aerene mayae kena beko hubayaungele.

Filipi 3:8

Benen bararembondere. Raei Tuhan Yesus Wali Ondofolo ro roungebokalere na bereise eranalene, nda kani kelana honowaise rambun yoni-yoni rabuhi ban mae elale. Nebei Kiyaele aerene rambun yoni-yoni nanemene me ruboumibokale. Yesus Wali Ondofolo raeise yembondere nane merau Nangkele mbaise yaebonderene nda kani kelana rambun yoni-yoni retara yae me baele.

Kolose 1:26

Nebei ako faeuko aei abu naei arai naeite heena nunne honaimekene naeisaei ban, nebeibe mana Allah yae a hokoukoke Yesus Naei eleuboke wekeumi yore nda ako faeuko nunna honaimeke yakaumiboke.

Kolose 1:27

Allah merau raungehike Yahudi yo bele Yahudi ban yo bele na hului nda nunna honaimeke ako faeuko isaeinyaibonde, naei wali einye foi moi mokommiyende. Nebei ako faeuko Wali Ondofolo na bumane hele Kiyae naeise, na nore beunguke nda niyae: Wali Ondofolo mangkele nekembene, mayae na hului rabo elae halembe Naei nene waewaere mayae hubannele.

Kolose 1:9

Nebei a mekai meyae borandekoke heera mai naeise na hibi-hibi Allahre ebeli bannele. Meyae Allahre riyannele Naei Roh yae Naei isaei hebaen bele ma yae mauwa haranembe nane merau nda wali einye foise mo kelenembe. Nebei wanen mae Naei kenare kole ma isaeyembombe.

Kolose 2:19

erabae na wali ha Tuhan Wali Ondofolo bele mbainye ahuneikoi. Aei uware oro i me i ahuneyele aei yunbe kena kole kabande raemabonde wanen Wali Ondofolo aei Yunde yeuboke Kiyae mokounge jemaat uwa nemene bere enate, Allah kenare kole mekai.

Kolose 3:14

Na bereise hele maise naeise kena buhae hemembe. Nda wanen mae mayae holo mbaise yembombe wali nibi mbai oromembe.

Kolose 4:3

Maei naeise ebeli bonnembe Allah yae romau rawembonde Wali Ondofolole nunna honate a meyae na hului yakamakonde naeise. Nda hee Yesusle a huwewekalene reyae kawane hebale.

Kolose 4:8

Reyae nare ukanale mai bokore endere, maei walina yaeikoke a mare huwenengkombe naeise nane merau mai kena u hara roronembe naeise.

1 Tesalonika 1:5

Rabuhine ban meyae Yesusle ako faeuko mare huwayengkokembe heena a naungehu yae ban, nebeibe Allahlena Roh elae bele yae maei kena eisa hubawanne Allahle a meyae huwewande na hele. Mayae maisaei mo, mai foi naeise mai nolone maei wali ma haranneboke nekewande.

1 Tesalonika 5:14

Aka naei baeke naei, meyae moi hurayembe, kalia omokoyei yore angkaa yobommile. Buhae-buhae koyate ro miyaere kena elae yemmiyembe. Elae ban wake ban nekate yore hakommiyembe. Ro miyae hiwa bele kena hebaen u hebaen mae nekemembe.

1 Timotius 3:16

Nana hesele Yesus Wali Ondofolo Allah kenare kole hului mo nekewole nibi nunne honole. Yesus nda wali ma nekewole: Naei uwa yakaiboise ro miyae uwa yae yakaumeboke, Allahle Roh yae Neyae Allahlera mekere a yae eleukoke, Malaikat yae Nauware ijoko ereungeboke, nda kani kelana ro miyae Allahre oroiboi yo nolone Naei are huwewaimi, ro miyae nda kani kelana Nare hila rabo halewainye, Allah Nare kaeuboke nene waewae bele anuwaunge eungehauboke.

Ibrani 10:22

Nebei aerene men, nda u mekai ma yae Allah bele mbainye nekemale: na hele Allahle naeise kena kande yae, Wali Ondofolo Naei a elelere na hele hila rabo halaennele yae, kena u yolo-yolo bele nekemale yae. Nda nibi yae aei kena u yolo-yolo mokomande. Aei beko mokowande faeinyembondere nibi mbai mokombonde naeise Yesus Na ha yae rileuboke na hele elandene, nulu kemmebonde. Na hele nulu keumebokere kelemamile naeise bu konaimebonde.

Ibrani 6:11

Meyae kena hele kande Allah nuleungekoke a huluinye mokondere rabo elae halembe naeise, nebei me foi u foi na hibi-hibi mokomembe.

2 Petrus 1:10

Nebeinye aka naei baeke naei, elae yae relennele Allah kenare kole hului nekemembe. Nebei nibi yaere Allah na hele mare kaenengkokembere nane merau elembokembe wekembe Naei holone hambokembere elaebe mokonnebombe. Bumane moloukokale honate a hului mokombena, mayae beko na hibi-hibi omokoyei,

2 Petrus 1:3

Allahle elae wake huluinye Nare ranneboke walora eyae na hului wali hena bona u mekai hubamande nane merau Naei kenare kole hului mokomale. Neyae nene waewae bele nane merau u mekai foi sele Kiyae yae aere kaeneumekoke Naei holona ro miyaere imabondere.

2 Petrus 3:18

Nebei rambun benate belene, aei Tuhan Wali Ondofolo Yesus kena buhae aere ban heumele Kiyaere foi yae ronnebombe naeise na hibi-hibi relennembe. Yesusre huba ban haei ban hili hebenainyende.

1 Yohanes 3:19

Nda nibi yae isaeimale Wali Ondofolole na hele wali nibine orande: Allah na kaban hele, aei kena u einye nekate yoni-yoni bele aei me u mokande bele nemene fomene Neyae naeisaei. Aei kena u osaemabonde heene eyae isaeimabonde me u beko mokandeboke. Eyae Allahle Roh Naei a elelere kena u einye hakomale yae kena foi u foi nekemale.

1 Yohanes 5:7

Nda a name isaeyaeimele ((Yesus na hele Allahle Kelu Wali Ondofolo Kiyae)):