Ibrani 2:16 - Allahle a neme heteungekoke homofae

¹⁶ Na yaka yeuboke Yesus malaikat yoni-yonire hakoumi ban, nebeibe Abrahambe orona mena yae me baeumi yore hakoumi.

Ibrani 2:16 Iomraidhean Croise

Roma 2:25

Musale walora wali heere folaikoke are hubara haeisa yanennelena, ro u elan neisaise rabuhi bele yae elaube. Nebeibe mai ro uwa elan naisake hororebe, Musale walora wali heere folaikoke are hubara haeisa eyaneinya, Allah yae eneisai ro yae me baenembe.

Galatia 3:16

Allah yae Abrahamde are heteungekoke Abraham naei u mbai naeise, nane merau naei orona mena ro mbai naeise. Allahle homofaene Abrahambe orona mena helen hurenende naei abe eleikoi. Abrahambe onsira ro mbai sele, Yesus Wali Ondofolo, nebei Kiyaele abe eleukoke.

Galatia 3:29

Mayae na hele Wali Ondofolole holona yore yaeubokene, mayae nane merau Allahle bene Abrahambe orona mena yore yaeuboke, nane merau Allah are heteungekoke hului Naei kelu omire mokoungehake rambun mayae enjarongkombe hele.

Ibrani 12:10

Mon na heki ban aei kani kelana ako na kena foi yae hubainye yae aei walire hiyei meiraneikoyaime. Eyae na hului Naei wanen u mekai yolo-yolo yae emanekende naeise, Allah aei foi naeise aei walire hiyei meiraneikoyoume.

Ibrani 2:17

Yesus ro miyaere yanekoi yase yae ei hawemmile nane merau Allah a weunge hului mokole imam kabande yembonde naeise, nane merau nibi mbai mokombonde ro miyae naei beko bako mokaimekere Allah faeinyemmibonde naeise, nebei me u mokombondere Yesus Na aka baeke wanen mbainye yembonde hele.

Ibrani 6:16

Ro miyae hi a holo kaikoke rambun naeise yembonderene, ro bele rore kaeneikoyeunge. Nebei mekai yaere are kilate rambun foi mokoiboyate.

1 Petrus 1:20

Allah Na merau haraungebokere mokonde naeise, nda kani kela omokoiboi heena Yesus Wali Ondofolore Allah eleuboke wekeunge. Nebeibe mai foi naeise nda hee hubare mokonnele ya yae Neyae uwa yakauboke.