Ibrani 2:1 - Allahle a neme heteungekoke homofae

¹ Nebeinye Allah yae Naei Kelule walora a uwoumene, nebei are nou hemande hele. Nandolo yae yobounge wi enene hebele kiyaele a elae ban yeiboyole wanen Allah ukeume a elae ban yembondera u benera nundenaimekonde belene, nebei are nou hemande hele.

Ibrani 2:1 Iomraidhean Croise

Matius 16:9

Mayae namman isaeyeiboi selene! Mai u benera onengkokembe era, feu maehae mbai yae 5.000 ro anaikoke, nebeisa kakali naennaen hului kalun arilaufike?

Markus 8:18

Mayae raei me u mokoukokalere ijoko eraukoke angkaei boraukoke, nebeibe naei mekai isaeyeiboi mo kaube era. Bene nekenayembe,

Lukas 8:15

“Kani foi kela foinye baleyate yo nebei niyae nebei a faeufe borowate ro miyae na kena u yolo-yolo bele, na hibi-hibi hila rabo halenayende, nebei a hului nekenate, ani nime bele mokowate.”

Lukas 9:44

“Nda Raei a wamale angkaei foi-foi yae boron: Reyae, Allah ukeufe mekale ro miyae uware yeubokale Kiyae, u mekai beko bele ro miyae naei me einye kinyenaisebondere.”

Yohanes 8:59

Nebeisa Yahudi ro miyae ruka yarowate Yesusre hekelenainyelere. Nebeibe Yesus Nauwa nunde yae ewaheukoke. Allahre ei mom-mom imae na kaban sele kiyae imaehoufa eukuke ewole.

Ibrani 12:5

Allahle homofae aei kena rowemmehinde a mayae Allah Naei kelu omi yae ukembere u benera nundenengkombe bele, “Kelu naei omi naei, mai be elae u elae huluinye Tuhan mai walire hiyei ranenembombe me u mokonengkombere rabuhi ban eleijae! Nane merau Neyae a usaei wasaei elae ungembene, kena beko okoijae!

2 Petrus 1:15

Nebeinye reyae hererelera mayae na hibi yae nebei a wengkokamale u bene nekenayemembe naeise, reyae elae yae relerengkonde.

2 Petrus 3:1

Aka naei baeke naei, nda homofae bee nendo mare molongkokamale. Nebei homofae beene mai u bene na ijen mae harannele naeise reyae walerembondere relaenale.