Filipi 4:14 - Allahle a neme heteungekoke homofae

¹⁴ Nebeibe raei uwana kalore molowoufe hibe mayae fomaufebokene, u mekai foi selebe mokauboke yae hubanale.

Filipi 4:14 Iomraidhean Croise

Matius 25:21

“Na rowa yae weunge, ‘Nda u mekai foi selebe mokoubokae! Weyae raei yebaei bubaei u mekai na foi sele nane merau raei are hakoyae. Rambun kaei-kaeise na mekai yae mokoubokaene, reyae rambun kaban mae kinyereibotere. Eyeisi, raei rei mai kale nolone wangkele eiko eisukele!’

Roma 15:27

Nda ro miyae kena rei mai sele yae hakonaimibondere, nana hesele naei baka ranne honole, rabuhine ban bena Allah yae Yahudi ro miyaere naeisa foi yae mokomeyeumi. Nebeisa Allah nibi mbai mokoungeboke Yahudi ban ro miyae na hului Yahudi ro miyae wanen mbai Naei foi kayee yaronate. Nebeinye Yahudi ban ro miyae na baka ranne huluinye Yahudi ro miyaere na wali rambun yoni-yoni yae hakonaimile.

Galatia 6:6

Nde yae Wali Ondofolole a foi faeu foise kelaeinyekoke isaeyeuboke kiyae, naei rambun foi bele keleikoise keleungekoke kiyaere wahenete.

Filipi 1:7

Na ijen sele mai naei rei mai bele raei u benera nekenaisende, rabuhine ban reyae mare kena buhae heimeyamalene. Kawane hebale hee bele moinye nekewale hee bele Yesuslena a foi faeu foise hole molowanale nane merau a elae wamaele nebei a na hele yeuboke. Nebei mokale bele mayae nanemene rare hakowaufe. Allah rare kena buhae aere ban mae heyeufe wanen mbai Neyae mare heyembe.

Filipi 4:18

Nda hee anerele naei bele hirerele naei bele nanemene maisa yaroukokale emekai bele honate. Rambun naei reyae helen, rabuhine ban Epafroditusre ikaungele meke bele roukale. Nebei rambun Allahre kinyainye hili era akau era fololo kaei mo wanen, Neyae kena kongkonde.

1 Timotius 6:18

Rambun bele ro miyaere weumile nda u mekai ma nekenate: me u foi mokonate, ro miyaere hakonaimile, kena faere-faere yae nekenate, naei hun bele wai bele yae hiwa yore hakonaimilere be hinenaibonde.

Ibrani 10:33

Roko hi ro miyae hosoro naei bene mai naeise a beko huwaimi nane merau weitasi kowayembe. Roko hiwa ro miyae hiwa mai beko hubawaunge wanen mbai hubawainye yore hakowaumi nangkele orowaube.

Ibrani 10:34

Kawane ekaisebate yo yae kena beko hubainye ma mbai mayae hubawaunge. Nane merau mai rambun yoni-yoni yo hiwa yarowaterebe mai kena rei mai yae nekewaube, rabuhine ban mayae maisaei Wali Ondofolole einye foi bele huba ban haei ban hononende rambun bele mai naeibe honayembene.

Ibrani 13:16

Me u foi mokoi-mokoise nane merau yei wahei wali eisako meisako naeise mayae u benera nundenengkombe bele. Nebei me u mokande yae aei obo yoku yae ongkoufe felemande wanen Allahre kena foise mokomande.

Wahyu 1:9

Reyae Yohanes, mai aka baeke wanenne maengkele beko hubannele nane merau Yesusle me kelee u keleene nekande. Yesusle kalia mokandene beko hubannele hororebe, na hebaen-sebaen mae Yesus Naei a elelere na hibi-hibi hila rabo halemayende. Allah weufe a faeu bele nane merau Yesuslena a isaeyaemaele bele aerene rare Patmos yokobane aisewoke nekewale.