Filipi 3:2 - Allahle a neme heteungekoke homofae

² Mai nolone ro miyae hiwa kelaeimi Musale walora wali heere foloukoke a huluinye ro holona naei ro uwa elan nenaisande hele. Nda are kelaeimi ro miyae u mekai bekobe mokate, wali niki bele yoku wanen yaeiboke. Mai uware kayaa foi hebemembe, nebei ro miyae yae kelaeimi a faeu oboroijae.

Filipi 3:2 Iomraidhean Croise

Matius 24:10

Nebei hee Rare hila rabo halaeise ro miyae helen bena wali niki belere bukenaibonde, hi yae hire kelai nenende, nane merau hi yae hire ikele konnele.

Matius 7:15

“Ame-amere yanate yenjo kayaayore kayaa hebembe. Mai bokore domba wanen kena nime haba menatebe, serigala wanen hangkei sele.

Matius 7:6

“Allah Naei ako faeuko rambun foi sele moi sele nau buna mutiara wanen mae yeuboke. Nebei ako faeuko obo yoku u mekai wanen ro miyaere ehuweijae. Obo mutiara ranne nendon oro aleikoyate wanen mae nebei yo yae Allah naei ako faeukore a beko elenate. Yoku benaibonde ware akenayeikote waei uwa fo bee-bee raungayeikote wanen mae neyae ware a yae horonayete.

Roma 2:28

Ro miyae Yahudi yo fa yan fa yae ronaimibondere, Yahudi era hena hakainye nane merau ro uwa elan nenaisande walora mo ban.

2 Korintus 11:13

Nebei ro miyae nda u mekai wanen nekate: abu ako wabu-wabu yae harainyele, ro miyaere ame-ame baeimi, Wali Ondofolole abu ako wanen mae uwa molaiboke orate.

Galatia 5:13

Aka naei baeke naei, Musale walora wali heere foloukoke a hului ehee bukulu hayemmira me rubombokembe. Nebeibe mai bekore kena haehae kaube hului mokombe belene, wali kayaa bele hebembe. Maise naeise kena buhae eise meise yae hembe nane merau yebaei bubaei u mekai yae eisako meisako yae hakomembe.

Galatia 5:15

Kayaa bele hebembe! Maise naeise a beko faeu beko elembena, me u beko mokombena, mai wali horombombe.

Galatia 5:6

Ro miyae Wali Ondofolo bele mbainye nekate yo ro uwa elande folate era hena hakomakonde, ehakoikoi nebei rabuhire eyeiboi. Na kaban sele Yesus Naei a elelere hila rabo haleyannene, ro miyae hiwa yore kena buhae u buhae haemmire, me foi u foi walora kelemamile.

Filipi 3:19

Nebei ro miyae beko emmimokongkonde. Nebei yo nda wali ma nekate: naei yarele ei mom-mom rambunde yaeiboke, fere koi-koi u mekaise ei molaimi, nda kani kelana wali beko mare mo naei u bene harainyeboke.

Filipi 3:3

Na bere Allah ro uwa elan nainyehake ro miyaere Naei holona yo yae me baeuboke. Nebeibe nda hee eyae Allahle Roh aei kena eisa elele huluinye Allahre ei molomande nane merau Yesus Wali Ondofolore hili hebannele ro miyaere Allah me baeume, na hele ro uwa elan nainyehake ro miyae wanen.

1 Timotius 1:19

Nane merau weyae releungele yae Wali Ondofolo Naei a elelere hila rabo haleungele nane merau kena u yolo-yolo yae huba haleungekonde naeise, nebei a wawale. Ro miyae hiwa Wali Ondofolo Naei a elelere oboroiboinye, naei kena une beko hubanainyele nane merau naei hila rabo mohi-mohi kamai-kamai yaeiboke, kakai ruka ranne ruwae yae hayeukokene beko yembonde wanen.

Titus 1:16

Naendae mekai horo lon neyae Allahre rainyeboke yae elenatebe, nebeibe meyae maeisaei neyae Allahre oroiboi sele, rabuhine ban naei u mekai nda ma: me u bekone, na u mekai u nene yae wa, Allahle afaeufe ehakoyei, nane merau me u foi naeise mokonatere na hului ban.

2 Petrus 2:22

Nebei yo naeise ahumboyate eleikoyate a na helebe molaikoke: “Yoku na mikae okoisayele mo benen bukeisiyele anekoyele, nane merau obo bolira bu koiboyole mo benen beisoyole boline eikole.”

Yudas 1:4

Reyae nda a wamale, rabuhine ban Allahre ei ehaweyei yo maleu-maleu wae mai u nolo u kainye mayeuboke nekate. Nda yo yae kelaeimi Allah aere kena buhae aere ban mae heumelene, eyae na hului u mekai bekore kena haehae kande hului mokomale. Nebei yo kelaeimi Yesus aei Tuhan hele mbai mo Kiyae Wali Ondofolo ban. Nebei holona yo naei ehee bukulu nendahina homofaene a nulainyekoke.

Wahyu 2:9

Reyae isaeyeubokale mayae beko na bune-bune hubaimeyaunge nane merau hun ban wai ban yaeuboke. Nebeibe naeinya hesele Allahle isaei hebaende mayae hun bele wai bele! Holo mbai nauware Yahudi ro miyae yae na ame-ame elate, erabae na hele walobo yunde ei molainyele holona yo. Mai ro fere mokonayembombere a beko mahi-mahi yae huwatere Raeisaei.

Wahyu 21:8

Nebeibe ro miyae fere faeyate yo, Wali Ondofolo Naei a elelere hila rabo ehalei yo, wali niki kombu mo yo, ro miyaere hoyate yo, yokore kaeimaere koyate yo, buloo aerere mokate yo, hoime bahere ei molaimi yo, ame-ame bele yo, nanemene bumoko belerang bele i buloo-buloo belene enaisayende. Nda here roko bee nendo niyae.”

Wahyu 22:15

Yo moinye nda u mekai bele ro miyae yae enainyekende: yoku u mekai bele yo, buloolo yo, yoko kaeimaere koyate yo, ro miyaere hoyate yo, hoime bahere ei moloyaimi yo, ame-amere beyatere kena kate yo.

Wahyu 3:9

Ro miyae hiwa walobo yunde ei moloi-moloi holona ro miyae ame-ame yae baete nauware Yahudi ro miyae yae elate, erabae nebei na hele ban. Eren, Reyae nebei yore ufemile mai oro bene oro selen-selen menaitorongkonde nane merau wo konate Reyae mare buhae heimeyamale.