Filipi 3:13 - Allahle a neme heteungekoke homofae

¹³ Aka naei baeke naei, Neyae weufe are hakanale wali ma reyae namman ehameikoi. Nebeibe na bere nekewale wali ma reyae u bene nundensekonde, nane merau raei uwa hararembonde, Yesus kena kole huluinye nekerele u mekai raei elae wake nanemene hele relaenale.

Filipi 3:13 Iomraidhean Croise

Lukas 10:42

Naei berei sele na mbai ken, Maria yae nare ikileuboke. Ro miyae hi yae ha yae naei mera enukeisai.”

Lukas 9:62

Nebeibe Yesus yae nebei rore weunge, “Ro miyae nde naei kena ura a hokoukoke Raei a wanale hului yae nekenende nebeisa kennehinde, nebei kiyae Raei kaliare mokonde naeise na hului ban.”

2 Korintus 5:16

Wali Ondofolo ro miyae nemene naei aerene hereke are hila rabo halaennene, nda kani kelana wali beko nibine orate ro miyae yae hiwa yore ijoko eraimi wanen mae meyae erei. Na bere Wali Ondofolore nebei ma yae erewanne, nebeibe nda hee benen nebei mekai ban.

Filipi 2:12

Reyae buhaere haemale aka baeke, mai u nolo u kainye namman nekewekale hee bele nda hee ahaunge nekale bele, Wali Ondofolole a elelere mayae hakoyaube ma mbai Allah Elaelo Wakelore hubara haeisa yanaungene, Wali Ondofolole wali hena bona wali nibi are na hibi-hibi relenembe hakomembe.

Filipi 3:12

Nebei yoni-yoni nanemene mokorelere rauwa hiyei raneubokale yae elei. Yesus Wali Ondofolo yae kaeneufekoke Naei wali nibi a huluinye ororele. Reyae na hibi mo releimeyanale Naei a elelere hakanale.

Filipi 3:8

Benen bararembondere. Raei Tuhan Yesus Wali Ondofolo ro roungebokalere na bereise eranalene, nda kani kelana honowaise rambun yoni-yoni rabuhi ban mae elale. Nebei Kiyaele aerene rambun yoni-yoni nanemene me ruboumibokale. Yesus Wali Ondofolo raeise yembondere nane merau Nangkele mbaise yaebonderene nda kani kelana rambun yoni-yoni retara yae me baele.

Ibrani 6:1

Nebeinye, Wali Ondofololena a na bemena kelewaimebe nukemabonde, Wali Ondofolole einye henammebonde naei a usaei wasaei kelaeimene hakomakon. Aei hila rabo aehure raimehike naei a na bere kelewaime nda niyae: Allah bele wahenaikonde u mekai beko mokatera nulu kenainyebonde naei, Allahre hila rabo halenainye naei,

2 Petrus 3:8

Aka naei baeke naei, nda abe u bene enundeijae, Allahle u benene, ya mbai bele ralo yakama 1.000 bele nane hului mbai, nane merau ralo yakama 1.000 bele ya mbai bele nane hului mbai.