Žozuwe 9:18 - Songhai de Gao Bible

¹⁸ Amma Izirayel borey manʼi kar kʼi wii žeeyanoo kaŋ jamaa boŋkoyney nʼa tee Abadantaa, Izirayel Koyoo maaɲoo ga. Jamaa kul ŋuunuŋuunu boŋkoyney ga.

Žozuwe 9:18 Iomraidhean Croise

Samiyel 2to 21:7

Sawul haamaa kaŋ ti Mefibošet, Žonataŋ izʼaroo, Dawda mana yadda kʼa noo, amaanaa maaganda kaŋ goo Dawda nda Sawul izʼaroo Žonataŋ game kaŋ i nʼa tee Abadantaa maaɲoo ga.

Zaburey 15:4

A si baa boro kaŋ Irkoy nʼa fur, a ga borey beerandi kaŋ ga hunbur Abadantaa, ba nda a žee haya ga kaŋ si boori a se, a gʼa tee.

Waazukaa 5:2

Almuraadu boobo ga kate boro ma handiri, takaa din da lakkal jaŋante, nga šenni boobey no mʼa cebe.

Waazukaa 5:6

Zama nda handiri boobo kokoroo ti yaada, takaa din da no nda šenney boobo. Adiši hunbur Irkoy.

Waazukaa 9:2

Haya kul ga tee boro kul ga, koddoroo kaŋ ga duu boro šerrantaa, nga no ma duu boro futaa, nda boro hennaa, nda boro henanantaa, nda boraa kaŋ si henan, nda boraa kaŋ ga sargari kaa, nda woo kaŋ si sargari kaa, ihennaa nda zunubantaa, boraa kaŋ ga žee, nda woo kaŋ ga hunbur žeeyan.

Kabuyaney 30:3

‹Nda aru na meefur zaa Abadantaa se, wala a žee ka allaahidu zaa nga jindoo ga, a masi nga šennoo yankar, hayaa kaŋ hun miɲoo ra, a ma woo din da tee.›»

Alhukumoo 23:22

«Nda nʼna meefur zaa Abadantaa, ni Koyoo se, masi gay manʼa kaa, zama šikka sii, Abadantaa, ni Koyoo ga ni hãa nda a, nda woo teendi, a ga tee ma ne zunubu.

Alhukumoo 23:23

Nda nʼna ni boŋ dii mana meefur zaa, mana duu zunubu.

Alhukumoo 23:24

Amma haya kaŋ ni miɲoo nʼa har, mʼa tee ka sawa nda meefuroo kaŋ nʼnʼa zaa nda ni boŋ Abadantaa, ni Koyoo se, woo kaŋ ni miɲoo nʼa har.»

Žozuwe 9:17

Izirayel borey koy, de jirbi hinzantoo, i too ngi koyrawey do kaŋ ti Gabawoŋ, nda Kefira, nda Berot, nda Kiryat-Yarim.

Žozuwe 9:19

Amma boŋkoyney nee jamaa kul se: «Ir si hin ka tuku i ga, zama ir nka žee i se Abadantaa, Izirayel Koyoo maaɲoo ga kaŋ ir si haya kul tee i se.