Žozuwe 8:4 - Songhai de Gao Bible

⁴ A nʼi yaamar ka nee: «Wa guna, war ga boroyaŋ tugu koyraa se, koyraa banda ga. War masi hanse ka mooru koyraa. War kul ma soolu.

Žozuwe 8:4 Iomraidhean Croise

Kokoyey 2to 7:12

Kaŋ kokoyoo maa šennoo, a tun cijinoo ra, a nee nga borey se: «Wa naŋ ya hayaa har war se kaŋ Siiri borey goo mʼa tee ir se. I ga bay kaŋ heray goo ir do, woo se i hun ngi kaloo ra ka koy tugu hawsaa ra ka nee kaŋ waati kaŋ ir fatta ka hun koyraa ra, i gʼir dii kabe nda kabe, i ga huru koyraa ra.»

Taarikey 2to 13:13

Žeroboham na nga borey jere foo sanba i ma monno-monno Žuda borey se banda. Nga nda nga borey jere faa goo Žuda borey tenje, woo ra i na Žuda borey daŋ game.

Waazukaa 7:19

Lakkal ga lakkalkoyni noo gaabi ka bisa boŋkoyni woy (10) kaŋ goo koyra ra.

Waazukaa 9:16

Agay, ay nee: «Lakkal baa gaabi, amma borey mma talka lakkaloo kaynandi, i si haŋajer nga šenney se.»

Teegoyey 23:21

Ni, masi yadda i se. I bisa boro woytaaci (40) kaŋ hawandifutay a ga. I na žeeyan beeri tee kaŋ ngi si ŋaa ngi si haŋ nda manʼti ngi nka Pol wii. Sohõ i soolu, i si haya kul batu kala ma ni jindoo noo.»

Žozuwe 8:16

I na koyraa kul marga i mʼi gaarandi. I na Žozuwe gaarandi, i mooru koyraa.

Žozuwe 8:3

Žozuwe nda wongaarey kul tun ka žigi ka Ayi kar. Žozuwe na wongaari beeri zenber waranza (30.000) suuba i ra kʼi sanba cijin here.

Alkaaley 20:29

Woo ga, Izirayel na zanbaguusu tee ka Gibeya kuubi kʼa bere.

Alkaaley 20:33

Izirayel borey kul na ngi dogey naŋ, jere foo koy tee jama-jama Bal-Tamar. Jere faa kaŋ na lamtaa hirri haabu ka hun nongoo kaŋ ra i goo ka koy Geba farroo ra.

Alkaaley 20:36

Benžameŋ borey dii kaŋ ngi karandi. Takaa ne kaŋ nda i nʼi kar: Izirayel borey nka muray ka zuru Benžameŋ borey jine, zama Izirayel borey ga bay kaŋ lamtay no ngi nʼa hirri Gibeya.

Alkaaley 9:25

Woo gar Šekem borey na zanbaguusu tee tondi hondey boŋ beene, boroyaŋ kaŋ ga boro kul kaŋ ga bisa ngi fondaa ra kom. Abimelek duu alhabaroo.

Alkaaley 9:32

Adiši sohõ, tun cijin here, ni nda jamaa kaŋ goo ni bande ma koy zanbaguusu tee i se hawsaa ra.

Samiyel 1na 15:2

Hayaa ne kaŋ Abadantaa, Aduɲɲakoyoo nʼa har, a nee: ‹Ay kayandi ka bana Amalek borey ra, woo kaŋ i nʼa tee Izirayel se ka fondaa daabu waatoo kaŋ a ga žigi ka hun Misira.

Samiyel 1na 15:5

Sawul too hala Amalek koyraa ra, a na kumsay hirri gooru ra.