Žozuwe 4:24 - Songhai de Gao Bible

²⁴ Woo teendi hala dumey kul kaŋ goo laboo ga ma bay kaŋ Abadantaa kaboo manʼti kala hini beeri, hala war ma hunbur Abadantaa, war Koyoo waati kul.»

Žozuwe 4:24 Iomraidhean Croise

Kokoyey 1na 8:40

Nda woo teendi, i ga hunbur ni jirbey kul kaŋ i gʼi tee gandaa ra kaŋ nʼnʼa noo ir baabey se.

Kokoyey 1na 8:60

Nda woo teendi, dumey kul kaŋ goo laboo ga, ga bay kaŋ Abadantaa ti Irkoy, nga dumaa ga koy tana sii no.

Kokoyey 2to 19:19

Sohõ, Abadantaa, ir Koyoo, ay gʼa wiri ni ga, mʼir hallasi Senakerib kaboo ra hala laboo kokoy laamawey kul ma bay kaŋ ni hinne, Abadantaa ti Irkoy!»

Kokoyey 2to 5:15

Namaŋ nda nga hangakey kul willi ka koy Irkoy boraa do. Waatoo kaŋ a too, a kay annaboo jine ka nee a se: «Sohõ ay bay kaŋ aduɲɲa kul ra Koy sii no nda manʼti Izirayel Koyoo. Aywa sohõ, suuri ma hayaa dii kaŋ agay, ni tamoo gʼa noo ma ne.»

Taarikey 1na 29:12

Alman nda darža si hun kala ni do, ni bara haya kul boŋ. Gaabi nda hini sii kala ni kaboo ra, ni kaboo mo no ma haya kul jer, nga no ma gaabi noo.

Ayuba 40:9

Ni kaboo ga too Irkoy wanoo, ni jindoo ga too jiŋjiŋyanoo sanda takaa kaŋ Irkoy wanoo ga ti a wala?

Zaburey 106:8

Amma a nʼi hallasi nga maaɲoo maaganda se, hala nga ma nga hinoo cebe.

Zaburey 89:13

Ni no ka hawsa nda gurma taka, Tabor nda Hermoŋ tondi hondey ga kaati ka ni maaɲoo cee.

Zaburey 89:7

Duulawey ra, may no ma hin ka nga boŋ kar Abadantaa? Koyey izʼarey ra, may no ma hima nda Abadantaa?

Fattaroo 14:31

Kaŋ Izirayel dii gaaboo kaŋ nda Abadantaa na Misira borey halaci, jamaa hunbur Abadantaa, i naanay Abadantaa nda nga tamoo Musa.

Fattaroo 15:16

Jitiyan nda hunburay kaŋ i boŋ. Ni kabe gaabantaa jine i tee suk ma nee tondi, i si hin ka šelaŋ hala waati kaŋ ni jamaa ga dira ka bisa, Abadantaa, hala waati kaŋ ni jamaa kaŋ nʼnʼa sawal, dira ka bisa.

Fattaroo 20:20

Musa nee jamaa se: «War masi hunbur, zama Irkoy nka kaa ka war sii, hala nga hunburaa ma bara war ra, war masi zunubu tee.»

Fattaroo 9:16

Nda ay na ni naŋ ma bara hala sohõ, addaliloo manʼti kala hala ya ni cebe ay gaaboo, ay maaɲoo ma harandi laboo kul ga.

Alhukumoo 28:10

Dumey kul kaŋ goo laboo ga, ga dii kaŋ Abadantaa maaɲoo ga ciya ni ga, de i ga hunbur ni.

Alhukumoo 6:2

hala ma hunbur Abadantaa, ni Koyoo ni hunaroo kul ra, ni, nda ni izoo, nda izoo izoo ka nga hantumey, nda nga yaamarey kul dii, wey kaŋ agay, ay gʼi har ma ne hala ma duu aloomur.

Samiyel 1na 17:46

Hõ, Abadantaa ga ni daŋ ay kaboo ra, ay ga ni kar, ay ga ni boŋoo dunbu. Hõ ay ga Filisti borey kaloo bukawey noo beenaa cirawey nda laboo hoogawey se. Woo ra laboo kul ga bay Izirayel goo nda Koy.